ભારે વરસાદ અને ૫ુરના કારણે તબાહી સર્જાયાના એક જ મહિનામાં કુદરતનો બીજા પ્રકોપઃ જાપાનમાં ગરમીનું પ્રચંડ મોજુંઃ ૩૦નાં મૃત્યુઃ ૧ર૦૦૦ને હીટ સ્ટ્રોક / ચીને શ્રીલંકાને કોઈ પણ યોજનામાં પૈસા ખર્ચવા માટે ર૯.પ કરોડ ડોલરની લોન ઓફર કરી / યુએસને ફરી ધમકી ન આપતાઃ નહીં તો પરિણામ ભોગવવા પડશેઃ ટ્રમ્પની ઈરાનને ચેતવણી /

 

વર્કિંગ મધર્સઃ મનમાં ગિલ્ટ ન રાખો

શિવાની એક ચાર્ટડ એકાઉન્ટન્ટ છે. તેને કેટલી જવાબદારી હોય તે બધા સમજી જ શકે છે. ઘણીવાર કામ હોય તો રાત્રે મોડે સુધી ઓફિસમાં બેસવું પડે. ટેક્સની તારીખ આવતી હોય ત્યારે  કામનો ભરાવો હોય તો જમવાનો સમય પણ ભૂલી જાય. આટલી વ્યસ્તતામાં તેણે 'મા' બનવાનું મોડેથી પસંદ કર્યું. મા બનવાની ખુશી તો હતી, પણ સાથે હવે કેવી રીતે બધું સંભાળવું તેની ચિંતા પણ હતી. ઘર અને ઓફિસ, સંતાન અને કામ વચ્ચે સમતુલા જાળવતા તે થાકી જતી. કામના સમયે સંતાનને દાદી કે નાની પાસે મૂકીને જતી. તેને હંમેશાં ઓફિસમાં વિચાર આવતો કે પોતાના સંતાનને સમય ન આપીને પોતે કંઈ ખોટું નથી કરતી ને? ક્યારેક કામના કારણે મોડું થાય, ક્યાંક પાર્ટીમાં કે જમવા જવાનું હોય ત્યારે એકલું જવું પડે તો તેનો જીવ સતત અપરાધભાવ અનુભવતો. ઘરની જવાબદારી, બાળકોનો પ્રેમ, ઓફિસની ફરજ વચ્ચે તે પોતાની જાતને માંડ-માંડ સમતોલ કરતી.

આવું દરેક વર્કિંગ મધર્સને થાય જ છે. ઓફિસથી ઘરે આવે ત્યારે બાળકે કંઈક નવું કર્યું હોય તે જાણીને તેને એમ થાય જ કે ઓહો... આ પળ મેં મિસ કરી દીધી. બાળકોના તોફાન, તેની  માસુમિયત, તેનું નિર્દોષ હાસ્ય, તેના નાના નાના કામ... આ બધું પોતે માણી શકતી નથી તેવી ગિલ્ટ બધી જ વર્કિંગ મધર્સના મનમાં થાય જ છે. માતા તરીકેની પરીક્ષામાં પોતે પાસ થઈ શકે તેમ નથી તેવું સતત તેને લાગતું હોય છે, પણ આ સાચંુ નથી. સતત ગુન્હેગારની લાગણી અનુભવવી એ કોઈ ઉપાય નથી. પરિસ્થિતિને સંભાળીને બદલતા રહેવું જોઈએ. નોકરી પણ જરૃરી જ હોય, ત્યારે બાળકોની જવાબદારી નિભાવતા નિભાવતા ઘર અને ઓફિસ બન્નેમાં તાલ બેસાડવો જરૃરી છે.

