બ્રેઅકીંગ સમાચાર | દિલ્હી વિધાનસભાની ચૂંટણી વધુને વધુ રસપ્રદ બનતી જાય છે. | મોરબી નજીક અજન્ટા ગ્રુપ કંપનીની બસ ટ્રક સાથે અથડાતા ૩ર મહિલા કર્મચારીઓ ઈજાગ્રસ્ત. | દિલ્હી એરપોર્ટ પર જેટ એરવેઝના વિમાના એન્જિનમાં આગ લાગી. તમામ એંસી મુસાફરોનો બચાવ. | ગૃહમંત્રી રાજનાથસિંહની તબિયત લથડતા એમ્સ હોસ્પિટલમાં દાખલ કરાયાં. | વડાપ્રધાન નરેન્દ્ર મોદી ૧૬-ઓગસ્ટે મુંબઈની મુલાકાતેઃ મુંબઈમાં હાઈએલર્ટ. | અમદાવાદમાં ચાર લાખ રૃપિયાની નકલી નોટ સાથે એક શખ્સ ઝડપાયો. | શ્રીનગરના પાસે આંતકી હુમલોઃ એક જવાન શહીદ અને બે ઘાયલઃ પૂંછના હમીરપરમાં પાક સેના તરફથી ગોળીબાર. | પંચમહાલના ઈલોલ ગામના સરપંચ વિરૃદ્ધ પૂર્વ સરપંચે અવિશ્વાસની દરખાસ્ત મુકતા સરપંચે પૂર્વ સરપંચ પર હુમલો કરીને નાક કાપી નાખ્યું. | દિલ્હીમાં મોટરમાં પસાર થતાં બે શખ્સો પાસેથી બસ્સો પચ્ચાસ પીસ્તોલ પકડાઈ. | બ્રિટનમાં માંચેસ્ટરથી લંડન મોટરમાં જતાં ભારતના પૂર્વ ક્રિકેટર અને કોમેન્ટેટર સુનિલ ગાવસ્કર અને તેના મિત્રોએ ડ્રાઈવરને ઉંઘ આવી જતાં નડેલા અકસ્માતમાં સામાન્ય ઈજાઃ મોટરમાં ભારે નુકસાન. | વિસાવદર નજીક સિંહ અને સિંહણ વચ્ચે ઝપાઝપી થતાં સિંહનું મૃત્યુ. | વડાપ્રધાન નરેન્દ્ર મોદીએ જમ્મુ-કાશ્મીર રોડ પ્રોજેક્ટ માટે આઠ હજાર કરોડનું પેકેજ જાહેર કર્યુ. | ૧પ-ઓગસ્ટે રીલીઝ થનારી અજય-કરીનાની ફિલ્મ 'સીંધમ રીટર્ન્સ' ના એક ડાયલોગમાં હિન્દુ લોકોની ભાવનાને ઠેસ પહોંચાડાઈ હોવાની અલ્હાબાદ હાઈકોર્ટમાં ફરિયાદ. | રાજસ્થાનમાં ભારે વરસાદથી ત્રીસના મૃત્યુ. | મહારાષ્ટ્રના ગઢચીરોલીમાં એક મહિલાએ નાયબ મુખ્યમંત્રી અજીત પવાર પર ચપ્પલ ફેંક્યું. | અમેરિકાના ઓસ્કાર એવોર્ડ વિજેતા ફિલ્મ અભિનેતા રોબીન્સને ડીપ્રેશનના કારણે આત્મહત્યા કરી.

વિશેષ મુલાકાત

જામનગર શહેર રજવાડી નગર છે. સંખ્યાબંધ મંદિરો, વિવિધ ધાર્મિક સંસ્થાઓ તથા કેટલીક સાંસ્કૃતિક પરંપરાના કારણે તેને 'છોટી કાશી' પણ કહેવાય છે. ગુજરાતના ગૌરવશાળી અને ઐતિહાસિક શહેરોમાં જામનગરની ગણના થાય છે. આ ગરવા નગરમાં રાજાશાહીના સમયથી ઊભી કરાવેલી સુવિધાઓની મજબૂતી અને સાતત્ય અને લોકશાહી મળ્યા પછી ઊભી કરાયેલી સુવિધાઓ અને તેના તકલાદીપણાનો તફાવત ઊડીને આંખે વળગે તેવો છે.

