Advertisement
Author: નોબત સમાચાર

જિલ્લા કક્ષાનો સ્વાગત ફરિયાદ નિવારણ કાર્યક્રમઃ ૧૭ અરજીનો સ્થળ પર જ નિકાલ

જામનગરના કલેક્ટર કેતન ઠક્કરની અધ્યક્ષતામાં

                                                                                                                                                                                                      

જામનગર તા. ૩૦: જિલ્લા કલેક્ટર કેતન ઠક્કરના અધ્યક્ષસ્થાને કલેક્ટર કચેરી જામનગરમાં જિલ્લા કક્ષાનો સ્વાગત ફરિયાદ નિવારણ કાર્યક્રમ યોજાયો હતો, જેમાં આવેલ ૧૯ પૈકી ૧૭ અરજીઓનો સ્થળ પર જ ત્વરિત નિકાલ કરી અરજદારોની સમસ્યા તથા પ્રશ્નોનું નિરાકરણ લવાયું હતું.

જિલ્લા કલેક્ટર કચેરીમાં યોજાયેલ સ્વાગત ફરિયાદ નિવારણ કાર્યક્રમમાં ઉપસ્થિત તમામ અરજદારોની સમસ્યાને જિલ્લા કલેક્ટરે ધ્યાનપૂર્વક સાંભળી હતી. ઉપરાંત વિવિધ અરજદારોના પ્રશ્નો સંદર્ભે જે-તે વિભાગના અધિકારીઓ સાથે ચર્ચા કરી ચોકકસ સમયમર્યાદામાં પ્રશ્નોના નિકાલ લાવવા સૂચના આપી હતી. સાથે સાથે જ્યાં જરૂર જણાઈ ત્યાં વિભાગોનું અસરપરસ સંકલન કરી અરજદારનો પ્રશ્ન ઝડપથી હલ થાય તે માટે જિલ્લા કલેક્ટરે પ્રયાસો કર્યા હતાં.

આ સ્વાગત કાર્યક્રમમાં અરજદારોના વિવિધ પ્રશ્નો જેવા કે જાહેર રસ્તાઓની મરામત, વરસાદી પાણીને અટકાવવા અંગેની ફરિયાદ, કેનાલ રિપેર કરી સિંચાઈ માટે પાણી ઉપલબ્ધ કરાવવું, આયુર્વેદ દવાખાનાનું કામ શરૂ કરવું, હકપત્રકે યોગ્ય નોંધ થવા બાબત, ખાનગી માલિકીની જગ્યામાં દબાણ, કેનાલથી ખેતર સુધી પાઈપલાઈન માટે મંજુરી આપવી, પીવાના પાણીનું નળ કનેક્શન, સ્ટ્રીટ લાઈટ અને સી.સી. રોડ બનાવવા, જોખમી કચરાનો યોગ્ય નિકાલ કરવા, જી.જી. હોસ્પિટલમાં સોનોગ્રાફી મશીનની સુવિધા વધારવા, ખાનગી માલિકીની જગ્યા પર નડતરરૂપ સ્ટ્રક્ચર દૂર કરવા, ખેતીવાડી માટે વીજ કનેક્શન મેળવવા, સરકારી ખરાબાની જમીનમાં દબાણ દૂર કરવા વિગેરે જેવા પ્રશ્નોને કલેક્ટરે સાંભળ્યા હતાં તેમજ ઉપસ્થિત અધિકારીઓ સાથે ચર્ચા કરી માનવીય અભિગમ દાખવી ત્વરિત આ પ્રશ્નોનો નિકાલ લાવવા તાકીદ કરી હતી. અરજદારોએ પણ કલેક્ટર દ્વારા કરવામાં આવેલ કાર્યવાહી અંગે સંતોષ વ્યક્ત કરી પોતાના પ્રશ્નનું સુખદ સમાધાન થતા હર્ષની લાગણી વ્યક્ત કરી હતી.

આ બેઠકમાં જિલ્લા વિકાસ અધિકારી અંકિત પન્નુ, પોલીસ અધિક્ષક ડો. રવિ મોહન સૈની, અધિક નિવાસી કલેક્ટર બી.એન. ખેર, સર્વે પ્રાંત અધિકારીઓ, જિલ્લા ખેતીવાડી અધિકારી, જિલ્લા પશુપાલન અધિકારી, માર્ગ અને મકાન વિભાગ પંચાયત તથા સ્ટેટ, સિંચાઈ વિભાગ, ઊંડ જળ સિંચન વિભાગ, પાણી પુરવઠા બોર્ડના કાર્યપાલક ઈજનેરો, મામલતદારો, તાલુકા વિકાસ અધિકારીઓ, ચીફ ઓફિસરો, પીજીવીસીએલના અધિકારી તથા અરજદારો ઉપસ્થિત રહ્યા હતાં.

જો આપને  પોસ્ટ ગમી હોય તો શેર કરો...

Follow us:   પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial



Advertisement

અન્ય સમાચારો

Advertisement
close
Ank Bandh