Author: નોબત સમાચાર
જામનગરમાં મહત્તમ તાપમાન ૩૩.પ ડીગ્રી
અડધા ડીગ્રીના વધારા સાથે
જામનગર તા. ૧૮: જામનગરમાં આજે સવારે પૂરા થતા ચોવીસ કલાક દરમિયાન અડધા ડીગ્રીના વધારા સાથે મહત્તમ તાપમાન ૩૩.પ ડીગ્રી નોંધાયું હતું. વાતાવરણમાં ભેજનું પ્રમાણ આંશિક વધીને ૮૯ ટકા રહેતા બફારો યથાવત્ રહ્યો હતો.
જામનગરના તાપમાનમાં હાલ ચઢાવ-ઉતારનો દોર ચાલી રહ્યો છે. એક દિવસ તાપમાન વધે છે તો બીજા દિવસે તેમાં ઘટાડો થાય છે. નગરમાં છેલ્લા ચોવીસ કલાકમાં અડધા ડીગ્રીના વધારા સાથે મહત્તમ તાપમાન ૩૩.પ ડીગ્રી નોંધાયું હતું, જેના પગલે ગરમીમાં પણ વધારો થયો હતો.
જામનગરના વાતાવરણમાં ભેજનું પ્રમાણ આંશિક વધીને ૮૯ ટકા રહ્યું હતું. મહત્તમ તાપમાનમાં થયેલા વધારા અને ભેજનું પ્રમાણ પણ ૯૦ ટકા નજીક પહોંચી જતા ગઈકાલે બપોરે પણ પ્રજાજનોને ગરમી અને બફારાથી હાલાકીનો સામનો કરવો પડ્યો હતો. રાહત મળે તે માટે જનતાએ પંખા તથા એસીનો સહારો લીધો હતો. નગરમાં આજે સવારે પૂરા થતાં ચોવીસ કલાક દરમિયાન કોઈ વધારા કે ઘટાડા વગર લઘુતમ તાપમાનનો પારો પચ્ચીસ ડીગ્રીએ સ્થિર રહ્યો હતો. પવનની ગતિ ઘટીને પ્રતિકલાકની સરેરાશ ૧પ થી ર૦ કિ.મી.ની રહેવા પામી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
