ત્રિજા દિવસે તોગડિયાએ કર્યા પારણાઃ કહ્યું મારી લડાઈ ચાલુ જ રહેશેઃ / બીટકોઈન કેસ મામલે અડાલજ પાસે ક્રાઈમ બ્રાન્ચે પીઆઈ અનંત પટેલની કરી ધરપકડ /

 

કોર્પોરેટ ઈન્ડિયાના ચોથા ત્રિમાસિક પરિણામોની શુભ શરૃઆતઃ ઈન્ફોસીસના માઠા પરિણામોઃ શેરહોલ્ડરોને રૃા.૧૦ સ્પે. ડિવિડન્ડ

આંતરરાષ્ટ્રીય ઉલ્ટાસુલ્ટી સમાચારો, છતાં ભારતીય શેરબજારોમાં તેજીઃ ક્રુડ ઓઈલના ભાવ વધારાથી દેશના અર્થતંત્રને નુકસાન

આંતરરાષ્ટ્રીય ઉલ્ટાસુલ્ટી સમાચારો છતાં ભારતીય શેરબજારમાં સપ્તાહ દરમિયાન તેજીનો માહોલ સર્જાયો હતો. વૈશ્વિક બજારો પાછળ ઘર આંગણે શેર બજારોમાં બેંક, ઓઈલ શેરોની આગેવાની નીચે સપ્તાહના પ્રથમ દિવસે સેન્સેક્સમાં ૧૬૨ પોઈન્ટ અને નિફટી સ્પોટમાં ૪૮ પોઈન્ટનો ઉછાળો આવ્યો હતો. જો કે ક્રુડ ઓઈલનો ભાવ ૭૨ ડોલરની સપાટી કુદાવી ગયો હતો. આમ છતાં તેજીવાળાની મજબૂત પક્કડથી તેજી આગળ વધી હતી. સપ્તાહના અંતિમ દિવસે ફંડોએ શેરોમાં ઈન્ડેક્સ બેઝડ તેજીને આગળ વધારીને સેન્સેક્સ અને નિફટીને ૬ મહિનાની ઊંચાઈએ મૂકી દીધા હતાં. સેન્સેક્સે ફરી ૩૪૦૦૦ ની સપાટી કુદાવી ૩૪૧૯૩ બંધ રહ્યો હતો. નિફટી સ્પોટ ૧૦૪૮૧ બંધ હતો.

અમેરિકા-ચાઈના વચ્ચે ટ્રેડવોરમાં રોજબરોજ ડોનાલ્ડ ટ્રમ્પના બદલાતા વિધાનોએ પોઝિટિવ-નેગેટીવ અસરો વચ્ચે વૈશ્વિક વોર સીરિયા થકી શરૃ થઈ જતાં વૈશ્વિક બજારોની ચાલ આગામી સપ્તાહમાં ફંગોળાતી જોવાય એવી શક્યતા છે. આ સાથે સીરિયામાં અમેરિકા, ફ્રાંસ, યુ.કે ના મિસાઈલ હુમલાઓના પરિણામે ક્રુડ ઓઈલના ભાવમાં ભડકો થવાની શક્યતા છે. જો કે શેરોની ભાવિ ચાલનો આધાર કોર્પોરેટ ઈન્ડિયાના ચોથા ત્રિમાસિક પરિણામો પર છે.

રાજકીયક્ષેત્રે વડા પ્રધાન સામે નવી સમસ્યાઓ સર્જાઈ છે. કાશ્મીરનો પ્રશ્ન હજી અણઉકલ્યો છે. સંસદનું બજેટ સત્ર વિપક્ષોના કારણે સાવ નિષ્ફળ ગયું છે. કેટલાક રાજ્યોમાં રાષ્ટ્રપતિ શાસનના ભણકારા વાગી રહ્યાં છે. ક્રુડ ઓઈલનો વધતો ભાવ મોંઘવારી વધારે છે. આ બધા પ્રશ્નોનો ઉકેલ વડા પ્રધાનને લાવવો જરૃરી છે. આર્થિકક્ષેત્રે પરિસ્થિતિ વિકટ બની છે. માર્ચમાં વેપાર ખાદ્ય વધીને ૧૩.૬૯ અબજ ડોલરની થઈ છે. કેન્દ્ર સરકારને ચિંતાનો પ્રશ્ન છે. પાંચ મહિના બાદ પ્રથમ વાર દેશની નિકાસમાં ૦.૭ ટકાનો ઘટાડો થયો છે. માર્ચમાં નિકાસ ૦.ે૬૬ ટકા ઘટીને ૨૯.૧૧ અબજ ડોલરની થઈ છે. નિકાસ ઘટવાથી દેશની ખાદ્યમાં વધારો થયો છે. ક્રુડ ઓઈલ બ્રેન્ટનો ભાવ એક તબક્કે ૭૨ ડોલરની સપાટી કુદાવી ગયો હતો. જેના કારણે પેટ્રોલ અને ડિઝલના ભાવમાં વધારો થયો છે.