તેમાંયે ભાજપના શાસનમાં ભપકાને વધુ મહત્વ અપાય છે અને મજબૂતી, ટકાઉપણું કે બહુલક્ષી ઉપયોગિતાને ગૌણ ગણવામાં આવે છે, તેવા વિપક્ષોના આક્ષેપોમાં દમ છે અને તેના અનેક દ્રષ્ટાંતો છે. પરંતુ આજે આપણે સમાન્ય ગણાતું પરંતુ લોકોના જીવન-મરણ સાથે સંકળાયેલું એક દ્રષ્ટાંત જોઇએ તો એમ જણાય કે ખરેખર આ માર્ગો પર જ ફરતા શાસકોને આવું બધું દેખાતું નહીં હોય ? શું આ બધા ધૃતરાષ્ટ્રોની 'શાસકીય' કે 'રાજકીય' વારસદારો છે ?

જામનગરમાં આવેા તમામ મોટા સર્કલો, ચોકડીઓ, સાતરસ્તા, ત્રણબત્તી, ગેઇટ સર્કલ, માર્કેટો, શાળાઓ-મહાશાળાઓ તથા સરકારી સંકુલો સહિતના સ્થળો પર વાહનો તથા વટેમાર્ગુઓના માર્ગદર્શન માટે વિવિધ પ્રકારના રેખાંકનો દોરવામાં આવતા હોય છે. જેમાં સ્વામિનારાયણ મંદિર, ચો-તરફના બાયપાસ ક્રોસીંગ, રેલ્વે ક્રોસીંગ, સમર્પણ સર્કલ, ખોડીયાર કોલોની, દિગ્જામ સર્કલ, મહાકાળી સર્કલ, એરફોર્સ સંકુલ, સેવાસદન સર્કલો, સાત રસ્તા મેગા સર્કલ, રેલ્વે-બસ સ્ટેશનો, બેડી ગેઇટ સર્કલ, હવાઇ ચોક, શાક માર્કેટ, દરબારઘડ સર્કલ, ત્રણ દરવાજા, ગુલાબનગર, ગુરુદ્વારા સર્કલ, હોસ્પિટલ સર્કલ, બેડી ગેઇટ સર્કલ, પંચેશ્વર ટાવર સર્કલ, ટાઉનહોલ મેગા સર્કલ ઉપરાંત નગરના અનેક વિસ્તારો, શાળા-કોલેજો, ધાર્મિક સ્થળો, સંસ્થાઓ, હરવા-ફરવાના સ્થળો તથા પરિવહન સંકુલોનો સમાવેશ થાય છે.

દિવસના સમયે દૂરથી જ દેખાય તેવી રીતે ઝીબ્રાક્રોસીંગ, બમ્પર્સ તથા ડિવાઇડર તેમજ ફુટપાથ દર્શાવતા રેખાંકનો દોરવામાં આવ્યા છે. જો કે, અનેક સ્થળે નવેસરથી પણ આ પ્રકારના રેખાંકનો દોરવા પડે તેમ છે. આ રેખાંકનોના કારણે પગપાળા વટેમાર્ગુઓ, જયારે ઝીબ્રા ક્રોસીંગ પરથી પસાર થતા હોય, ભારે વાહનોની સ્પીડ ધીમી થવી જોઇએ અથવા અટકવી જોઇએ. તેવી જ રીતે બમ્પર્સ પર દોરેલા ઝીબ્રા સિગ્નલ્સ દૂરથી દેખાય તો વાહનચાલકો વાનની સ્પીડ ખૂબ જ ધીમી કરી શકે. ફુટપાથો અલગ કલરથી દોરેલી હોય કે અલગ ડિઝાઇનથી નિર્માણ થઇ હોય તો તેના પર માત્ર પગપાળા વટેમાર્ગુઓ જ પસાર થાય. જેથી રોડ પર પગપાળા લોકોની અવર-જવર મર્યાદિત રહે અને અકસ્માતોનું જોખમ ઘટે.

