જખૈ બંદરે ઝડપાયું ડ્રગ્સઃ કોસ્ટ ગાર્ડના અધિકારીઓ ૧૯૪ જેટલા પેકે કર્યા કબ્જેઃ અંદાજે ૧૦૦૦ કરોડ રૃપિયાનું ઝડપાયું ડ્રગ્સ / જેટ એરવેઝના કર્મચારીઓની પ મહિનાની સેલેરી બાકીઃ ર૦૦ જેટલા કર્મચારીઓએ ઉડ્ડયન મંત્રાલય બહાર કર્યું પ્રદશન / ચૂંટણી પુરી થતાંની સાથે જ દૂધ-શાક પછી કઠોળ પણ થયું મોંઘુઃ તુવેર દાળમાં રપ અને અન્ય કઠોળમાં સરેરાશ ૧પ રૃપિયા જેટલો વધારો / ઈરાનની અમેરીકાના પ્રમુખ ડોનાલ્ડ ટ્રમ્પને ખુલ્લી ધમકીઃ આવા તો કેટલા આવ્યા અને કેટલા ગયા ખતમ કરી નાખવાની ધમકી અમને ના આપતાઃ ઈરાન / એકઝીટ પોલની વિશ્વસમાં શરૃઆત નેધરલેન્ડમાં ૧૯૬૭માં કરવામાં આવી હતી

 

રિઝલ્ટ એકસીલન્ટ હૈ, તભી તો 'બ્રિલિયન્ટ' હૈ

ધો. ૧ર સાયન્સ તથા ગુજકેટમાં બ્રિલિયન્ટ સ્કૂલ ઓફ સાયન્સનું ઝળહળતું પરિણામ

જામનગરની બ્રિલિયન્ટ સ્કૂલ ઓફ સાયન્સનું ધો. ૧ર વિજ્ઞાન પ્રવાહનું ઝળહળતું ૯૪.૧૧ ટકા પરિણામ આવ્યું છે. સ્કૂલના ૩ર વિદ્યાર્થીઓએ ૯૦ થી વધુ પી.આર. મેળવ્યા છે. સ્કૂલના આચાર્ય અશોકભાઈ ભટ્ટ દ્વારા ઉચ્ચ ગુણો મેળવનાર તમામ વિદ્યાર્થીઓને અભિનંદન સાથે ઉજ્જવળ ભવિષ્યની શુભેચ્છા પાઠવવામાં આવી હતી.

અર્જુન મજીઠીયા

જામનગરની બ્રિલિયન્ટ સ્કૂલ ઓફ સાયન્સના વિદ્યાર્થી અર્જુન મુકેશભાઈ મજીઠીયાએ ધો. ૧ર વિજ્ઞાન પ્રવાહની પરીક્ષામાં ૯૯.૭૧ પી.આર. તથા ૯૪.૩૩ ટકા ગુણ મેળવી ઝળહળતું પ્રદર્શન કર્યુ છે. અર્જુને ગુજકેટમાં પણ ૯૯.૯૪ પી.આર. મેળવી રાજયભરમાં છઠ્ઠો ક્રમ મેળવી સ્કૂલ તથા પરિવારનું ગૌરવ વધાર્યુ છે.

અર્જુનના પિતા મુકેશભાઈ બ્રાસપાર્ટના કાર્ય સાથે સંકળાયેલા છે, તથા માતા શીતલબેન ગ્રહિણી છે. અર્જુનના મોટા બહેન નેહાબેન પણ બ્રિલિયન્ટના જ પૂર્વ વિદ્યાર્થીની છે. નેહાબેન હાલ એમ.બી.બી.એસ.નો અભ્યાસ કરી રહ્યાં છે. અર્જુને વિજ્ઞાનપ્રવાહમાં ઉચ્ચ પરિણામ મેળવી બહેનના પદ્ ચિન્હો પર સફળ કદમ ભર્યા છે.

