Author: નોબત સમાચાર
જૂના રેલવે સ્ટેશન રોડ પર રોડ ક્રોસ કરતા પ્રૌઢને સ્કૂટરની ટક્કરથી હેમરેજ
ધ્રોલ પાસે ઈકો પાછળ બોલેરો પીકઅપ વાન ટકરાઈઃ
જામનગર તા. ૨૬: જામનગરના જૂના રેલવે સ્ટેશન રોડ પર ફોરેસ્ટ કચેરી પાસે મંગળવારે સવારે રોડ ક્રોસ કરતા એક પ્રૌઢને સ્કૂટરે ટક્કર મારતા આ પ્રૌઢને હેમરેજ થઈ ગયું છે. જ્યારે ગઈકાલે સાંજે ધ્રોલ નજીક એક હોટલ પાસે ઈકો મોટરની પાછળ બોલેરો પીકઅપ વાન ટકરાઈ પડી છે. આ અકસ્માતમાં સદ્નસીબે કોઈ જાનહાની થઈ નથી.
જામનગરના નાગનાથ નાકા પાસે આવેલા મહેશ્વરીનગરના ચોકમાં રહેતા હમીરભાઈ ડગરા નામના પ્રૌઢ મંગળવારે સવારે પોણા આઠેક વાગ્યે જૂના રેલવે સ્ટેશન રોડ પર આવેલા ધાબા નજીક ફોરેસ્ટ વિભાગ પાસેથી રોડ ક્રોસ કરતા હતા.
તેઓ ગુરૂદ્વારા સર્કલ નજીક ચોકીદારીનું કામ પૂર્ણ કરીને ઘરે જતા હતા. આ વેળાએ જીજે-૧૦-સીએસ ૫૫૬ નંબરના સ્કૂટરના ચાલકે પુરપાટ ઝડપે ધસી આવી હમીરભાઈને હડફેટે લીધા હતા. રોડ પર પછડાયેલા આ પ્રૌઢને હેમરેજ સહિતની ઈજા થઈ છે. અકસ્માત સર્જી નાસી ગયેલા સ્કૂટર ચાલક સામે હમીરભાઈ ના પુત્ર હિતેશભાઈએ સિટી બી ડિવિઝનમાં ફરિયાદ નોંધાવી છે.
જામનગરના દિગ્જામ સર્કલ નજીક ગાયત્રીનગરમાં રહેતા ઉમેશભાઈ કાનજીભાઈ રાણવા નામના મોટરચાલક ગઈકાલે સાંજે પાંચેક વાગ્યે જામનગર-રાજકોટ રોડ પર ધ્રોલ નજીકની જીજે-૧૦-ડીએન ૬૪૯૩ નંબરની ઈકો મોટર લઈને જતા હતા ત્યારે પાછળથી પુરપાટ ઝડપે આવી ચઢેલી જીજે-૧-કેટી ૬૯૮૪ નંબરની બોલેરો પીકઅપ વાને ટક્કર મારતા ઈકો મોટરમાં રૂ. ૨૦ હજારનું નુકસાન થયું છે. પીકઅપ વાનના ચાલક ગાંધીનગર જિલ્લાના કરોલી ગામના નઈમહુસેન અખ્તરહુસેન મલેક સામે ધ્રોલ પોલીસ સ્ટેશનમાં ફરિયાદ કરાઈ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