ટ્રાફિક સેન્સનો અભાવ, લોકશિક્ષણની ખામી તેમજ તંત્રો-શાસકોની ઘોર બેદરકારીના કારણે આ બધા નિયમો પાળવામાં આવતા નથી, તેથી લોકોને ઝીબ્રા ક્રોસીંગ રેખાંકનોનું મહત્વ સમજાતું નથી કે પછી તંત્રો શાસકોની ઘોર બેદરકારીના કારણે આવા રેખાંકનો પ્રત્યે જ બેકાળજી રખાતી હોવાથી આ પ્રકારની સમસ્યાઓ વધુ ઘેરી બની રહી છે. તે સવાલ પહેલાં મરઘી પેદા થઇ કે પહેલા ઇંડુ આવ્યું ? ના કોયડા જેવો છે.

આ કોયડાનો ઉકેલ મહાનગરમાં મહાનગરપાલિકા અને સ્ટેટ-નેશનલ હાઇ-વે પર રાજય અને કેન્દ્રની ઓથોરિટીઝ પાસે જ છે. જો તમામ વ્યૂહાત્મક સ્થળે ઝીબ્રા ક્રોસીંગ, બમ્પર્સ, ડિવાઇડર્સના સાંકેતિક રેખાંકનો રોડ પર દોરવામાં આવે અને તેને વારંવાર અદ્યતન કરવામાં આવે, તો લોકોના જીવન-મરણ સાથે સંકળાયેલી આ સમસ્યા સરળતાથી દૂર કરી શકાય છે, પરંતુ તંત્રો અને શાસકોને માર્ગો પર ભૂંસાઇ ગયેલા પરંતુ અવશેષોની જેમ નરી આંખે જોઇ શકતા આ રેખાંકનો કદાચ બિલકુલ દેખાતા નહીં હોય... સ્ટેન્ડીંગ કમિટિમાં ઠરાવ કરીને બિલોરી કાચના ચશ્મા ખરીદો અને પહેરીને નીકળો તો ખબર પડશે કે કેટલા સ્થળે આ જરુરી રેખાંકનો ભૂંસાઇ ગયા છે. 'કોઇ'ને આ નવતર ખરીદીમાંથી ભલે 'બે પૈસા' મળે, પરંતુ લોકોની સુરક્ષા તો વધશે...!

અત્યારે ભૂંસાઇ ગયેલા રેખાંકનોના કારણે દૂરથી દ્રષ્ટિ નહીં પડતા વાહનો સ્પીડબ્રેકર પર વાનર કુદકા મારતા જોવા મળે છે, તેના કારણે વાહનો ચલાવનારાઓ, તેમાં બેઠેલાઓ, આજુબાજુ ચાલતા અન્ય વાહનો અને પગપાળા વટેમાર્ગુઓ એમ બહુતરફી જોખમો ઊભા થતાં હોય છે. તેવી જ રીતે ઝીબ્રા ક્રોસીંગ ભૂંસાઇ ગયા હોવાથી લોકોને રોડ ક્રોસ કરવા માટે આડેધડ જવું પડે છે અને વાહનચાલકોને પણ ગૂંચવણો ઊભી થતી હોય છે.

માર્ગો પર આ પ્રકારના સાંકેતિક રેખાંકનો અને ચિન્હો દોર્યા પછી પણ તે અંગે લોકોને સતત માર્ગદર્શન આપવા અને શિક્ષત કરવા વિવિધ માધ્યોમાંથી સતત પ્રયાસો કરવા જરુરી છે. આ નાની અને ગૌણ ગણવામાં આવતી બાબતો ખરેખર તો લોકોના જીવન-મરણ અને સલામતિ સાથે જોડાયેલી છે. આ મુદો ગૌણ નથી, તેની સાચી સમજ આ ભૂંસાઇ ગયેલા રેખાંકનોના કારણે રોડ ક્રોસીંગથી ઇજાગ્રસ્ત થતા હાડકા ભાંગ્યા હોય, કોઇ વાહન સાથે અથડાવાથી કે બમ્પર કૂદાવવાથી વાહનોને મોટું નુકશાન થયું હોય કે પછી પગપાળા રોડ ક્રોસીંગ દરમ્યાન કોઇએ પોતાનું સ્વજન ગુમાવ્યું હોય તેને જ હોય, અને તેવા વ્યક્તિની મુલાકાત લેવાથી ખબર પડે કે તેમની પીડા કે નુકશાન કેટલું ભયંકર હોય છે ?