અદ્યત્તન ટેકનોલોજી શીખવાનો શોખ ધરાવનાર અર્જુન એન્જિનિયરીંગમાં ઉચ્ચ અભ્યાસ કરવા પ્રતિબદ્ધ છે. અર્જુને પોતાની સફળતા માટે સ્કૂલના શિક્ષકોના સચોટ માર્ગદર્શન અને પરિવારના સહયોગનો ઋણ સ્વીકાર કર્યો હતો.

મીત મુંગરા

જામનગરની બ્રિલિયન્ટ સ્કૂલ ઓફ સાયન્સના વિદ્યાર્થી મીત અમૃતલાલ મુંગરાએ ૯૯.૮૪ પીઆર તથા ૯પ ટકા મેળવી સ્થાન ટોપ ફાઈવમાં સ્થાન મેળવ્યું છે. મીતના પિતા અમૃતલાલ દૂધનો વ્યવસાય કરે છે. માતા ચંપાબેન ગૃહિણી છે. મીત પોતાની સફળતાનો શ્રેય પરિવારની પ્રેરણા તેમજ સ્કૂલના સચોટ માર્ગદર્શનને આપે છે. મીતના મોટા બહેન નેહલબેન પણ વિજ્ઞાન પ્રવાહના વિદ્યાર્થીની રહ્યાં છે. હાલ તેઓ આયુર્વેદમાં અભ્યાસ કરી રહ્યાં છે. વાંચનનો શોખ ધરાવતો મીત કોમ્પ્યુટર એન્જિનિયર બનવાનું સપનું ધરાવે છે. શાળાના આચાર્ય અશોકભાઈ ભટ્ટે મીતને શુભેચ્છા પાઠવી હતી.

ભવ્ય સોલંકી

બ્રિલિયન્ટ સ્કૂલ ઓફ સાયન્સના વિદ્યાર્થી ભવ્ય ઘનશ્યામભાઈ સોલંકીએ ધો. ૧ર વિજ્ઞાન પ્રવાહમાં ૯૮.૪૯ પીઆર તથા ૯૧ ટકા ગુણ મેળવી પરિવાર તથા સ્કૂલનું ગૌરવ વધાર્યુ છે. ભવ્યના પિતા ઘનશ્યામભાઈ ઈલેક્ટ્રીશીયન છે. જ્યારે માતા આશાબેન ગૃહિણી છે.

ક્રિકેટનો શોખ ધરાવનાર ભવ્યએ સાયન્સના વિષયોમાં ૮૬ ટકા ગુણ મેળવ્યા છે. ભવ્ય વિજ્ઞાન પ્રવાહમાં સફળતા માટે વિજ્ઞાનના ત્રણેય વિષયો પર સરખું ધ્યાન આપવાનો અનુભવસિદ્ધ કીમીયો જણાવે છે. ભવ્ય ઈલેક્ટ્રીક એન્જિનિયર બની અભ્યાસની જેમ કારકીર્દિમાં પણ ભવ્ય સફળતા મેળવવા માટે સંકલ્પબદ્ધ છે.

 

ક્રિષ્ના સ્કૂલના તેજસ્વી તારલાંઓ

છેક પાટણથી અભ્યાસાર્થે આવેલા અજય રાજપૂતે બોર્ડમાં દ્વિતીય નંબર મેળવ્યો

અજય રાજપૂત

ધોરણ-૧ર (વિજ્ઞાન પ્રવાહ)ની પરીક્ષામાં ક્રિષ્ના સ્કૂલના અજય રમેશજી રાજપૂતે ૯૯.૯૮ પર્સેન્ટાઈલ રેન્ક મેળવી સમગ્ર બોર્ડમાં દ્વિતીય નંબર મેળવ્યો છે.

મૂળ ઉત્તર ગુજરાત-પાટણનો આ વિદ્યાર્થી અભ્યાસ માટે જ જામનગર આવ્યો છે અને ધોરણ ૮ થી ક્રિષ્ના સ્કૂલમાં અભ્યાસ કરે છે. તેના પિતા અમદાવાદમાં ખાનગી કંપનીમાં સર્વિસ કરે છે. કોઈપણ ટયુશન ક્લાસમાં જોઈન થયા વગર અજયે દરેક ધોરણમાં સારા માર્કસ મેળવ્યા છે. ધો. ૧૦ માં પણ તેણે ૯૯.૮૯ પી.આર. મેળવ્યા હતાં.

