જામનગરના સાંઢિયા પુલ પાસે જીએસટીની ટીમ દ્વારા વાહનો રોકી બ્રાસપાર્ટનો માલ-સામાન જપ્ત

Author: નોબત સમાચાર

જામનગરના સાંઢિયા પુલ પાસે જીએસટીની ટીમ દ્વારા વાહનો રોકી બ્રાસપાર્ટનો માલ-સામાન જપ્ત

અમદાવાદની ચેકીંગ સ્ક્વોડ ત્રાટકીઃ

જામનગર તા. ૧૭: જામનગરના સાંઢિયા પુલ પાસે જીએસટીની સ્ક્વોડે અનેક વાહનોને આવરીને પ્રાસપાર્ટનો માલસામાન જપ્ત કર્યો હોવાનું જાણવા મળે છે.

જીએસટી વિભાગના અમદાવાદ ચેકીંગ સ્ક્વોડની ટીમ ગઈકાલે જામનગરના બ્રાસ ઉદ્યોગના ધંધાર્થીઓ ઉપર ત્રાટકી હતી, અને રસ્તા ઉપરથી બ્રાસપાર્ટનો માલ ભરીને પસાર થતા ૮ થી ૯ વાહનોને રોકીને તેમનો માલસામાન જપ્ત કર્યો હતો.

આ સમયે ઉદ્યોગ એસોસિએશનના આગેવાનો રજૂઆત માટે દોડી ગયા હતાં. આજે પણ ઉચ્ચ કક્ષાએ રજૂઆત કરવામાં આવી હતી.

પ્રાપ્ત થી વિસ્તૃત વિગતો મુજબ અમદાવાદથી જીએસટી વિભાગની ટૂકડીએ જીઆઈડીસી ફેસ-ર અને ૩ સામેના વિસ્તારમાં સાંઢિયા પુલ પાસેથી બ્રાસપાર્ટસનો માલ ભરીને પસાર થતા છકડોરિક્ષા સહિતના આઠથી નવ વાહનોને રોક્યા હતાં અને ૧૩૬ ટકાની પેનલ્ટીની રકમની માગ કરી હતી, જેમાં વેપારીઓ અને ચેકીંગ ટૂકડી વચ્ચે રકઝક થતા તમામ વાહનોમાં ભરેલો બ્રાસપાર્ટનો માલસામાન જપ્ત કર્યો હતો.

આ અંગેની જાણ થતા જ જીઆઈડીસી ઉદ્યોગનગર એસોસિએશનના આગેવાનો દોડી ગયા હતાં અને રજૂઆત કરી હતી કે આ અર્ધફિનિષ્ડ માલ છે, પરંતુ ફિનિશ કે તૈયાર માલ નથી, પરંતુ તેમની રજૂઆતો ધ્યાને લેવામાં આવી ન હતી. બીજી તરફ આજે પણ આગેવાનો દ્વારા રજૂઆતો કરવામાં આવી હતી.

જો આપને આ પોસ્ટ ગમી હોય તો શેર કરો...