ઝીબ્રા ક્રોસીંગ કરવાથી માનવીઓ એટલે આપણે બધા રોડ પર દોરેલા રેખાંકનોને અનુસરીએ, વાહનો ચલાવતી વખતે ટ્રાફિકના નિયમોને અનુસરીએ અને બમ્પર્સના સ્થળે વિશેષ કાળજી રાખીએ તે જરુરી છે, કારણ કે જાહેર માર્ગો પર રખડતા ઢોર રોડ પર દોરેલા ઝીબ્રા ક્રોસીંગની સમજી શકવાના નથી અને તેને અનુસરવાના નથી, પરંતુ આપણે તો માનવી છીએ... સમજી ગયાને ?

ઝીબ્રાક્રોસીંગ, બમ્પર્સ અને અન્ય સાંકેતિક લીટાઓ પંદર દિવસ-મહિને રિપેઇન્ટ કરવામાં આવે તો જ તેનો હેતુ સરે છે. જો કે, કાગળ પર કે બીલો બનાવી વખતે તો આવું દર્શાવાતું જ હશે, પરંતુ રાફેલ ડીલ જેવા મોટા કૌભાંડો સામે વિરોધનો ઝંડો ઉકાળ્યા પછી કદાચ વિપક્ષોને પણ આ બાબત 'નાની' લાગતી હશે !

ફોટો સમાચાર

રાશી પરથી ફળ

Sagittarius (ધન: ભ-ધ-ફ-ઢ)

માનસિક ચિંતા દૂર થવા પામે. તમારા પ્રયત્નો સફળ થતાં જણાય. સંપત્તિના કામમાં સાનુકૂળતા રહેવા પામે. શુભ રંગઃ મેંદી - શુભ અંકઃ ૨-૬

Capricorn (મકર: ખ-જ)

અગત્યના કામમાં સફળતા મળે. મિત્રોનો સહકાર ઉપયોગી થવા પામે. સંતાનથ લાભ મળતો જણાય. શુભ રંગઃ મરૃન - શુભ અંકઃ ૪-૧

Aquarius (કુંભ: ગ-શ-સ)

દિવસ સાનુકૂળતાભર્યો અને સફળદાયક બની રહે. ધીરજ ફળે. સ્નેહીજનો સાથે મિલન-મુલાકાત થાય. શુભ રંગઃ બ્રાઉન - શુભ અંકઃ ૬-૯

Pisces (મીન: દ-ચ-ઝ-થ)

લાભની તક સરી ન પડે તે અંગે સતર્ક રહેવું. તબિયત સાચવવી. યાત્રા-પ્રવાસ બાબતે મુશ્કેલી ઉભી થતી જણાય. શુભ રંગઃ ગુલાબી - શુભ અંકઃ ૮-૪

Aries (મેષ: અ-લ-ઈ)

આરોગ્યની કાળજી લેવી. આર્થિક બાબતને બગડતી અટકાવી શકશો. સ્નેહીથી મુલાકાત થવા પામે. શુભ રંગઃ લાલ - શુભ અંકઃ ૮-૩

Taurus (વૃષભ: બ-વ-ઉ)

વ્યવસાયિક ક્ષેત્રે કોઈ સારી તક સર્જાતી જોવા મળે. કામકાજને આગળ ધપાવી શકશો. શુભ રંગઃ લીલો - શુભ અંકઃ ૬-૯

Gemini (મિથુન: ક-છ-ધ)

