Author: નોબત સમાચાર
ધ્રોલ પાસે રિક્ષાને એસટી બસની ટક્કર ઘવાયેલા રિક્ષાચાલકનું સારવારમાં મૃત્યુ
હાપા પાસે યુવતીને અજાણી મોટરની ઠોકરઃ
જામનગર તા. ૩૦: જામનગર-રાજકોટ ધોરીમાર્ગ પર ધ્રોલ નજીક બે સપ્તાહ પૂર્વે રાજકોટથી ફળ ભરીને જામનગર આવતી રિક્ષાને પાછળથી એસટી બસે ઠોકર મારતા રિક્ષાચાલક ઘવાયા હતા. તેઓનું સારવારમાં મૃત્યુ નિપજ્યું છે. જ્યારે સપ્તાહ પહેલાં હાપા પાસે એક યુવતીને અજાણી મોટર ઠોકર મારી નાસી ગઈ છે.
જામનગરના ગોકુલનગર પાસે આવેલા મારૂતીનગરમાં વસવાટ કરતા રામુભાઈ રામજીભાઈ કુશવાહ (ઉ.વ.પપ) નામના પ્રૌઢ ગઈ તા.૧૩ની સવારે જીજે-૧૭-વીવી ૧૫૦૫ નંબરની રિક્ષામાં રાજકોટથી ફળ ભરીને જામનગર તરફ આવવા રવાના થયા હતા.
તેઓ જ્યારે આઠેક વાગ્યે ધ્રોલ નજીક પહોંચ્યા ત્યારે પાછળથી જીજે-૧૮-ઝેડ ૯૭૫૯ નંબરની એસટી બસ પુરપાટ ઝડપે ધસી આવી હતી. તે બસના ચાલકે રિક્ષાને ટક્કર મારતા રિક્ષા ગોથું મારી ગઈ હતી. આ અકસ્માતમાં રામુભાઈને માથા સહિતના શરીરના અન્ય ભાગોમાં ગંભીર ઈજા થઈ હતી. સારવારમાં ખસેડાયા પછી આ પ્રૌઢનું મૃત્યુ નિપજ્યું છે. તેમના પુત્ર સૌરભ કુશવાહએ ધ્રોલ પોલીસ સ્ટેશનમાં એસટી બસના ચાલક સામે ફરિયાદ નોંધાવી છે.
જામનગરના હાપા નજીક ક્રિષ્ના ટાઉનશીપ-૩માં રહેતા આયુષીબેન મનોજભાઈ મજેવાડીયા (ઉ.૨૧) નામના યુવતી ગઈ તા.૧૯ની સાંજે હાપા પાસે એક મોટરના શો-રૂમ નજીકથી ચાલીને જતા હતા ત્યારે એક અજાણી મોટરે તેઓને હડફેટે લીધા હતા. કપાળ, પગ, કમરમાં ઈજા પામેલા આયુષીબેનને સારવારમાં ખસેડાયા છે. તેઓએ પોલીસમાં ફરિયાદ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
