Author: નોબત સમાચાર
જામનગરમાં ચલણી નોટના નંબર પર જુગાર રમતા તેર શખ્સ સામે પોલીસે કરી કાર્યવાહી
વર્લીના આંકડા લખતા ત્રણ શખ્સ ઝબ્બેઃ
જામનગર તા. ૧: જામનગરના બેડી, શાક માર્કેટ, વ્હોરાના હજીરા તથા નાગેશ્વર સહિતના વિસ્તારોમાંથી ચલણી નોટના નંબર પર જુગાર રમતા તેર શખ્સ ઝડપાયા છે. વર્લીના આંકડા લખતા ત્રણ મળી આવ્યા છે અને ચલણી સિક્કો ઉછાળી જુગાર રમતા બેને પોલીસે લોકઅપના દર્શન કરાવ્યા છે.
જામનગર નજીકના બેડેશ્વરમાં કબ્રસ્તાન પાસેથી શનિવારે સાંજે ચલણી નોટના નંબર પર જુગાર રમતા બશીર આબીદ સોઢા, સીદીક કરીમ સુંભણીયા, અહેમદ જાનમામદ સફીયા નામના ત્રણ શખ્સ ઝડપાઈ ગયા છે.
જામનગર તાલુકાના મિયાત્રા ગામમાંથી શિવરાજસિંહ મહિપતસિંહ કંચવા નામનો શખ્સ વર્લીના આંકડા લખતો મળી આવ્યો છે.
જામનગર-રાજકોટ રોડ પર હાપા પાસે મોટરના એક શો-રૂમ નજીકથી રવજી શામજી રંગપરા વર્લીનું બેટીંગ લેતો ઝડપાયો છે.
બેડીના પુલ પાસેથી શનિવારે સાંજે વર્લીના આંકડા લખતા અકરમ નુરમામદ પરીઠ નામના શખ્સને સિટી બી ડિવિઝન પોલીસે ઝડપી લીધો છે. જ્યારે સલીમ નુરમામદ મુનરાઈ, આબીદ રસીક ચંગડા નામના બે શખ્સ ચલણી નોટના નંબર પર જુગાર રમતા ઝડપાયા છે. કિશન કિશોર ચૌધરી, વિજય લક્ષ્મણ ચૌહાણ પોલીસના દરોડામાં પકડાયા છે.
જામનગરના સુભાષ શાક માર્કેટ વિસ્તારમાં વેરશીવાડના ઢાળીયા નજીકથી સંજય જયસુખભાઈ વારા, મેહુલ રમેશભાઈ પાટલીયા નામના બે શખ્સ ચલણી નોટના નંબર પર જુગાર રમતા મળી આવ્યા છે.
વ્હોરાના હજીરા પાસેથી જેઠાભાઈ નારણભાઈ મકવાણા અને અસગર હનીફ ગજીયા એકીબેકી બોલતા મળી આવ્યા છે.
નાગેશ્વર કોલોનીમાં એકીબેકી બોલતા ભીખુ ધનજી બારીયા, વિજય સુખા મકવાણા નામના બે શખ્સ પણ એકીબેકીનો જુગાર રમતા મળી આવ્યા છે અને સિટી બી ડિવિઝન પોલીસ સ્ટેશન નજીક મોલવાળી ગલીમાં સિક્કો ઉછાળી જુગાર રમતા કાસમ ઓસમાણ નોઈડા, આમીન બશીર ઝુલા નામના બે શખ્સને પકડી લેવામાં આવ્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