સંજોગો કઠીન હશે તો નરમ બનાવી શકશો. હકારાત્મક બનવાથી સુખદ અનુભવ થવા પામે. શુભ રંગઃ પીળો - શુભ અંકઃ ૨-૭

Cancer (કર્ક: ડ-હ)

આપના અગત્યના પ્રશ્નોને હલ કરી શકશો. મિત્ર કે સંબંધી સહયોગી બને. પ્રવાસમાં વિલંબ થવા પામે. શુભ રંગઃ જાંબલી - શુભ અંકઃ ૩-૫

Leo (સિંહ: મ-ટ)

અંગત ચિંતાનું નિવારણ મેળવીને રાહત પ્રાપ્ત થવા પામે. ગૃહજીવનના કામકાજમાં સાનુકૂળતા રહેવા પામે. શુભ રંગઃ સફેદ - શુભ અંકઃ ૬-૪

Virgo (કન્યા: પ-ઠ-ણ)

કુટુંબી કે સ્વજન પાસેથી વધુ પડતી અપેક્ષા રાખ્યા વિના કેવળ હિત જોવાથી લાભદાયક તકો સર્જાય. શુભ રંગઃ મોરપીંછ - શુભ અંકઃ ૫-૮

Libra (તુલા: ર-ત)

નવી આશા ઉભી થવા પામે. તમારા પ્રયત્નો ફળદાયી બનવા પામે. ઘર-પરિવાર બાબતે ગૃહવિવાદ ટાળજો. શુભ રંગઃ કેસરી - શુભ અંકઃ ૨-૯

Scorpio (વૃશ્ચિક: ન-ય)

વ્યવસાયિક પ્રશ્નોનો ઉકેલ મળી રહે. કાર્યસિદ્ધિ મળવા પામે. આપનો દિવસ સફળતાસભર બની રહેવા પામે. શુભ રંગઃ ગ્રે - શુભ અંકઃ ૩-૮

Sagittarius (ધન: ભ-ધ-ફ-ઢ)

આપના માટે ધંધા-વ્યવસાય ક્ષેત્રે સફળતાદાયક સમય સાથે લાવતું સપ્તાહ શરૃ થવા જાય છે. આ સપ્તાહના દિવસો દરમિયાન આપને આપના વ્યાપાર-ધંધા ક્ષેત્રે પ્રગતિકારક માર્ગ મોકળો થતો જણાય. સફળતાની સીડી સરળતાપૂર્વક ચઢી શકશો. ધંધાકીય ખરીદી કે આર્થિક રોકાણ માટે સમય સાનુકૂળ બની રહે, જો કે કાર્યબોજને કારણે શારીરિક તથા માનસિક થાકનો અનુભવ થાય. કૌટુંબિક ક્ષેત્રે ધાર્મિક કે માંગલિક પ્રસંગોમાં સહભાગી થવાનો અવસર પ્રાપ્ત થાય. સંતાન અંગે ચિંતા રહ્યા કરે. તા. ૧૪ થી ૧૭ મિશ્ર. તા. ૧૮ થી ર૦ વ્યાવસાયિક લાભ થાય.

Capricorn (મકર: ખ-જ)

તમારા માટે આર્થિક આયોજનની સલાહ આપતું સપ્તાહ શરૃ થવા જાય છે. આ સપ્તાહના સમયગાળા દરમિયાન આપની નાણાકીય સ્થિતિમાં ઉથલ-પાથલ આવતી જણાય. બિનજરૃરી આકસ્મિક ખર્ચાઓના કારણે ખર્ચનું પ્રમાણ સતત વધતું જણાય. સામાજિક-જાહેરજીવન ક્ષેત્રે યશ-કીર્તિ પ્રાપ્ત થાય. આપના કાર્યોને વખાણવામાં આવે. આરોગ્ય સુખાકારી ઉત્તમ રહેવા પામે. શારીરિક તથા માનસિક સ્વસ્થતાનો અનુભવ થાય. કૌટુંબિક ક્ષેત્રે માંગલિક પ્રસંગનું આયોજન થઈ શકે તેમ જણાય છે. તા. ૧૪ થી ૧૭ નાણાભીડ. તા. ૧૮ થી ર૦ સારી.