મનમાં ગિલ્ટની ભાવના આવવા જ ન દો. તમે જે કંઈ કરો છો તે કુટુંબની ખુશી માટે જ કરો છો. બાળકોની જવાબદારી ખૂબ મોટી છે, પણ નોકરી કરીને તમે તેના ભવિષ્યને સુરક્ષિત કરો છો. એક વાત તો પાક્કી જ છે કે ઘર અને ઓફિસ આ બે જગ્યાએ વહેંચાયેલા હોવાથી સો ટકા તો બન્ને જગ્યાએ ન જ આપી શકો. કામના સમયે તો બાળકોને એકલા મૂકવા જ પડે, પણ તેના માટે જાતને દોષ ન આપો. ઓફિસ પછીનો સમય બાળકો સાથે રહો. બાળકોની ખુશી માટે, તેમને ઉછેરવા ઘણીવાર માતા નોકરી છોડી દે છે. જો ફક્ત શોખ ખાતર કામ કરતા હો તો કામ છોડી દેવું યોગ્ય છે, પણ આર્થિક તંગીને દૂર કરવા કામ કરતા હો તો કામ છોડવું જરાય વ્યાજબી નથી. બાળકની જવાબદારી પૂર્ણ કરવામાં તમે કામ કરીને, આવક મેળવીને પતિને મદદ કરો છો, તેમ બાળકના ઉછેરમાં પણ પતિનો સાથ લો. પોતાની જાતને ગુન્હેગાર માનવાથી સમસ્યા પૂરી થઈ જતી નથી.

એ વાત પણ એટલી જ સાચી છે કે માતા માટે બાળકથી વધુ કાંઈ નથી. એટલે ક્યારેક સંતાનોને અન્યાય થાય છે એવી લાગણી થાય, પણ બીજી સ્ત્રીઓને મળશો એટલે સમજાશે કે બધી જ વર્કિંગ મધર્સ સંતાનોને ઘરે છોડીને જ આવે છે. 'ઓફિસનું મહત્ત્વ વધારે કે બાળકોનું' આ સવાલ દરેક વર્કિંગ મધર્સને ઘણીવાર થાય છે. માતા માટે બાળકનું મહત્ત્વ જ વધારે હોય તેમા બેમત નથી, પણ સાથેસાથે ઓફિસ પણ મહત્ત્વની છે તે બાબત પણ યાદ રાખવી જોઈએ. જીવનમાં બધું જ મહત્ત્વનું છે. બાળકોના ઉજ્જવળ ભવિષ્ય માટે કામ કરવું પણ એટલું જ જરૃરી હોય છે.

તમે સ્વીકારી લો કે દરેક બાબતે તમારી જાતને પરફેક્ટ સાબિત નહીં કરી શકો. આમ તો સ્ત્રીઓમાં એકસાથે અનેક મોરચે લડવાના ગુણ હોય જ છે, પણ અલગ અલગ સ્થળે લડવાનું હોય ત્યારે દરેક ક્ષેત્રે સો ટકા પ્રદાન નહીં આપી શકો તે સ્વીકારી લો. તમે એટલું તો કરી જ શકો કે ઓફિસ પછીનો સમય બાળકો માટે આપશો જ. રજાના દિવસે પૂરેપૂરો સમય તેને આપો. ઓફિસથી આવીને તેના ભણતર વિશે, સ્કૂલ વિશે, મિત્રો વિશે પૂછો. આખો દિવસ શું કર્યું તે પૂછો, તેની વાતો શાંતિથી સાંભળો તો પણ તેને કોઈ ફરિયાદ નહીં રહે અને તમને પણ અપરાધભાવ નહીં થાય.

