Author: નોબત સમાચાર
સ્વામીનારાયણનગરમાં મકાનમાંથી ઈંગ્લીશ દારૂના ૧૦૬ ચપલા સાથે એકની અટકાયત
એલસીબીએ સપ્લાયરનું નામ ઓકાવ્યું:
જામનગર તા. ૧૯: જામનગરના સ્વામીનારાયણનગર વિસ્તારમાં આવેલા એક મકાનમાંથી ગઈરાત્રે એલસીબીએ ઈંગ્લીશ દારૂના ૧૦૬ ચપલા કબજે કર્યા છે. ઝડપાયેલા શખસે સપ્લાયરનું નામ આપ્યું છે. સ્થળ પરથી ચપલા તેમજ મોબાઈલ કબજે કરી લેવાયો છે.
જામનગરના નાગનાથ નાકા પાસે આવેલા સ્વામીનારાયણનગરમાં એક મકાનમાં ઈંગ્લીશ દારૂનો જથ્થો પડ્યો હોવાની બાતમી એલસીબીના કિશોર પરમાર, ભરત ડાંગરને મળતા પીઆઈ વી.એમ. લગારીયાની સૂચનાથી ગઈકાલે રાત્રે એલસીબી સ્ટાફે સ્વામીનારાયણ નગરમાં આવેલા મામાના મંદિર નજીકના હીરેન રમેશભાઈ ડોડીયાના મકાનમાં દરોડો પાડ્યો હતો.
આ મકાનની તલાશી લેવાતા તેમાંથી ભારતીય બનાવટના અંગ્રેજી શરાબના ૧૦૬ ચપલા મળી આવ્યા હતા. અંદાજે રૂ.૧૦૬૦૦ની કિંમતના ચપલા તથા એક મોબાઈલ સાથે હીરેન ડોડીયાની અટકાયત કરાઈ છે. આ શખ્સે દારૂનો જથ્થો રવિ ભાનુશાળી ઉર્ફે રવિ ફુસ નામના શખ્સે આપ્યાની કબૂલાત કરી છે. બંને સામે સિટી બી ડિવિઝનમાં ગુન્હો રજીસ્ટર કરાવાયો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