મુંબઈ શેરબજાર તથા નેશનલ એક્સચેન્જમાં સપ્તાહ દરમ્યાન તેજી આગળ વધી હતી. અમેરિકા ચાઈના ટ્રેડ વોર આક્રમક બન્યા બાદ અમેરિકી અધિકારીઓના નિવેદનથી વૈશ્વિક બજારો પાછળ ઘર આંગણે શેરબજારોમાં સેન્સેક્સમાં પ્રથમ દિવસે ૧૬૨ પોઈન્ટનો ઉછાળો આવ્યો હતો. નિફટી સ્પોટ પણ ૪૮ પોઈન્ટ વધ્યો હતો. બેંક, ઓઈલ શેરોની આગેવાની નીચે શોર્ટ કવરીંગથી તેજી આગળ વધી હતી. ક્રુડ ઓઈલ બ્રેન્ટનો ભાવ ૬૮ ડોલર અને નાયમેક્ષનો ભાવ ૬૨.૭૪ નજીક રહ્યો હતો.

છતાં ઓઈલ-ગેસ શેરોમાં ફંડોની લેવલથી તેજી આગળ વધી હતી. બેંકિંગ શેરોમાં સતત ફંડોનું આકર્ષણ હતું. જો કે આઈ ટી શેરોમાં નરમાઈ આવી હતી. કન્ઝયુમર ડ્યુરેબલ્સ, ઓટો અને એફ.એમ.સી.જી શેરો વધ્યાં હતાં. જો કે એફ.આઈ.આઈ ની કેશમાં રૃા.૧૩૦૧ કરોડની અને ફ્યુચર્સમાં રૃા.૭૦૦ કરોડની ચોખ્ખી વેંચવાની હતી.

વૈશ્વિક બજારોમાં સુધારો થતા ઘર આંગણે શેરબજારમાં તેજી આગળ વધી હતી. સેન્સેક્સ ૯૨ પોઈન્ટ વધ્યો હતો. નિફટી સ્પોટ ૧૩ પોઈન્ટ સુધર્યો હતો. અમેરિકા-ચીન વચ્ચે ટ્રેડવોર મામલે એક દિવસ આ યુદ્ધ શાંત થયાના અહેવાલથી તેની પોઝિટિવ અસર થઈ હતી. ચાઈનાના પ્રમુખશ્રી જિન્પિંગના નિવેદન પાછળ વૈશ્વિક બજારોમાં સુધારાની ચાલ હતી. બેંકિંગ ક્ષેત્રે કૌભાંડો અને લોન ડિફોલ્ટરોની સમસ્યામાંથી બેંકો ધીમે ધીમે બહાર આવી રહી છે. અને બેંકોના બેલેન્સશીટ ક્લીયર થઈ રહ્યાં હોઈ બેંકોની કામગીરી સુધરી રહ્યાના સંકેતની સારી અસર હતી. બેંકીંગ શેરોમાં ફંડ અને મહારથીઓની લેવાલી હતી. એલ્યુમિનિયમ સહિત લંડન મેટલમાં ઝડપી વધતાં શેરોમાં તેજી હતી.

સાઉદીઅરેબિયાએ ક્રુડ ઓઈલનો ભાવ લક્ષ્યાંક ૮૦ ડોલર મૂક્યાના અહેવાલને ક્રુડ ઓઈલ બ્રેન્ટનો ભાવ ૭૨ ડોલર નજીક પહોંચી ગયો હતો. આ નેગેટીવ પરિબળ હોવા છતાં સેન્સેક્સ ૬૦ પોઈન્ટ વધ્યો હતો. નિફટી સ્પોટ ૧૫ પોઈન્ટ સુધર્યો હતો. જો કે અમેરિકા-ચાઈના ટ્રેડવોરની અનિશ્ચિતતા હતી. ચાઈનાના પ્રમુખ ડોનાલ્ડ ટ્રમ્પે આવકાર્યું હતું. નાયમેક્ષ ક્રુડ ઓઈલે ૬૬ ડોલરની સપાટી કુદાવી હતી. ડોલર પણ ઉછળી રૃા.૬૫.૩૧ હતો. ઓઈલ-ગેસ શેરોમાં ક્રુડ ઓઈલ વધતાં ધોવાણ હતું.