એવું જરૃરી નથી કે ઘરમાં રહેતી સ્ત્રી બાળકોને પૂરો સમય આપે છે અથવા તે બાળકોને સારી રીતે રાખે છે. ઘણીવાર એવું પણ બનતું હોય છે કે ઘરમાં રહેતી સ્ત્રી ઘરના કામથી કંટાળીને ટીવી જોતી હોય, મિત્રો સાથે ફોનમાં વ્યસ્ત હોય કે પછી આડોશીપાડોશી સાથે ગપ્પા મારવામાં વ્યસ્ત હોય. ઘણીવાર તો ઘણી માતાને ખબર પણ નથી હોતી કે તેના બાળકે આખો દિવસ શું કર્યું? તેણે શું ભર્યું? તેને હોમવર્ક શું છે? ક્યારેક તો તે પોતાની વાતમાં એટલી વ્યસ્ત હોય છે કે બાળકોની વાતો સાંભળવાનો ટાઈમ નથી હોતો. તેની સામે વર્કિંગ મધર્સ બાળકોની બધી વાતથી માહિતગાર હોય છે. બાળક સાથે કેટલો સમય રહો છો તે મહત્ત્વનું નથી, પણ કેટલો સમય પૂરેપૂરો તેના માટે ફાળવો છો તે મહત્ત્વનું છે. ભલે આખો દિવસ તેની સાથે ન રહો, પણ સાંજ પછીનો સમય તો તેને આપી જ શકો છો. સૂતા પહેલા થોડો સમય તેની વાતો સાંભળો, તમે કંઈક વાર્તા કહો તો પણ તે ખુશ થાય છે. મનમાં ગિલ્ટ રાખવાથી તમે જાતે ખુશ નથી રહી શકતા કે નથી બાળકોને ખુશી આપી શકતા. ઘર કે ઓફિસ બન્ને જગ્યાએ તમારા મનના અપરાધભાવની અસર થાય છે. આવું ન કરો, જ્યારે તમે માતા બનવાની સાથે કામ કરવાનો નિર્ણય લીધેલો જ છે તો ખુશીખુશી બન્ને જવાબદારી નિભાવવાની કોશિશ કરો. થોડીક સ્માર્ટનેસ વાપરીને બન્ને સ્થળે સમતોલન રાખતા શીખો.

એક રિસર્ચ જણાવે છે કે, કામ કરતી ૮૦ ટકા મહિલાઓના મનમાં અપરાધભાવ હોય છે કે તે બાળકોને સમય નથી આપી શકતી. તમે આ ૮૦ ટકામાં નથી આવતા ને? આપણા સમાજમાં તો સંયુક્ત કુટુંબમાં દાદી-નાનીનો સાથ લઈને બાળ ઉછેરની સાથે કામ પણ કરતા રહો અને વર્કિંગ મધર્સની જવાબદારી સુપેરે નિભાવો.

- દિપા સોની



વરસાદમાં પણ રહો ફિટ એન્ડ ફાઈન

ચાર મહિનાથી તપતી ધરતી પર આકાશનો પ્રેમ એટલે વરસાદ ગરમીથી દઝાડતી ધરતીને ઠંડક આપે એ વરસાદ, ગરમીથી ત્રસ્ત માનવીને ટાઢક આપે એ વરસાદ, તનમનને તાજગી આપે એ વરસાદ... વરસાદના આટલા બધા રૃપ હોવા છતાં વરસાદની સિઝન એટલે કિચડ, ગારો, મચ્છર અને માંદગીની સિઝન. ઘરે ઘરે માંદગી આવી જ જાય. વરસાદ પડ્યા પછી વાતાવરણમાં વધી જતા બફારાને કારણે વાયરલ, બેક્ટેરિયા, ફંગલ ઈન્ફેક્શન સક્રિય થઈ જાય છે. આ સિઝનમાં ડેન્ગ્યૂ, મલેરિયા જેવા કેસ વધી જાય છે. બાફવાળા વાતાવરણને કારણે ભરાયેલા પાણીમાં મચ્છર થતા રોગ માથુ ઊંચકે છે. ક્યારેક તો બહાર નીકળવાનું પણ મન ન થાય. તો શું વરસાદના આનંદથી વંચિત રહેવું? બીમારીની બિકથી આટલી ખૂબસૂરત સિઝનમાં ઘરમાં બેસી રહેવું? ના... વરસાદને દિલ ખોલીને માણવા માટે માત્ર કેટલાક ઉપાયનું પાલન કરો, કેટલાક નિયમ રાખો, થોડીક કાળજી રાખો.