Aquarius (કુંભ: ગ-શ-સ)

આપના માટે પરિવર્તનશીલ સમય સાથે લાવતું સપ્તાહ શરૃ થવા જાય છે. આ સપ્તાહના દિવસો દરમિયાન સમય અને પરિસ્થિતિ આપના પક્ષમાં રહેતા જણાય. વિષાદના વાદળો વિખેરાતા જોવા મળે. વ્યાપાર-વ્યવસાય ક્ષેત્રે આકસ્મિક લાભ પ્રાપ્ત થઈ શકે છે. સ્વાસ્થ્ય બાબતે કોઈ સમસ્યા હશે તો તેમાં ધીમી ગતિએ સુધારો જોવા મળે, જો કે ગૃહસ્થ જીવનમાં વાતાવરણ ઉગ્ર બની શકે છે. જીવનસાથી સાથેની નાની-નાની બાબતમાં બોલાચાલી, વિવાદ થઈ શકે છે. વાણી ઉપર સંયમ રાખવો શ્રેષ્ઠ રહેશે. તા. ૧૪ થી ૧૭ તણાવ રહે. તા. ૧૮ થી ર૦ સારી.

Pisces (મીન: દ-ચ-ઝ-થ)

તમારા માટે સુખ-દુઃખ જેવી મિશ્ર પરિસ્થિતિનો અનુભવ કરાવતું સપ્તાહ શરૃ થવા જાય છે. આ સપ્તાહના સમયગાળા દરમિયાન યાત્રા-પ્રવાસનું આયોજન આનંદદાયી અને ખર્ચાળ પૂરવાર થાય. સ્વાસ્થ્ય સુખાકારી સારી રહેવા પામે. નોકરિયાત વર્ગને ઉપરી અધિકારી સાથે સંબંધો સુધારવાનો અવસર મળે. કાર્યો-પ્રયાસો સફળ થતા ઉત્સાહમાં વધારો થાય. આર્થિક સ્થિતિ લથડતી જણાય. માર્યદિત આવકના સાધનોની સામે ખર્ચનું પ્રમાણ લગભગ બમણું જોવા મળે. મિત્રોનો સાથ-સહકાર મળે. તા. ૧૪ થી ૧૭ સ્વાસ્થ્ય સુધરે. તા. ૧૮ થી ર૦ ખર્ચાળ.

Aries (મેષ: અ-લ-ઈ)

આ૫ના માટે સંયમપૂર્વક ચાલવાની સલાહ આપતું સપ્તાહ શરૃ થવા જાય છે. આ સપ્તાહના સમયગાળા દરમિયાન મહત્ત્વના નિર્ણયો લેતી વખતે સાવધાની રાખવી આવશ્યક બની રહે. વધારે પડતી જવાબદારીને કારણે માનસિક થાકનો અનુભવ થાય. નાણાકીય બાબતે ધીમી ગતિએ પણ મક્કમ પ્રગતિ જોઈ શકશો. વ્યાપાર-વ્યવસાય ક્ષેત્રે નવું સાહસ થઈ શકે. મહત્ત્વની તક મળે તે ઝડપી લેજો. આરોગ્ય બાબતે પડવા-વાગવાથી સાચવવું. કોર્ટ-કચેરીની બાબતોમાં વચગાળાનો રસ્તો અપનાવવો હિતવાહ રહેશે. તા. ૧૪ થી ૧૭ સંયમ રાખવો. તા. ૧૮ થી ર૦ કાર્યબોજ.

