Author: નોબત સમાચાર
ઓખામાં ખોદવામાં આવેલા વિશાળ ખાડામાં ખાબકી જતાં ડૂબેલા ૧૨ વર્ષના તરૂણનું મૃત્યુ
કોન્ટ્રાક્ટરે ખોદ્યો હતો મોતનો ખાડોઃ ફેન્સીંગ ન મૂકાઈઃ
ઓખા તા. ૯: ઓખામાં રેલવે ફાટક પર ઓવરબ્રિજ બનાવવાનું કામ ચાલી રહ્યું છે. તે સ્થળે ૧ર ફૂટ ઉંડો અને ૨૦ ફૂટ જેટલો પહોળો ખાડો ખોદવામાં આવ્યા પછી કોન્ટ્રાક્ટરે ત્યાં ફેન્સીંગ ન કરાવતા કે ચોકીદાર પણ ન મૂકતા આ ખાડામાં ભરાયેલા વરસાદી પાણીમાં ગઈકાલે બાળક પડી ગયા પછી મોતને શરણ થયો છે.
ઓખાની મુખ્ય બજાર અને ગામને જોડતા ઓવરબ્રિજનું હાલમાં કામ ચાલુ છે. તેના કારણે રેલવે ફાટક પાસે ઓવરબ્રિજ બનાવતા કોન્ટ્રાક્ટરે ૧૫ બાય ૨૦નો ઓરસ ચોરસ અને ૧૨ ફૂટ જેટલો ઉંડો ખાડો તે સ્થળે ખોદાવ્યો છે.
હાલમાં ભારે વરસાદના કારણે ઉતરોક્ત ખાડો વરસાદી પાણીથી ભરપુર થઈ ગયો છે. તે ખાડા પાસેથી ગઈકાલે અઝરૂદ્દીન અકબરભાઈ સુરાણી નામનો ૧ર વર્ષનો બાળક પસાર થતો હતો ત્યારે કોઈ રીતે ખાડામાં ખાબકી ગયો હતો. આ વેળાએ ત્યાં હાજર લોકોએ ફાયરબ્રિગેડને જાણ કરી હતી અને સ્થાનિક તરવૈયાઓ ખાડામાં કૂદી પડ્યા હતા. અંદાજે પોણો કલાક સુધી શોધખોળ કરાતા આ બાળકનો મૃતદેહ ખાડામાંથી મળી આવ્યો હતો.
દોડી આવેલી પોલીસે મૃતદેહને પીએમ માટે ખસેડ્યો છે. ઓવરબ્રિજ બનાવવાનંુ કામ રાખનાર કોન્ટ્રાક્ટર પેઢીએ તે ખાડો ખોદ્યા પછી ત્યાં ફેન્સીંગ કરી ન હતી કે કોઈ ચોકીદાર રાખ્યો ન હતો જેના કારણે ગઈકાલની દુર્ઘટના સર્જાઈ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
