જીએસટી રાહતને દ્વારકા જિલ્લા ભાજપે આવકારી

Author: નોબત સમાચાર

જીએસટી રાહતને દ્વારકા જિલ્લા ભાજપે આવકારી

કેન્દ્રીય નાણામંત્રીએ જાહેર કરેલી

ખંભાળીયા તા. ૬: કેન્દ્રીય નાણામંત્રી નિર્મલા સીતારમણની જી.એસ.ટી.માં રાહતને દેવભૂમિ દ્વારકા જિલ્લા ભાજપે આવકાર આપ્યો છે.

તાજેતરમાં કેન્દ્રીય નાણામંત્રી નિર્મલા સીતારમણ દ્વારા જી.એસ.ટી. ના પાંચ અને અઢાર ટકાના બે સ્લેબ સાથે હેલ્થ જીવન વીમા જેવી સવલતોને ટેક્સ ફ્રી જાહેર કરાતા દ્વારકા જિલ્લા ભાજપ દ્વારા આવકાર અપાયો છે.

૨૨-૯-૨૫થી અમલ થનાર આ નિયમને કારણે માણસોની જીવનજરૂરી ઘણી ચીજો સસ્તી થશે. સાબુ, શેમ્પુ, કાર, એસી, સિમેન્ટ, ટી.વી. જેવી વસ્તુ સસ્તી તથા દૂધ, રોટલી પીઝા, બ્રેડ જી.એસ.ટી.મૂક્ત વ્યક્તિગત આરોગ્ય અને જીવનવીમા પર કોઈ કર જ નહીં. ૩૩ જીવનરક્ષક દવાઓ, ગંભીર રોગોની દવાઓ કરમુક્ત વિગેરે પગલાથી સામાન્ય જનતાને ખૂબજ રાહત થશે.

દ્વારકા જિલ્લાના ધારાસભ્ય તથા રાજ્યના વન અને પ્રવાસનમંત્રી મૂળુભાઈ બેરા, સાંસદ પૂનમબેન માડમ, ધારાસભ્ય પબુભા માણેક, જિલ્લા ભાજપ પ્રમુખ મયુરભાઈ ગઢવી, અગ્રણીઓ યુવરાજસિંહ વાઢેર, રસીકભાઈ નકુમ, ભરતભાઈ ગોજીયા, સંજયભાઈ નકુમ, પી.એસ.જાડેજા, જીતેન્દ્રભાઈ કણઝારીયા,મોહનભાઈ બારાઈ, ડી.એલ.પરમાર, મીલન કીરતસાતા, રચનાબેન મોટાણી, રાજુભાઈ સરસીયા, અશોકભાઈ કાનાણી, મુકેશ કાનાણી, વનરાજસિંહ વાઢેર વિગેરેએ આવકારેલ છે.

જો આપને આ પોસ્ટ ગમી હોય તો શેર કરો...