Author: નોબત સમાચાર
ધ્રોલમાંથી નકલી જંતુનાશક દવાની બે બોટલ કબજેઃ દુકાનદાર સામે કાર્યવાહી
દુકાનદારે જીએસટીવાળા બીલ સાથે ખરીદી છે દવાઃ
જામનગર તા. ૨: ધ્રોલમાં આવેલી ખેતીના બિયારણ તથા જંતુનાશક દવાની એક દુકાનમાં અમદાવાદથી દોડી આવેલા એક કંપનીના ઈન્વેસ્ટિગેટરે પોલીસને સાથે રાખી કરેલી ચકાસણીમાં તેઓની કંપનીની જ લાગતી બે નકલી દવાની બોટલ મળી આવી છે. દુકાનદાર સામે ગુન્હો નોંધાવાયો છે.
ધ્રોલના મુખ્ય બજારમાં આવેલી એક દુકાનમાં નકલી જંતુનાશક દવા વેચાતી હોવાની બાતમી મળતા બીએએસએફ કંપનીના મૂળ મહેસાણાના અને હાલમાં અમદાવાદના રાણીપમાં વસવાટ કરતા અધિકારી નીતિન ભીખાભાઈ પટેલ ધ્રોલ દોડી આવ્યા હતા.
તેઓએ ગઈકાલે પોલીસને સાથે રાખી મુખ્ય બજારમાં આવેલી કામધેનુ એગ્રો સેન્ટર નામની દુકાનમાં ચકાસણી કરતા તેઓની કંપનીની અસલ જેવી જ લાગતી બે ડુપ્લીકેટ બોટલ મળી આવી હતી. રૂ.૭૬૦૦ની બંને બોટલ પોલીસે કબજે કરી છે. આ દુકાનના સંચાલક હસમુખભાઈ મગનભાઈ પનારા સામે ધ્રોલ પોલીસ સ્ટેશનમાં નીતિન પટેલે ફરિયાદ નોંધાવી છે.
આ બાબતે 'નોબત'ના પ્રતિનિધિએ દુકાનદાર પાસે જઈ વિગતો જાણતા ખૂલ્યું છે કે, તેઓએ આ દવા ધ્રોલની જ એક પેઢી પાસેથી જ ખરીદી છે જેનું જીએસટી નંબર સાથેનું તેઓની પાસે બીલ પણ છે. આવી પરિસ્થિતિમાં કોઈપણ વેપારી આ દવા ઓરીજીનલ છે કે ડુપ્લીકેટ? તે કઈ રીતે નક્કી કરી શકે?
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
