Author: નોબત સમાચાર
દિગ્વિજય પ્લોટમાં મકાનમાંથી મળી આવ્યા ઈંગ્લીશ દારૂના ૧પ ચપલાઃ એકની ધરપકડ
ફગાસના પાટીયા પાસેથી ૧૨ ચપલા સાથે શ્રમિક ઝડપાયોઃ
જામનગર તા. ૧૧: કાલાવડના ફગાસ ગામના પાટીયા પાસેથી મૂળ છોટા ઉદેપુર જિલ્લાના એક શ્રમિકને પોલીસે ઈંગ્લીશ દારૂના ૧ર ચપલા સાથે દબોચી લીધો છે. જ્યારે દિગ્વિજય પ્લોટ-પ૭માં એક મકાનમાંથી ૧૫ ચપલા મળી આવ્યા છે. ધ્રોલમાં એક મકાનમાંથી ઈંગ્લીશ દારૂની ત્રણ બોટલ સાંપડી છે. ત્રણેય આરોપીની પોલીસે ધરપકડ કરી છે.
કાલાવડ તાલુકાના ફગાસ ગામના પાટીયા પાસે ગઈરાત્રે પોલીસ દ્વારા કરવામાં આવી રહેલા પેટ્રોલિંગમાં ત્યાંથી પસાર થતાં મૂળ છોટા ઉદેપુર જિલ્લાના રાયચા ગામના વતની અને ફગાસ ગામમાં એક ખેતરમાં મજૂરીકામ કરતા દિનેશ હરજીભાઈ રાઠવા નામના શખ્સને શકના આધારે રોકવામાં આવ્યો હતો.
આ શખ્સની તલાશી લેવામાં આવતા તેના કબજામાંથી વ્હીસ્કીના ૧૨ ચપલા મળી આવ્યા હતા. પોલીસે ચપલા કબજે કરી દિનેશની ધરપકડ કરી છે.
જામનગરના દિગ્વીજય પ્લોટ વિસ્તારની શેરી નં.પ૭માં આવેલા હરેશ કિશોરભાઈ ચૌહાણ નામના શખ્સના મકાનમાં ગઈકાલે સાંજે સિટી એ ડિવિઝનના સ્ટાફે પૂર્વ બાતમીના આધારે દરોડો પાડી ચેકીંગ કરતા ત્યાંથી ઈંગ્લીશ દારૂના ૧૫ ચપલા મળી આવ્યા હતા. હરેશ ચૌહાણની ધરપકડ કરવામાં આવી છે.
ધ્રોલ શહેરમાં આનંદનગરમાં આવેલા દેવેન્દ્રસિંહ વિજયસિંહ જાડેજા ઉર્ફે નિલેશ નામના શખ્સના મકાનમાંથી ધ્રોલ પોલીસના સ્ટાફે દારૂની ત્રણ બોટલ કબજે કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
