| | |

સાસુના ત્રાસથી ભરાણાના પરિણીતાની આત્મહત્યા

જામનગર તા. ૧૫ઃ ખંભાળીયાના ભરાણામાં એક નવવધુએ અગનપછેડી ઓઢી જીવની આહૂતિ આપી દેતા ડીસાથી દોડી આવેલા તેણીના પિતાએ પોતાની પુત્રીને ત્રાસ આપી આત્મહત્યાની દુષ્પ્રેરણા આપવા અંગે સાસુ સામે ફરિયાદ નોંધાવી છે.

ખંભાળીયા તાલુકાના ભરાણા ગામમાં રહેતા સુખબા ભાવસંગ રાઠોડ (ઉ.વ. ૧૯) નામના પરિણીતાએ ગઈકાલે સવારે પોતાના ઘેર શરીર પર કેરોસીન છાંટી દીવાસળી ચાંપી દેતા આ પરિણીતા ગંભીર રીતે દાઝી ગયા હતાં. સારવારમાં ખસેડાયેલા સુખબાનું ગઈકાલે રાત્રે મૃત્યુ નિપજ્યું છે.

ઉપરોક્ત બાબતની જાણ થતા બનાસકાંઠા જિલ્લાના ડીસા તાલુકાના ધાડા ગામમાં રહેતા મૃતકના પિતા અજમલસિંહ પોપટસિંહ વાઘેલા દોડી આવ્યા હતાં. તેઓએ પોતાની પુત્રીને સાસુ કૈલાશબા કરશનજી રાઠોડ ઉર્ફે પ્રસન્નબાએ ઘરકામ બાબતે અવારનવાર શારીરિક તથા માનસિક ત્રાસ આપ્યો હોય તેનાથી કંટાળી જઈ પોતાની પુત્રીએ આત્મઘાતી પગલું ભર્યાની ફરિયાદ નોંધાવી છે.

આ ફરિયાદ દેવભૂમિ દ્વારકાના મહિલા પોલીસ સ્ટેશનના પીએસઆઈ એફ.બી. ગગનીયાએ આઈપીસી ૩૦૬, ૪૯૮ (ક) હેઠળ નોંધી તપાસ શરૃ કરી છે.

close
Nobat Varsik Lavajam Yojna 2020-21
close
PPE Kit