જામનગરના મનોદિવ્યાંગ બાળકોએ બનાવેલી વિવિધ અદ્ભુત રાખડીઓનું વધતુ આકર્ષણઃ વેચાણ શરૂ

Author: નોબત સમાચાર

જામનગરના મનોદિવ્યાંગ બાળકોએ બનાવેલી વિવિધ અદ્ભુત રાખડીઓનું વધતુ આકર્ષણઃ વેચાણ શરૂ

રક્ષાબંધન પર્વને અનુલક્ષીને રાખડી બજારમાં

જામનગર તા. ૨૬: રક્ષાબંધના તહેવારને ગણતરીના દિવસો બાકી છે. ત્યારે જેના વગર રક્ષાબંધનની ઉજવણી અધુરી છે તેવી રાખડીનું બજારમાં આગમન થયું છે. જ્યારે જામનગરમાં મનોદિવ્યાંગ લોકો દ્વારા બનાવવામાં આવેલ ખાસ રાખડી ખૂબ વેંચાઈ રહી છે.

જામનગરમાં ઓમ ટ્રેનિંગ સેન્ટર દ્વારા મનોદિવ્યાંગના કલ્યાણ અર્થે કામ કરવામાં આવે છે.જેમાં ૫ વર્ષથી લઇને ૬૦ વર્ષ સુધીના મનોદિવ્યાંગ વ્યક્તિઓને ટ્રેનિંગ આપવામાં આવે છે. તેઓમાં રહેલી સુષુપ્ત શક્તિ બહાર આવે તે માટે ડ્રોઈંગ, રમતો સહિત ધાર્મિક તહેવારોની ઉજવણી, દિવ્યાંગ ખેલ મહાકુંભમાં પણ આ બાળકો ભાગ લે છે. ત્યારે હાલ રક્ષાબંધન સહિતના તહેવારો નજીક આવતા સંસ્થામાં મનોદિવ્યાંગ લોકો દ્વારા જાતજાતની રાખડી બનાવવામાં આવી રહી છે.

સંસ્થાના ડિમ્પલબેને જણાવ્યું કે, જામનગરમાં મેહુલનગર ટેલિફોન એક્સચેન્જ નજીક આવેલ ઓમ ટ્રેનિંગ સેન્ટર સ્કુલ દ્વારા મંદબુદ્ધિના બાળકો માટે ટ્રેનિંગ આપવાનું સત્કાર્ય કરાઇ થયું છે. હાલ આ સંસ્થાના મનોદિવ્યાંગ દ્વારા રાખડી તૈયાર કરવામાં આવે છે. ઓમ, સાથિયા, વાયર મોતી નો ઉપયોગ કરીને આબેહૂબ રાખડીઓ તૈયાર કરવામાં આવી છે, જેનું હાલ વેચાણ કરવામાં આવી રહૃાું છે.

જેમાં જુદી જુદી વેરાયટીની રાખડી તૈયાર કર્યા બાદ ૧૦, ૨૦ અને ૩૦ રૂપિયા સુધીની કિંમતમાં વેંચવામાં આવે છે. આ સંસ્થા દ્વારા ૧૫ વર્ષથી સત્કાર્ય કરવામાં આવી રહૃાું છે. અહીં તાલીમ પ્રાપ્ત અનેક દિવ્યાંગ લોકો લિફ્ટમેન, પટાવાળા, બ્રાસ પાર્ટ સહિતની જગ્યામાં નોકરી કરી પરિવારને મદદરૂપ થઈ રહૃાા છે. બાળકોમાં એક નવી ચેતના ઉભી થાય તેવા સતત પ્રયાસો કરવામાં આવી રહૃાા છે. ડિમ્પલબેન મહેતાએ જણાવ્યું હતું કે, માત્ર બે બાળકોથી આ શાળાનો પાયો નખાયો હતો. હાલ સંસ્થામાં ૫ વર્ષથી માંડી ૬૦ વર્ષ સુધીના ૫૦ જેટલા બાળકો તાલીમ મેળવી રહૃાા છે.

જો આપને આ પોસ્ટ ગમી હોય તો શેર કરો...