Author: નોબત સમાચાર
કાલાવડના શખ્સે ફેસબુક પર ગાળો ભાંડી અને તેના ભાઈએ ધમકી આપ્યાની ફરિયાદ
સામાપક્ષે પણ નોંધાવી વળતી રાવઃ
જામનગર તા. ૨૭: કાલાવડના હરીપર ખંઢેરાના એક પ્રૌઢે કાલાવડ શહેરમાં રહેતા બે ભાઈ સામે સોશિયલ મીડિયા પર ગાળો ભાંડવાના મુદ્દે ધમકી આપ્યાની પોલીસમાં ફરિયાદ નોંધાવી છે. સામાપક્ષે પણ આ પ્રૌઢ સામે ગાળો ભાંડી તારા ભાઈને પતાવી દઈશું તેવી ધમકી આપ્યાની વળતી ફરિયાદ કરી છે.
કાલાવડ તાલુકાના હરીપર (ખંઢેરા) ગામના કાંતિલાલ લખમણ ગઢીયા નામના પ્રૌઢ ગુરૂવારે રાત્રે પોતાના ઘરે મોબાઈલમાં ફેસબુક જોતા હતા ત્યારે કાલાવડના ધોરાજી રોડ પર રહેતા જીતુ ડાંગરીયા નામના શખ્સે તેઓને ફેસબુક પર ગાળો ભાંડી હતી. તેથી કાંતિલાલે આ બાબતની જીતુ ડાંગરીયાના ભાઈ સંજયને તેની વાત કરી હતી. તેથી ઉશ્કેરાયેલા સંજયે પણ ગાળો ભાંડી તારૂ રાજકારણ પૂરૂ કરી દઈશ અને પતાવી દઈશ તેવી ધમકી આપતા કાંતિલાલે કાલાવડ શહેર પોલીસ સ્ટેશનમાં ગઈકાલે ફરિયાદ નોંધાવી છે.
તે ફરિયાદની સામે સંજય વસરામભાઈ ડાંગરીયાએ વળતી ફરિયાદ નોંધાવી તેમાં જણાવ્યંુ છે કે, હરીપર ખંઢેરાના કાંતિલાલ પટેલે ગુરૂવારે રાત્રે ફોન કરીને સંજયને કહ્યું હતું કે, તારો ભાઈ મને ફેસબુક પર ગાળો ભાંડે છે તેને સમજાવ તેથી સંજયભાઈ સમજાવટ કરતા હતા ત્યારે કાંતિભાઈ પટેલે ગાળો ભાંડી તું ભાજપમાં મોટા હોદ્દા પર હોઈ તો મને કંઈ ફેર નહી પડે, તને અને તારા ભાઈને કાલથી જોઈ લઈશું, જમીનના ખોટા કેસ કરી બદનામ કરીશું અને તને પ્રમુખપદેથી રાજીનામું અપાવશું અને તારા ભાઈને પતાવી દઈશું તેવી ધમકી આપી હતી. પોલીસે બંને ફરિયાદ રજીસ્ટરે લઈ તપાસ શરૂ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