મચ્છરથી બચો

મચ્છર તો ઉનાળાથી જ શરૃ થઈ જાય છે. ડેન્ગ્યૂ અને મલેરિયાના કેસ તો ઉનાળામાં પણ હોય જ છે, પણ વરસાદમાં આ રોગ વધી જાય છે. બફારો વધતા કીડા-મકોડાને અનુકૂળ વાતાવરણ મળી જાય છે, ભેગા થયેલા પાણીમાં મચ્છરો વધી જાય છે. પાણીના ખાબોચિયા અને વાતાવરણનો ભેજ તેમની વસતિ વધારવામાં અને વિકાસમાં મહત્ત્વની ભૂમિકા ભજવે છે. આથી જ મચ્છરથી થતા રોગ વરસાદમાં વધી જાય છે. ઘરની આસપાસ પાણી ભેગું ન થવા દો, જો ખાડા હોય તો વરસાદની સિઝન પહેલા સમથળ કરો, જો પાણી ભરાયેલું રહેતું હોય તો મચ્છર મારવાની દવા છાંટો.

પાણી વધારે પીવો

આમ તો વરસાદી વાતાવરણ ભેજવાળું જ હોય છે, છતાં બફારો તો હોય જ છે. આથી પાણી વધારે પીવું જોઈએ, પાણીને કારણે શરીરને ઈન્ફેક્શન સામે લડવાની તાકાત મળે છે અને પાણી વધારે પીવાથી શરીરમાંથી ઝેરી તત્ત્વો નીકળી જાય છે.

બેકટેરિયા ઈન્ફેક્શનથી બચો

વરસાદમાં બેક્ટેરિયા અને ફંગલ ઈન્ફેક્શન ઝડપથી ફેલાય છે. ઈન્ફેક્શનથી બચવા માટે જરૃરી છે કે સ્કીનને લાંબા સમય સુધી પલળવાથી બચાવવી જોઈએ. બેક્ટેરિયા અને ફંગલ સમસ્યાથી બચવા એન્ટિ બેક્ટેરિયલ સાબુ, ક્રિમનો ઉપયોગ કરવો જોઈએ, વરસાદી પાણીમાં ભીના થયા પછી હાથ-પગ સરખી રીતે સાફ કરવા, ગમે તેટલી કાળજી રાખીએ તો પણ પગમાં તો બહારનો કાદવ, ભરાયેલું પાણી અસર કરે જ છે, પગની આંગળીઓ વચ્ચે ફંગલ ઈન્ફેક્શન ઝડપથી લાગે છે,  આથી બહારથી આવીને પણ બરાબર સાફ કરી લેવા. ભીના કપડા વધુ સમય પહેરી રાખવાથી પણ આ સમસ્યા થાય છે. બની શકે તો પાણીમાં બિટાડીનના થોડા ટીપાં નાંખીને પગને તેમાં બોળી રાખો. જરૃર પડે તો એન્ટિ ફંગલ ક્રિમનો ઉપયોગ કરો.

ભારે ભોજનથી દૂર રહો

વરસાદમાં અપચો એ મોટી સમસ્યા હોય છે. શરીરમાં પાચન શક્તિ નબળી પડી જાય છે, પાચન શક્તિ નબળી પડવાને કારણે ભારે ખોરાકથી પેટ જલદી બગડી જાય છે અને બીમારી આવી જાય છે. ભારે ખોરાક ન લેવો, તળેલો ખોરાક પણ સ્કિન ઈન્ફેક્શન ઊભું કરે છે. વરસાદમાં હલકો ખોરાક લેવો. બહાર રેસ્ટોરન્ટ કે ધાબા પરના ભોજનમાં ગમે તેટલી કાળજી લેવાયેલી હોવા છતાં ક્યાંક તો આપણને નુક્સાન કરે તેવા કારણો આવી જ જતા હોય છે. બને ત્યાં સુધી ઘરે બનાવેલું ભોજન જ લો, જેથી નાની-મોટી બીમારીથી બચી શકો.  ઘરે બનાવેલા ભજિયા નુક્સાન નથી કરતા એટલે બહાર ખાવાને બદલે ઘરે બનાવવાનો આગ્રહ રાખો.