Taurus (વૃષભ: બ-વ-ઉ)

તમારા માટે યશ-કીર્તિ અપાવતું સપ્તાહ શરૃ થવા જાય છે. આ સપ્તાહના સમયગાળા દરમિયાન સામાજિક-જાહેરજીવન ક્ષેત્રે આપના માન-મરતબામાં વધારો થતો જોવા મળે. આપ આપના કાર્ય ક્ષેત્રે વધારે ખંત તથા મહેનતથી કાર્ય કરતા જણાવ. આર્થિક ઉન્નતિ પ્રાપ્ત કરવાની ઈચ્છા ફળીભૂત થતી જણાય. ઘર-પરિવારના સગા-સ્નેહીજનો તરફથી પ્રેમ તથા સહકાર પ્રાપ્ત કરી શકશો. આરોગ્ય બાબતે પડવા-વાગવથી સાવધાન રહેવું. વિદ્યાર્થી વર્ગ માટે સમય કસોટીરૃપ બની રહે. યાત્રા-પ્રવાસ થાય. તા. ૧૪ થી ૧૭ લાભ. તા. ૧૮ થી ર૦ માન-સન્માન મળે.

Gemini (મિથુન: ક-છ-ધ)

આપના માટે લાભદાયી સમય સાથે લાવતું સપ્તાહ શરૃ થવા જાય છે. આ સપ્તાહના દિવસો દરમિયાન આપને નાણાકીય આકસ્મિક લાભ થવાની પૂર્ણ શક્યતા જણાય છે. વ્યાપાર-ધંધા-રોજગાર ક્ષેત્રે મંદીની અસરમાંથી બહાર આવવાનો માર્ગ મળે. ધાર્યો લાભ પ્રાપ્ત થતા માનસિક રાહતનો અનુભવ થતો જણાય. કૌટુંબિક ક્ષેત્રે વડીલ વર્ગ સાથે અણબનાવ થઈ શકે છે. પરસ્પર અહ્મનો ટકરાવ થતો જોવા મળે. સંબંધોની ગરિમા જાળવશો તો માન-સન્માનમાં વધારો થાય. નોકરિયાતને કાર્ય પ્રશંસા સાંભળવા મળે. તા. ૧૩ થી ૧૭ લાભદાયી. તા. ૧૮ થી ર૦ મિશ્ર.

Cancer (કર્ક: ડ-હ)

તમારા માટે કૌટુંબિક કાર્યો કરાવતું સપ્તાહ શરૃ થવા જાય છે. આ સપ્તાહના સમયગાળા દરમિયાન આપ આપના ઘર-પરિવારના કાર્યોમાં સક્રિય બનતા જણાવ. મિત્રો-સ્વજનોનો સાથ-સહકાર સરાહનિય બની રહે. આપ આપના કાર્ય ક્ષેત્રે સફળતાપૂર્વક આગળ વધતા જણાવ. પરિશ્રમનું મીઠું ફળ મેળવી શકશો. નાણાકીય સ્થિતિ મજબૂત બનતા ખર્ચાઓને પહોંચી વળવા સજાગ બનશો. સ્વાસ્થ્ય સામાન્ય રીતે નબળું રહેવા પામે. ગૃહસ્થ જીવનમાં નાની-મોટી તકરાર-મતભેદ સંભવ છે. સંતાન બાબતે ચિંતા રહે. તા. ૧૪ થી ૧૭ બોલાચાલી ટાળવી. તા. ૧૮ થી ર૦ કૌટુંબિક કાર્ય થાય.

Leo (સિંહ: મ-ટ)

આપના માટે નવી કાર્યરચના સાથે લાવતું સપ્તાહ શરૃ થવા જાય છે. આ સપ્તાહના સમયગાળા દરમિયાન આપને પ્રગતિકારક અને સફળતાદાયક નવી નવી તકો પ્રાપ્ત થાય તે ઝડપી લેજો. વ્યાવસાયિક ક્ષેત્રે ઉન્નતિના માર્ગો ખૂલતા જણાય. વ્યાપારી વર્ગ માટે નવી ધંધાકીય ખરીદી માટે સમય શ્રેષ્ઠ ગણી શકાય. પારિવારિક ક્ષેત્રે મતભેદ કે મનદુઃખ હશે તો તેનું નિરાકરણ લાવી શકશો. જાહેરજીવન ક્ષેત્રે શત્રુ વિરોધીઓથી ચેતતા રહેજો, તબિયત સુખાકારી સારી રહેવા પામે. નોકરિયાત વર્ગે ઉપરી અધિકારી સાથે ઘર્ષણ ટાળવું. તા. ૧૪ થી ૧૭ સામાન્ય. તા. ૧૮ થી ર૦ સફળતાદાયક.