આઈઆઈટીમાં પ્રવેશ મેળવીને અજયનું લક્ષ્ય સોફટવેર એન્જિનિયર બનવાનું છે.

ભાર્ગવ કાલરીયા

ધોરણ-૧ર (વિજ્ઞાન પ્રવાહ) ની પરીક્ષામાં ક્રિષ્ના સ્કૂલના ભાર્ગવ કાલરીયાએ ૯૯.૯૪ પી.આર. મેળવી બોર્ડમાં છઠ્ઠો ક્રમ મેળવ્યો છે. તેના પિતા હિતેશભાઈ સીક્કા જીઈબીમાં સર્વિસ કરે છે. ભાર્ગવની મહેચ્છા ધીરૃભાઈ અંબાણી ઈન્સ્ટિટયુટમાં પ્રવેશ મેળવીને કોમ્પ્યુટર એન્જિનિયર થવાની છે.

ક્રિષ્ના સ્કૂલનું ઝળહળતું પરિણામ

ધો. ૧ર (વિજ્ઞાન પ્રવાહ) નું પરિણામ ૭૬ ટકા આવ્યું છે. જેમાં એક વિદ્યાર્થીએ એ-૧ ગ્રેડ સાથે બોર્ડમાં બીજો નંબર મેળવ્યો છે. ૯૦ પી.આર.થી વધુ માર્કસ ૧૪ વિદ્યાર્થીઓએ મેળવ્યા છે. ક્રિષ્ના સ્કૂલના શિક્ષકો જેનીશભાઈ પટેલ તથા નિરલભાઈ અમીપરાના જણાવ્યા પ્રમાણે તેમની શાળાના વિદ્યાર્થીઓ ટયુશન ક્લાસ વગર માત્ર શાળાના શ્રેષ્ઠ શિક્ષણના કારણે ઝળક્યા છે. ગુજકેટમાં પણ આ શાળાના ૧૯ વિદ્યાર્થીઓ ૯૦ પી.આર.થી વધુ માર્કસ મેળવવામાં સફળ થયા છે.

ઝી-મેઈન પરીક્ષામાં હર્ષ કાછડીયા ઝળક્યો

ક્રિષ્ના સ્કૂલમાંથી ધો. ૧ર નો અભ્યાસ પૂર્ણ કરનાર હર્ષ નાગજીભાઈ કાછડીયાએ ઓલ ઈન્ડિયા લેવલની ઝી-મેઈન પરીક્ષામાં ૯૯.૩પ પી.આર. મેળવીને સમગ્ર દેશમાં ૮૧૯ માં ક્રમ મેળવ્યો છે. હર્ષની ઈચ્છા એનઆઈટી અને આઈઆઈટીની એન્ટ્રેસ ટેસ્ટ પાસ કરીને કોમ્પ્યુટર એન્જિનિયર બનવાની છે.

હવામાન

weather

શબ્દવ્યુહ

MARKET

માર્કેટ યાર્ડ - હાપા, જામજોધપુર, જામનગર બ્રાસ સીટી:

માર્કેટ યાર્ડ - હાપા   ઘઉં ....242 ...383 । મગ ....800 ...1680 । લસણ ....160 ...805 । ચણા। ....160 ...805   માર્કેટ યાર્ડ - જામજોધપુર   કપાસ। ....780 ...937 । જીરૂ। ....2600 ...3125 । અરેંડા। ....650 ...729   જામનગર બ્રાસ સીટી   બ્રાસ હાની ઢાંળો ...315.00 । બ્રાસ હાની વાસંણ ...327.00 । બ્રાસ હાની પાઈપ ...329.00 । બ્રાસ વિલાયતી ....310.00
close
Nobat Subscription