Author: નોબત સમાચાર
ફૂલ સ્પીડમાં બોલેરો ચલાવી જોખમ સર્જનાર ચાલક સામે ગુન્હો
શહેરના અન્ય સીસીટીવી પર પણ પોલીસની બાજનજરઃ
જામનગર તા. ૫: જામનગરના લાલબંગલા વિસ્તાર પાસે એક બોલેરો ચાલકે પોતાનું વાહન અન્ય વાહનચાલકોની જિંદગી જોખમમાં મુકાય તે રીતે આડેધડ રીતે ચલાવતા તે દૃશ્ય પોલીસના સીસીટીવી કેમેરામાં કંડારાયું હતું. તેના આધારે ટ્રાફિક શાખાએ ગુન્હો નોંધી બોલેરો, ચાલકને અટકાયતમાં લીધા છે.
જામનગરના સાત રસ્તા વિસ્તારથી ટાઉન હોલ તરફ જતા વાયા લાલબંગલાવાળા રસ્તા પર એક બોલેરો પુરપાટ ઝડપે અને અન્ય વાહનચાલકો, રાહદારીઓની જિંદગી જોખમમાં મુકાય તે રીતે દોડી જતી પોલીસના કમાન્ડ એન્ડ કંટ્રોલ સેન્ટર દ્વારા મૂકવામાં આવેલા સીસીટીવી કેમેરામાં દેખાઈ આવ્યું હતું.
વધુ પડતી સ્પીડ અને આ વાહનના કાવા મારવામાં આવતા હોવાનું નીહાળી સેન્ટરના પીએસઆઈ બી.બી. સીંગલ તથા સ્ટાફે જુદા જુદા કેમેરા ચેક કરી આ વાહનના નંબર શોધી કાઢયા હતા. જીજે-૧૦-ટીવાય ૧૨૦૫ નંબરના આ બોલેરો અંગે ટ્રાફિક શાખાના પીએસઆઈ એમ.બી. ગજ્જરને વાકેફ કરવામાં આવતા તેઓની સૂચનાથી સિટી બી ડિવિઝન પોલીસ સ્ટેશનમાં આ બોલેરોના ચાલક સામે ગુન્હો નોંધવામાં આવ્યો છે અને પોલીસે નંબર પરથી તે બોલેરો શોધી કાઢી કાયદેસરની કાર્યવાહી કરી છે. આ જ રીતે શહેરના જુદા જુદા વિસ્તારોમાં પુરપાટ ઝડપે વાહન ચલાવતા શખ્સોને પકડી પાડવા કમાન્ડ એન્ડ કંટ્રોલ સેન્ટરની ટીમ તમામ સીસીટીવી કેમેરા પર ચાંપતી નજર રાખી રહી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