Virgo (કન્યા: પ-ઠ-ણ)

તમારા માટે ખર્ચ-ખરીદીના યોગ સાથે લાવતું સપ્તાહ શરૃ થવા જાય છે. આ સપ્તાહના દિવસો દરમિયાન આકસ્મિક ખર્ચ-વ્યયના યોગ બનતા જણાય, પરંતુ વ્યર્થ ખરીદી ઉપર નિયંત્રણ રાખવું, અન્યથા નાણાભીડનો સામનો કરવો પડી શકે છે. વ્યાપાર-ધંધા-વ્યવસાય ક્ષેત્રે સમય નરમ-ગરમ સાબિત થાય. મહત્ત્વના નિર્ણયો લેતી વખતે તકેદારી દાખવવી. ગૃહસ્થ જીવનમાં બગડેલા સંબંધો રહે. સ્વાસ્થ્ય સુખાકારી મધ્યમ રહેવા પામે. વડીલોપાર્જિત મિલકતો અંગવેના વિવાદનો ઉકેલ લાવી શકશો. નોકરિયાત વર્ગને સફળતા પ્રાપ્ત થતી જણાય. તા. ૧૪ થી ૧૭ સંભાળવું. તા. ૧૮ થી ર૦ ખર્ચ-ખરીદી.

Libra (તુલા: ર-ત)

આપના માટે મિલન-મુલાકાત કરાવનારૃં સપ્તાહ શરૃ થવા જાય છે. આ સપ્તાહના સમયગાળા દરમિયાન જુના-નવા મિત્રો-સ્વજનો સાથે મિલન-મુલાકાત થાય. મન-હૃદય પ્રસન્ન રહેતા જણાય. માન-સન્માનમાં વધારો થતો જણાય. આપના કાર્યો-પ્રયાસોને બિરદાવવામાં આવે. ધંધા-વ્યવસાય ક્ષેત્રે એકંદરે પરિસ્થિતિ સામાન્ય રહેવા પામે. ધાર્યો લાભ મેળવવા માટે યોગ્ય સમયની રાહ જોવી પડે. કૌટુંબિક ક્ષેત્રે સ્નેહીજનો તરફથી સાથ-સહકાર પ્રાપ્ત થાય. સ્વાસ્થ્ય બાબતે સાચવવા જેવું ખરૃ. સંતાન તરફથી શુભ સમાચાર પ્રાપ્ત થાય. તા. ૧૪ થી ૧૭ મિશ્ર. તા. ૧૮ થી ર૦ મિલન-મુલાકાત.

Scorpio (વૃશ્ચિક: ન-ય)

તમારા માટે સ્વાસ્થ્ય સુધારતું સપ્તાહ શરૃ થવા જાય છે. આ સપ્તાહના સમયગાળા દરમિયાન આપના સ્વાસ્થ્યમાં સુધારો આવતો જણાય. જુની બીમારીમાંથી મુક્તિ મળતી જણાય. શારીરિક તથા માનસિક સ્વસ્થતાનો અનુભવ થાય. વ્યાપાર-વ્યવસાય ક્ષેત્રે ધારેલો લાભ મેળવવા માટે યોગ્ય સમયની રાહ જોવી પડે. વ્યાપારી વર્ગે હાલ મોટું આર્થિક રોકાણ ટાળવું. દાંપત્યજીવનમાં વાતાવરણ એકંદરે શાંતિમય બની રહે. એક-બીજાનો સાથ-સહકાર પ્રાપ્ત કરી શકશો. વિદ્યાર્થી વર્ગને નવી રાહ-નવી દિશા મળે. તા. ૧૪ થી ૧૭ આરોગ્ય સુધરે. તા. ૧૮ થી ર૦ મિશ્ર.

Opinion Poll

ભારતીય ક્રિકેટમાં અત્યાર સુધીનો સર્વશ્રેષ્ઠ 'કપ્તાન' કોણ..?




કાર્ટૂન

ફોટો ગેલેરી