Author: નોબત સમાચાર
ધ્રોલના લતીપર પાસે હોટલે ચા પીવા ગયેલા યુવાન પર તિક્ષણ હથિયારથી કરાયો હલ્લો
હોટલ પર પથ્થરમારો કરી ફ્રીઝનો કાચ તોડી નખાયોઃ
જામનગર તા. ૧૨: ધ્રોલના લતીપર ગામ પાસે આવેલી એક હોટલ પર સોમવારની રાત્રે એકાદ વાગ્યે પીકઅપ વાનમાં ધસી આવેલા ચાર શખ્સે પથ્થરમારો કરી ફ્રીઝના કાચનો ભૂક્કો બોલાવી દીધો હતો અને ત્યાં ચા પીવા આવેલા એક યુવાનને માર મારી ફ્રેક્ચર કરી નાખ્યું હતું. અગાઉના ઝઘડાના કારણે હુમલો કરાયાનું પોલીસ ફરિયાદમાં જણાવાયું છે.
ધ્રોલ તાલુકાના લતીપર ગામમાં રહેતા સાગરભાઈ રાણાભાઈ કેશુર નામના યુવાન સોમવારની રાત્રે એકાદ વાગ્યે લતીપર પાસે આવેલી સદાશિવ હોટલમાં ચા પીવા ગયા હતા. આ વેળાએ ત્યાંથી બોલેરો પીકઅપ વાન ધસી આવી હતી.
તે વાહનમાંથી મૂળ લતીપરના અને હાલમાં મોરબીમાં રહેતા અજય ચાવડા તથા અન્ય ત્રણ અજાણ્યા શખ્સ ઉતર્યા હતા. અગાઉ રાહુલ નામના વ્યક્તિ સાથે કોઈ બાબતે અજય ચાવડાને ઝઘડો થયો હતો. તે દરમિયાન સોમવારની રાત્રે અજય તથા તેના ત્રણ સાગરિત આવી ચઢતા અને રાહુલ સાથે બોલાચાલી કરવા લાગતા રાહુલ હોટલમાં ચાલ્યો ગયો હતો. તે પછી આ શખ્સોએ હોટલ પર પથ્થરમારો કરી ફ્રીઝનો કાચ તોડી નાખ્યો હતો અને ત્યાં ચા પીને બેસેલા સાગરને રાહુલ સાથે કનેક્શન છે તેમ માની એક અજાણ્યા શખ્સે ધારદાર હથિયારથી હુમલો કરી માર મારતા ફ્રેક્ચર સહિતની ઈજા પામેલા સાગરભાઈને હોસ્પિટલ ખસેડવામાં આવ્યા છે. જ્યાંથી તેઓએ અજય સહિતના ચાર સામે પોલીસ માં ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