આંખને સ્વચ્છ રાખો

વરસાદી સિઝનમાં આંખનું વાયરલ ઈન્ફેક્શન પણ ઝડપથી પ્રસરે છે. તેનાથી બચવું મુશ્કેછલ તો હોય જ છે, પણ થોડી કાળજી રાખવાથી આંખના ઈન્ફેક્શનનું જોખમ ઘટાડી શકાય છે. આંખને હંમેશાં સ્વચ્છ પાણીથી ધોવો, બની શકે તો ગુલાબજળના બે ટીપાં આંખમાં નાખો, આંખને બરાબર સાફ રાખો, જો કોઈને ઈન્ફેક્શન થયું હોય તો તેની સામે નજર ન મેળવો. આ ઈન્ફેક્શન સામે જોવાથી પણ થાય છે. કોઈને ઈન્ફેક્શન થાય તો તેમણે સનગ્લાસ પહેરી રાખવા જોઈએ, જેથી બીજાને અસર ન થાય.

રોગ પ્રતિકારક શક્તિ વધારો

ઈન્ફેક્શન સામે લડવાનો સૌથી સારો ઉપાય શરીરની અંદર શક્તિ વધારવાનો છે, શરીરને મજબૂત બનાવવાનો છે અને તે યોગ્ય આહારથી જ થઈ શકે. શરીરની શક્તિ વધારવા વરસાદી સિઝનના ફળ અને શાકભાજી ખાવા જોઈએ, સિઝનના ફળ વરસાદથી થતા નુક્સાન સામે લડવાની તાકાત આપે છે, નિયમિત દહીં-છાસ ખાવ, તેનાથી શક્તિમાં વધારો થશે અને ઈન્ફેક્શનથી બચી શકાશે.

વરસાદની સિઝનમાં ઈન્ફેક્શન ઝડપથી ફેલાતું હોય છે, એટલે જાતને જેટલી સ્વચ્છ રાખશો તેટલી ઈન્ફેક્શનથી બચવાની શક્યતા વધી જશે. જાહેર જગ્યાએ ટોળામાં ભેગા થાવ ત્યારે તેમાંથી ઈન્ફેક્ટેડ વ્યક્તિનો ચેપ લાગવાની શક્યતા છે. આથી શ્રેષ્ઠ ઉપાય છે કે ઘરે આવતા જ એન્ટિ ઈન્ફેક્શન સાબુથી સ્નાન કરી લો.

બસ... થોડી કાળજી રાખો અને બીમારીના પર્યાય એવા વરસાદી સિઝનથી જાતને બચાવો અને રોમેન્ટિક વાતાવરણને માણો...

હેપ્પી મોનસુન...



મદદ કરતા ક્યાંક છેતરાઈ ન જવાય

પૃથ્વી પર માનવ મહેરામણ છે, ભિન્ન ભિન્ન પ્રકારના લોકો વસે છે. નારી સર્વ સાથે સદાચાર દાખવે છે, પણ સંસારમાં અલગ અલગ પ્રકૃતિના માનવીના મનનું કંઈ નક્કી નથી હોતું. સમય-સંજોગો પ્રમાણે માનવીની મતિ બદલાય છે. તે પરિસ્થિતિનો દાસ બને છે. માનવી-માનવીને છેતરે છે ત્યારે નાનપ નહીં, ગૌરવ અનુભવે છે. નારી હિંમત રાખીને તેને બોધપાઠ આપે છે.

એક પતિ પત્ની પ્રકૃતિના સૌમ્ય રૃપને માણતા હતાં ત્યારે  બે યુવાનો તેમની નજીક આવ્યા. દેખાવ પરથી બન્ને શિક્ષિત અને સંસ્કારી લાગતા હતાં.

'સર'... એક યુવાને સંકોચસહ કહ્યું.

પતિએ તેની સામે જોયું તો કહ્યું કે, 'મારે મદદની જરૃર છે, પુસ્તક ખરીદવા આર્થિક સહાયની જરૃર છે.'

'વિદ્યાદાન એ શ્રેષ્ઠ દાન છે. આપણે તેમની સહાય કરવી જોઈએ' પત્નીએ મત આપ્યો.

