Author: નોબત સમાચાર
દરબારગઢ પાસેથી ઝડપાઈ દારૂની બોટલ
જોગવડ પાટીયા પાસેથી દેશી દારૂ ઝબ્બેઃ
જામનગર તા. ૨૬: જામનગરના દરબારગઢ સર્કલમાંથી ગઈકાલે સાંજે પસાર થતાં બે શખ્સને પોલીસે ઈંગ્લીશ દારૂની બે બોટલ સાથે પકડી પાડ્યા છે. એક શખ્સ પાસેથી મોટી બોટલ અને બીજા શખ્સ પાસેથી ચપલુ કબજે કરાયું છે. જોગવડના પાટીયા પાસે એક શખ્સના મકાનમાંથી પ્લાસ્ટિકના બે કેનમાં ભરેલો ૪૦ લીટર દેશી દારૂ કબજે લેવાયો છે.
જામનગરના દરબારગઢ સર્કલ પાસેથી ગઈકાલે સાંજે પસાર થતાં રણજીતસાગર રોડ પર હર્ષદ મીલની ચાલીમાં રહેતા ભાર્ગવ ધર્મેન્દ્રભાઈ ઉપાધ્યાય નામના શખ્સને રોકાવી પોલીસે ચેક કરતા તેની પાસેથી દારૂની બોટલ મળી આવી હતી. પોલીસે બોટલ ઝબ્બે લઈ ભાર્ગવની અટકાયત કરી છે.
દરબારગઢ સર્કલમાંથી જ હર્ષદમીલની ચાલીમાં રહેતા ઈન્દ્રજીતસિંહ પ્રફુલસિંહ ચૌહાણને પણ ઈંગ્લીશ દારૂના ચપલા સાથે પોલીસે પકડી પાડ્યો છે.
જામનગર-ખંભાળિયા રોડ પર લાલપુર તાલુકાના જોગવડ ગામના પાટીયા પાસે જીતાભાઈ ધાંધાભાઈ ઘોડા નામના શખ્સના મકાનમાં મેઘપર પોલીસે દરોડો પાડી બે કેનમાં ભરીને રાખવામાં આવેલો ૪૦ લીટર દેશી દારૂ કબજે કર્યાે છે. દરોડા પહેલાં જીતાભાઈ નાસી જવામાં સફળ થયો હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
