Author: નોબત સમાચાર
સુરજકરાડી તથા આરંભડા ગામમાંથી ગંજીપાના વડે જુગાર રમતા તેર પકડાયા
ગુંદા ગામમાંથી ચાર પત્તાપ્રેમી મળી આવ્યાઃ
જામનગર તા. ૪: ઓખામંડળના સુરજકરાડીમાંથી પોલીસે પાંચ મહિલા સહિત સાતને ગંજીપાનાથી જુગાર રમતા પકડી પાડ્યા છે. આરંભડામાંથી છ મહિલા તીનપત્તી ખેલતા ઝડપાયા છે. ભાણવડના ગુંદામાંથી ચાર પત્તાપ્રેમીની પોલીસે ધરપકડ કરી છે.
ઓખામંડળના સુરજકરાડીમાં શુક્રવારે સાંજે જાહેરમાં જુગાર રમાતો હોવાની બાતમી પરથી મીઠાપુર પોલીસ સ્ટેશનના સ્ટાફે દરોડો પાડ્યો હતો. ત્યાંથી સુનિલભા બાબુભા માણેક, પ્રદીપ કૌશિકભાઈ ખારવા, રૂપારીબેન જેતાભા સુમણીયા, લાડુબેન શામળાભા માણેક, રાધાબેન બાબુભા માણેક, કૈલાસબેન સાગરભા ઉર્ફે સંજનાબેન, પુષ્પાબેન ગંગારામ હિંડોચા નામના સાત વ્યક્તિ રૂ.૧૦૫૯૦ સાથે મળી આવ્યા હતા.
ભાણવડ તાલુકાના ગુંદા ગામમાં તીનપત્તી રમતા બાલકૃષ્ણ રમેશભાઈ ખીરસરીયા, મહેશ વાલજીભાઈ ડેરવાડીયા, નિકુંજ ચંદુલાલ પાડલીયા, નિકુંજ ગોકળભાઈ ખીરસરીયા નામના ચાર શખ્સ રૂ.૧૪૮૮૦ સાથે પોલીસના દરોડામાં પકડાઈ ગયા હતા.
ઓખામંડળના મીઠાપુરમાં આંબેડકર સોસાયટી પાસે શુક્રવારની સાંજે જુગાર રમતા ગૌરીબેન પરસોત્તમ ધોરીયા, આલુબેન રાણાભાઈ પારીયા, ધાનીબેન મનુભાઈ વેગડા, ગંગાબેન વેજાભાઈ હાથીયા, મીતલબેન નરશીભાઈ મકવાણા, હાસીબેન દેવરાજભાઈ ચાનપા નામના છ મહિલાને પોલીસે પકડી લઈ પટમાંથી રૂ.૧૯૧૧૦ કબજે કર્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
