Author: નોબત સમાચાર
લૈયારા પાસે વોટર પાર્ક નજીક છાતીમાં દુખાવો ઉપડ્યા પછી પ્રૌઢનું નિપજ્યું મોત
ખાનગી હોસ્પિટલમાં યુવતીનું થયું મૃત્યુઃ
જામનગર તા. ૩૦: ધ્રોલ નજીકના લૈયારા પાસે વોટર પાર્ક નજીક બે સપ્તાહ પૂર્વે રાજકોટના પ્રૌઢને છાતીમાં દુખાવો ઉપડ્યો હતો. તેઓનું મૃત્યુ નિપજ્યું છે. જ્યારે જામનગરની એક ખાનગી હોસ્પિટલમાં આવેલા જૂનાગઢ જિલ્લાના એક યુવતીનંુ મૃત્યુ થયું છે. પોલીસે બંને બનાવની તપાસ હાથ ધરી છે.
જામનગર-રાજકોટ ધોરીમાર્ગ પર આવેલા ધ્રોલ નજીકના લૈયારા ગામ પાસે વોટર પાર્ક નજીક ગઈ તા.૧૧ની બપોરે હાજર રાજકોટના કણકોટ રોડ પર મરીન લાઈન્સ સોસાયટીમાં રહેતા બકુલભાઈ શાંતિલાલ સાતા (ઉ.વ.પર) નામના પ્રૌઢ હતા ત્યારે તેઓને છાતીમાં દુખાવો ઉપડ્યો હતો.
બેશુદ્ધ બની ગયેલા આ પ્રૌઢને સારવાર માટે રાજકોટની ખાનગી હોસ્પિટલમાં ખસેડવામાં આવ્યા હતા. જ્યાં તેમને ફરજ પરના તબીબે મૃત્યુ પામેલા જાહેર કર્યા હતા. જામનગરના યુવા પાર્કમાં રહેતા તેમના નાનાભાઈ રવિન્દ્રભાઈ સાતાએ પોલીસને જાણ કરી છે.
જૂનાગઢ જિલ્લાના માળીયા હાટીના તાલુકાના તરસીંગડા ગામના કોમલબેન હરેશભાઈ ભીમાણી (ઉ.વ.ર૮) નામના યુવતી ગઈકાલે સાંજે જામનગરની કેશવ વુમન્સ હોસ્પિટલના ઓપરેશન રૂમમાં નીચે પડી ગયા પછી ત્યાં હાજર તબીબે તેઓને ચકાસતા આ યુવતી મૃત્યુ પામેલા જણાઈ આવ્યા હતા. ડો. પૂનમબેન કોડીયાનારીયાએ પોલીસને જાણ કરી છે. પોલીસે અપમૃત્યુ અંગે નોંધ કરી આગળની કાર્યવાહી હાથ ધરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
