Author: નોબત સમાચાર
અફઘાનિસ્તાનમાં મહિલાઓએ લખેલા પુસ્તકો ભણાવવા પર તાલીબાની પ્રતિબંધ
કેટલાક પ્રાન્તોમાં વાઈ-ફાઈ પર પ્રતિબંધ મુકાયો
કાબુલ તા. ૨૨: અફઘાનિસ્તાનમાં મહિલાઓએ લખેલા પુસ્તકો ભણાવવા પર તાલીબાન સરકારે પ્રતિબંધ મુકયો છે. શરિયા સિદ્ધાંતોથી વિપરીત ગણાવીને ૧૮ વિષયો ભણાવવા પર પણ બેન મુકાયુ છે. જયારે અમુક પ્રાંતમાં વાઈ-ફાઈ પર પણ પ્રતિબંધ ફરમાવાયો છે.
અફઘાનિસ્તાનમાં લોકોને અનૈતિક આચરણથી બચાવવા માટે તાલિબાને ફાઇબર ઑપ્ટિક ઇન્ટરનેટ સેવાઓ પર પ્રતિબંધ લગાવી દીધો છે. તાલિબાન સરકારે અફઘાનિસ્તાનની યુનિવર્સિટીના અભ્યાસક્રમમાંથી મહિલાઓએ લખેલાં પુસ્તકો હટાવી દીધાં છે. આ નવા પ્રતિબંધ અંતર્ગત માનવઅધિકાર અને યૌન-ઉત્પીડનના શિક્ષણને પણ ગેરકાનૂની ઘોષિત કરી દીધું છે.
મહિલાઓ દ્વારા લખાયેલાં લગભગ ૧૪૦ પુસ્તકો પર પ્રતિબંધ મૂકવામાં આવ્યો છે. યુનિવર્સિટીનું કહેવું છે કે હવે ૧૮ વિષયો ભણાવવાની અનુમતિ નથી રહી. એક તાલિબાન અધિકારીએ કહૃાું હતું કે જે વિષયો શરિયા ધર્મના સિદ્ધાંતો અને વ્યવસ્થાની નીતિથી વિપરીત છે એ ભણાવવા પર પ્રતિબંધ મૂકવામાં આવ્યો છે. પુસ્તકોની સમીક્ષા કરનારી સમિતિના એક સદસ્યએ આ વાતની પુષ્ટિ કરતાં કહૃાું હતું કે મહિલાઓએ લખેલાં પુસ્તકો ભણાવવાની પરવાનગી નથી. ૨૦૨૧ના ઑગસ્ટ મહિનામાં અફઘાનિસ્તાનમાંથી અમેરિકન સેનાની પૂર્ણ વાપસી પછી સત્તાની કમાન સંભાળનાર તાલિબાને પહેલી વાર આ પ્રકારનો પ્રતિબંધ લાગુ કર્યો છે. ઉત્તર અફઘાનિસ્તાનના કેટલાક પ્રાંતોમાં વાઇ-ફાઇ ઇન્ટરનેટ સેવા બંધ થઈ ગઈ છે, જ્યારે મોબાઇલથી લિમિટેડ નેટવર્ક વાપરી શકાશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