ઈન્ફોસીસના પરિણામ પૂર્વ આઈટી શેરોમાં આક્રમક તેજી થઈ હતી. સેન્સેક્સે ૧૬૧ પોઈન્ટ ઉછળી ૩૪૦૦૦ ની સપાટી કુદાવી હતી. નિફટી સ્પોટમાં પણ ૫૬ પોઈન્ટનો શેરોમાં તેજીનું તોફાન મચાવ્યું હતું. જો કે બ્રેન્ટ ક્રુડ ઓઈલના ભાવે ૭૩ ડોલરની સપાટી કુદાવી હતી. આથી ઓઈલના ભાવે ૭૩ ડોલરની સપાટી કુદાવી હતી. આથી ઓઈલ- ગેસ શેરોમાં નરમાઈ આવી હતી. આઈટી શેરોની મજબૂતાઈ સામે પસંદગીના મેટલ માઈનીંગ, ઓટોમોબાઈલ, બેંકિંગ, કેપિટલ ગુડઝ શેરોમાં આકર્ષણ હતું. મેટલ, ફાર્મા, મિડકેપ શેરોમાં વ્યાપક પ્રોફિટ બુકીંગ હતું.

ફુગાવાનો માર્ચ મહિનાનો આંક ઘટીને આવ્યો હતો. જો કે ઔદ્યોગિક ઉત્પાદન સાધારણ ઘટ્યું હતું. આમ છતાં ફંડોએ ઈન્ડેક્સ બેઝડ શેરોમાં તેજીને આગળ વધારીને સેન્સેક્સ અને નિફટીને ૬ સપ્તાહની ઊંચાઈએ મૂકી દીધા હતા. સપ્તાહના અંતે અવિરત તેજી હતી. સેન્સેક્સ ૯૨ પોઈન્ટ વધી ૩૪૧૯૩ બંધ રહ્યો હતો. નિફટી સ્પોટ ૨૨ પોઈન્ટ વધી ૧૦૪૮૧ બંધ હતો. આંતરરાષ્ટ્રીય મોરચે અમેરિકા ચાઈના ટ્રેડવોરનો ઉકેલ હાલ તુરંત નહીં આવ્યા છતાં આ મામલે બંને દેશોની મડાગાંઠનો ઉકેલ આવવાની ધારણાં છે.

ચાઈનાના આયાત-નિકાસના આંકડાએ એલ્યુમિનિયમના સતત ભાવ વધવાથી મેટલ-માઈનીંગ શેરોમાં તેજી હતી. આઈટી જાયન્ટ કંપની ઈન્ફોસીસના બજારની ધારણા કરતા પરિણામો નબળા હોવા છતાં શેરહોલ્ડરોને રૃા.૧૦ સ્પેશિયલ ડિવિડન્ડ કંપનીએ જાહેર કર્યું હતું. ઈન્ફોસીસનો માર્ચ મહિનાનો ચોખ્ખો નફો માત્ર ૨ ટકા વધ્યો હતો. ચોખ્ખો નફો રૃા.૩૬૯૦ કરોડ થયો છે. જો કે સ્પેશિયલ ડિવિડન્ડ જાહેર કર્યું છે. જેની સારી અસર થવાની શક્યતા છે.



હવામાન

weather

શબ્દવ્યુહ

માર્કેટ યાર્ડ - હાપા, જામજોધપુર, જામનગર બ્રાસ સીટી:

માર્કેટ યાર્ડ - હાપા   ઘઉં ....242 ...383 । મગ ....800 ...1680 । લસણ ....160 ...805 । ચણા। ....160 ...805   માર્કેટ યાર્ડ - જામજોધપુર   કપાસ। ....780 ...937 । જીરૂ। ....2600 ...3125 । અરેંડા। ....650 ...729   જામનગર બ્રાસ સીટી   બ્રાસ હાની ઢાંળો ...315.00 । બ્રાસ હાની વાસંણ ...327.00 । બ્રાસ હાની પાઈપ ...329.00 । બ્રાસ વિલાયતી ....310.00