Author: નોબત સમાચાર
જામનગરની પત્રકાર સોસાયટીમાં રસ્તા વચ્ચોવચ્ચ કરેલા ખોદકામ પછી તત્કાળ પુનઃ સડક બનાવો...
ઢાળિયાથી જલારામનગર-ગુરુદ્વારા માર્ગે ભૂગર્ભ ગટર માટે
જામનગરની પત્રકાર કોલોનીનો ગૌરવપથ-જિલ્લા પંચાયત નજીકથી માર્ગ જાય છે, તે ઢાળિયાથી રોડની વચ્ચોવચ્ચ સડક તોડીને તેમાં ભૂગર્ભ ગટરની પાઈપલાઈનો બિછાવવાની કામગીરી કરવામાં આવી રહી છે. આ કામો પત્રકારોના રહેણાંકો પાસેથી જલારામનગર-ગુરૂદ્વારા માર્ગ સુધીના ક્રિકેટબંગલા વિસ્તારમાં સડક ખોદીને મોટી પાઈપો નાખવામાં આવી રહી છે, અને જેમ જેમ પાઈપલાઈનો નંખાતી જાય, તેમ તેમ ખાડો બૂરવા માટે કાંકરી પાથવરવામાં આવી રહી છે. આ ખોદાયેલા પટ્ટામાં વાપરેલી કાંકરીમાં અણિયાળા નાના-મોટા પથ્થરો હોવાથી સ્થાનિક રહીશોને હાલવા-ચાલવામાં મુશ્કેલી પડી રહી છે અને વાહનોમાં પંચર પડી રહ્યા છે. આ અંગે સંબંધિત તંત્ર તથા ફિલ્ડમાં કામ કરતા કન્ટ્રાક્ટરના માણસોનું ઘણી વખત ધ્યાન દોરવા છતાં આ ખુલ્લો પટ્ટો ઘણાં દિવસોથી યથાવત્ છે, તેથી આ પટ્ટો બૂરાયા પછી તેને સમતળ કરીને પાકી સડક તત્કાળ બનાવવી જરૂરી છે અને જ્યાં સુધી પાકી સડકનું કામ શરૂ ન થાય, ત્યાં સુધી આ અણિયાળા પથ્થરો પર રેતી અને માટી પાથરીને લોકોની પરેશાની દૂર કરવા જોરદાર માગણી ઊઠી રહી છે.
આ જ પ્રકારે આખા જામનગરમાં ભૂગર્ભ ગટર, પાણીની પાઈપલાઈનો, વીજલાઈનો કે ગેસલાઈનો માટે સતત વર્ષોથી જુદા જુદા ખોદકામો થતા રહે છે, હાલ ચાલુ છે અને તેના પર પુનઃ સડક બનાવીને ફરી બીજા કામે બીજું ખોદકામ થતું હોવાથી આ નગરવ્યાપી સમસ્યાનું પણ તત્કાળ નિવારણ થવું જરૂરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