પત્નીની વાત માનીને પતિની ઈચ્છા ન હોવા છતાં મદદ કરી... બન્ને આભાર માનતા ચાલ્યા ગયા. થોડીવાર પછી પતિ-પત્ની ચાલ્યા તો રસ્તામાં તે બે યુવાનો હતાં. બન્ને હસી હસીને વાતો કરતા હતાં. બન્નેની વાતનો સાર એ હતો કે મોજ-મસ્તી માટે રૃપિયા લીધા હતાં. પુસ્તક ખરીદવાનું તો બહાનું હતું.

પત્ની છોભીલી પડી ગઈ, પતિને તો પહેલેથી જ ભરોસો ન હતો, પરંતુ પત્નીનું દિલ દુભાય નહીં એટલે ઈચ્છા પૂર્ણ કરી હતી.

આવા અનેક કિસ્સા સમાજમાં બને છે. યુક્તિ-બનાવો અલગ અલગ હોય છે, પણ બધાનો હેતુ એક જ હોય છે.

ઉપરોક્ત જુદા-જુદા બનાવો મીડિયા દ્વારા પ્રકાશમાં આવે છે. વ્યક્તિઓ સાવધ રહે તે હેતુ હોય છે. વ્યક્તિ મૂખ પર મહોરૃ ધારણ કરી, દંભ કરે છે. વાણીમાં મીઠાસ હોય છે, પણ જો નારી ચેતી જાય તો આવા લોકોની ચાલાકી ચાલતી નથી. સ્ત્રીઓ ભાવુક હોય છે, લાગણીશીલ હોય છે. તે તન-મન-ધનથી સહકાર આપવા ઈચ્છે છે. તેને સત્કાર્ય કર્યાનો સંતોષ મળે છે. અન્ય માટે તે પ્રેરણાદાયી બને છે, પરંતુ ઢોંગ કરે, છળ કરે ત્યારે સાવચેત રહેવું જરૃરી છે.

આવા બનાવોથી ક્યારેક સાચી વ્યક્તિને અન્યાય થાય છે. બધાને સરખા સમજીને વ્યક્તિઓ સાચા હોય તો પણ તેને કોઈ મદદ કરતું નથી, અપમાન કરે છે, જો કે જે સાચા છે તે પોતાની પરિસ્થિતિનો વાંક કાઢીને ફરિયાદ કરવાને  બદલે ચૂપચાપ સહન કરે છે, પણ જ્યારે સાચી વાતની જાણ થાય ત્યારે લોકોને પસ્તાવો થાય છે. સાચા માણસોને દંડ મળે તે ઉચિત નથી.

મદદ કરવી જ હોય તો યોગ્ય વ્યક્તિને મદદ કરવી એ તૈતિક ફરજ છે. ખરેખર જરૃર હોય તેને મદદ કરવી એ માનવતા છે, મદદ માટે ફેલાયેલા હાથ અને તેના અવાજમાં રહેલી સચ્ચાઈ પારખવી જરૃરી બને છે. ખોટી વ્યક્તિને કરેલી મદદ નકામી જાય છે અને ખરેખર જરૃર હોય છે તે વંચિત રહી જાય છે... મદદ કરો... પણ સાચા-ખોટાનો ભેદ પારખીને... નહીં તો કરેલી મદદ તમારા માટે પસ્તાવો બની જશે.

  • ધાત્રી આચાર્ય


હવામાન

weather

શબ્દવ્યુહ

માર્કેટ યાર્ડ - હાપા, જામજોધપુર, જામનગર બ્રાસ સીટી:

માર્કેટ યાર્ડ - હાપા   ઘઉં ....242 ...383 । મગ ....800 ...1680 । લસણ ....160 ...805 । ચણા। ....160 ...805   માર્કેટ યાર્ડ - જામજોધપુર   કપાસ। ....780 ...937 । જીરૂ। ....2600 ...3125 । અરેંડા। ....650 ...729   જામનગર બ્રાસ સીટી   બ્રાસ હાની ઢાંળો ...315.00 । બ્રાસ હાની વાસંણ ...327.00 । બ્રાસ હાની પાઈપ ...329.00 । બ્રાસ વિલાયતી ....310.00