Author: નોબત સમાચાર
જી.જી. હોસ્પિટલમાં આડેધડ વાહનોના પાર્કિંગના કારણે એમબ્યુલન્સને હાલાકી
કાયમી સમસ્યા
જામનગર તા. ૧રઃ જામનગરની સરકારી જી.જી. હોસ્પિટલમાં ઈમરજન્સીમાં દર્દીઓને સારવાર માટે લઈને આવતી ૧૦૮ નંબરની એમ્બ્યુલન્સને પણ પાર્કિંગના જમેલામાં ફસાઈ જવાનો વારો આવે છે, અને આવી ઘટના રોજબરોજ બનતી હોય છે, જેથી ૧૦૮ ની ટીમને પણ ભારે હાલાકીનો સામનો કરવો પડે છે.
જી.જી. હોસ્પિટલના મુખ્ય દ્વાર પાસે સિક્યુરીટી ગાર્ડની ડ્યુટી ફાળવાઈ છે, પરંતુ કાયમી રીતે અહીં સિક્યુરીટી ગાર્ડ ગાયબ જ રહે છે, જેના કારણે ટ્રાફિકની કાયમ સમસ્યા રહે છે.
જી.જી. હોસ્પિટલના મુખ્ય દ્વારના ઢાળિયેથી ૧૦૮ નંબરની એમ્બ્યુલન્સને નીચે ઉતરવા માટેના માર્ગે કેટલાક ટુવ્હીલર ચાલકો પોતાના વાહનો આડેધડ પાર્ક કરી દે છે, જેને લઈને ૧૦૮ ની એમ્બ્યુલન્સને પસાર થવા માટેનો રસ્તો અવરોધાય છે. ગઈકાલે એક ૧૦૮ ની એમ્બ્યુલન્સ ટ્રાફિકના જમેલામાં ફસાઈ હતી, અને ૧૦૮ ની ટીમને ભારે કસરત કરવી પડી હતી.
મુખ્ય દરવાજા પાસે કોઈપણ સિક્યોરીટી ગાર્ડ ન હોવાનું જાણવા મળ્યું હતું. આથી જી.જી. હોસ્પિટલના સત્તાવાળાઓએ આ સમસ્યાનો કાયમી ઉકેલ આવે અને ફરજમાં દાંડાઈ કરતા સિક્યુરીટી ગાર્ડ સામે યોગ્ય પગલાં ભરવામાં આવે તેવી માંગણી ઊઠવા પામી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
