Author: નોબત સમાચાર
મહાકાળી સર્કલ પાસે સર્જાયેલા અકસ્માતમાં ગંભીર ઈજા પામેલા બાળકનું સારવારમાં મૃત્યુ
સ્કૂટરને પાછળથી બોલેરોએ મારી હતી ટક્કરઃ
જામનગર તા. ૨૩: જામનગરના મહાકાળી સર્કલ પાસે એક સ્કૂટરને પાછળથી બોલેરોએ ટક્કર મારતા સ્કૂટર પર જતા એક મહિલા તથા તેમના જોડીયા બાળકોને ઈજા થઈ હતી. સારવારમાં ખસેડાયેલા ત્રણેય વ્યક્તિમાંથી એક બાળકનું મૃત્યુ નિપજ્યંુ છે.
જામનગરના હવાઈચોક વિસ્તારમાં એક એપાર્ટમેન્ટમાં રહેતા ડિમ્પલબેન પારસભાઈ નાકર નામના વિપ્ર મહિલા રવિવારે સાંજે જીજે-૧૦-સીએચ ૮૧૮૭ નંબરના સ્કૂટરમાં પોતાના ભવ્ય અને ધૈર્ય નામના સાત વર્ષના જોડીયા બાળકો સાથે દિગ્જામ સર્કલથી આગળ મહાકાળી સર્કલ પાસેથી પસાર થતા હતા.
આ મહિલા મહાદેવ નગરમાં રહેતા પોતાના માતા-પિતાને મળી બાળકો સાથે પરત જતા હતા ત્યારે તેઓએ એક સ્પીડબ્રેકરમાં સ્કૂટર ધીમુ પાડતા જ પાછળથી જીજે-૧૦-ટી ૯૧૩૯ નંબરની બોલેરો ટકરાઈ પડી હતી. આ અકસ્માતમાં ડિમ્પલબેન તથા ધૈર્યને થોડી ઘણી ઈજા થઈ હતી. જ્યારે ભવ્ય (ઉ.વ.૭)ને ફેફસાના ભાગમાં અને માથા તેમજ હોઠ પર ઈજા પહોંચી હતી.
ત્યાં હાજર વ્યક્તિઓએ ત્રણેય ઈજાગ્રસ્તને સારવાર માટે જી.જી. હોસ્પિટલમાં ખસેડ્યા પછી ડિમ્પલબેને પોલીસમાં ફરિયાદ નોંધાવી હતી. તે દરમિયાન સારવારમાં રહેલા તેમના પુત્ર ભવ્યનું અવસાન થતાં અરેરાટી પ્રસરી ગઈ છે. એએસઆઈ ટી.કે. જાડેજા તથા રવિ એન. બુજડે તપાસ શરૂ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
