Author: નોબત સમાચાર
મિત્ર પાસે બાકી રકમની માગણી કરાતા યુવાન પર ત્રણ શખ્સે પાઈપથી કર્યાે હલ્લો
પગ ભાંગી જતાં યુવાન હોસ્પિટલમાં ખસેડાયાઃ
જામનગર તા. ૧૦: જામનગરના એક યુવાને પોતાના મિત્ર પાસે રૂ.રર હજારની ઉઘરાણી કરતા તેનો ખાર રાખી ગઈકાલે સાંજે ખાદીભંડાર પાસે આ યુવાન પર ત્રણ શખ્સે પાઈપથી હુમલો કર્યાે હતો. ફ્રેક્ચર સહિતની ઈજા પામેલા યુવાન સારવારમાં ખસેડાયા છે.
જામનગરના ધરારનગર-૧માં રહેતા યાસીન સીદીકભાઈ ગંઢાર ગઈકાલે સાંજે ખાદીભંડાર નજીક ચાની એક હોટલ પાસે પોતાના સગા સાથે ચા પીવા આવ્યા ત્યારે ઘાંચીની ખડકીમાં રહેતો ઈદ્રીશ આલા તેમજ મોઈન આલા, રાજા આલા ધસી આવ્યા હતા.
અગાઉ યાસીને પોતાના મિત્ર સમીરને રૂ.૨૨ હજાર આપ્યા હતા. તેની ઉઘરાણી કરતા ગઈકાલે સાંજે ઉપરોક્ત ત્રણેય શખ્સે પૈસાની ઉઘરાણી કરી તો તને પતાવી દઈશું તેવી ધમકી આપી બોલાચાલી અને ગાળાગાળી કરી હતી. ગાળો બોલવાની ના પાડતા ઈદ્રીશે પાઈપથી હુમલો કરી પગમાં ફ્રેક્ચર કરી નાખ્યું હતું. જ્યારે મોઈને માથામાં પાઈપ ફટકાર્યાે હતો અને રાજાએ ઢીકાપાટુથી માર માર્યાે હતો. સારવારમાં ખસેડાયેલા યાસીનભાઈએ ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
