બ્રેઅકીંગ સમાચાર | દિલ્હી વિધાનસભાની ચૂંટણી વધુને વધુ રસપ્રદ બનતી જાય છે. | મોરબી નજીક અજન્ટા ગ્રુપ કંપનીની બસ ટ્રક સાથે અથડાતા ૩ર મહિલા કર્મચારીઓ ઈજાગ્રસ્ત. | દિલ્હી એરપોર્ટ પર જેટ એરવેઝના વિમાના એન્જિનમાં આગ લાગી. તમામ એંસી મુસાફરોનો બચાવ. | ગૃહમંત્રી રાજનાથસિંહની તબિયત લથડતા એમ્સ હોસ્પિટલમાં દાખલ કરાયાં. | વડાપ્રધાન નરેન્દ્ર મોદી ૧૬-ઓગસ્ટે મુંબઈની મુલાકાતેઃ મુંબઈમાં હાઈએલર્ટ. | અમદાવાદમાં ચાર લાખ રૃપિયાની નકલી નોટ સાથે એક શખ્સ ઝડપાયો. | શ્રીનગરના પાસે આંતકી હુમલોઃ એક જવાન શહીદ અને બે ઘાયલઃ પૂંછના હમીરપરમાં પાક સેના તરફથી ગોળીબાર. | પંચમહાલના ઈલોલ ગામના સરપંચ વિરૃદ્ધ પૂર્વ સરપંચે અવિશ્વાસની દરખાસ્ત મુકતા સરપંચે પૂર્વ સરપંચ પર હુમલો કરીને નાક કાપી નાખ્યું. | દિલ્હીમાં મોટરમાં પસાર થતાં બે શખ્સો પાસેથી બસ્સો પચ્ચાસ પીસ્તોલ પકડાઈ. | બ્રિટનમાં માંચેસ્ટરથી લંડન મોટરમાં જતાં ભારતના પૂર્વ ક્રિકેટર અને કોમેન્ટેટર સુનિલ ગાવસ્કર અને તેના મિત્રોએ ડ્રાઈવરને ઉંઘ આવી જતાં નડેલા અકસ્માતમાં સામાન્ય ઈજાઃ મોટરમાં ભારે નુકસાન. | વિસાવદર નજીક સિંહ અને સિંહણ વચ્ચે ઝપાઝપી થતાં સિંહનું મૃત્યુ. | વડાપ્રધાન નરેન્દ્ર મોદીએ જમ્મુ-કાશ્મીર રોડ પ્રોજેક્ટ માટે આઠ હજાર કરોડનું પેકેજ જાહેર કર્યુ. | ૧પ-ઓગસ્ટે રીલીઝ થનારી અજય-કરીનાની ફિલ્મ 'સીંધમ રીટર્ન્સ' ના એક ડાયલોગમાં હિન્દુ લોકોની ભાવનાને ઠેસ પહોંચાડાઈ હોવાની અલ્હાબાદ હાઈકોર્ટમાં ફરિયાદ. | રાજસ્થાનમાં ભારે વરસાદથી ત્રીસના મૃત્યુ. | મહારાષ્ટ્રના ગઢચીરોલીમાં એક મહિલાએ નાયબ મુખ્યમંત્રી અજીત પવાર પર ચપ્પલ ફેંક્યું. | અમેરિકાના ઓસ્કાર એવોર્ડ વિજેતા ફિલ્મ અભિનેતા રોબીન્સને ડીપ્રેશનના કારણે આત્મહત્યા કરી.

બજેટના હાલારીઓના પ્રતિભાવો

'જુમલા સરકારનું અંતિમ જુમલા બજેટ'

દેશભરના ખેડૂતોની મજાકઃ મોટી મોટી જાહેરાતો પણ નાણાકીય જોગવાઈ ક્યાં?

ગુજરાત પ્રદેશ કોંગ્રેસ અધ્યક્ષ અમીતભાઈ ચાવડાએ કેન્દ્ર સરકારના વચગાળાના બજેટને જુમલા સરકારનું અંતિમ જુમલા બજેટ ગણાવ્યું છે. અંદાજપત્ર અંગેની પ્રતિક્રિયામાં તેમણે જણાવ્યું છે કે, દેશભરના ખેડૂતોને મહિને માત્ર ૫૦૦ ની સહાય જાહેર કરીને મજાક ઉડાવી છે.

કોંગ્રેસના રાષ્ટ્રીય અધ્યક્ષ રાહુલ ગાંધીએ ખેડૂતોના દેવું માફ કરવાની વાત કરી રહ્યા છે. ખેડૂતોનું દેવું ૧૧,૬૮,૦૦૦ કરોડ હોવાનું સરકારે સંસદમાં સ્વીકાર્યું હોવા છતાં ભાજપા દ્વારા ૨ હેક્ટર જમીન ધરાવતાં ખેડૂતોને મહિને ૫૦૦ રૃપિયા દિવસના ૧૬.૫૦ પૈસાની સહાય જાહેર કરી ખેડૂતોની મજાક ઉડાવી છે.

કિસાનોની લાગત પર બમણી આવક આપીશુંની વાત પણ આજે જુમલો સાબિત થઈ છે. કિસાનોની લાગત પર ૫૦% આવક આપવા માટે નાણાકીય કોઈ જોગવાઈ પણ જણાતી નથી. બેરોજગારો માટે કોઈ આયોજન નથી. સ્ટાર્ટઅપ ઈન્ડિયા, સ્કિલ ઈન્ડિયા, સ્ટેન્ડ અપ ઈન્ડિયા જેવા સુશોભિત વાક્યોથી જુમલા કરનાર સરકારના રાજમાં બેરોજગારી પાછલા ૪૫ વર્ષમાં રેકોર્ડ વધારો બેરોજગારોમાં થયેલ છે.

નવી રોજગારીની તકો ઉભી કરવાના બદલે નવીન સ્થાપનારી કંપનીઓ પર ૨૫% કોર્પોરેટ ટેક્ષ નાખવામાં આવ્યો.

આ પરથી સરકારની સ્કિલ મિશન યુવા બેરોજગારોને ભજીયા-પકોડા તળવા સિવાય કોઈ વિકલ્પ બચવા દીધો નથી. જુમલા સરકારે લોકશાહીના મંદિરમાં પણ જુમલા કરવાનું છોડ્યું નથી. આવક કરદાતાઓમાં ૮૦% નો વધારો થયો હોય તો દેશની કુલ આવકમાં વધારો કેમ જણાતો નથી. તેમજ પેટ્રોલ-ડીઝલનો જી.એસ.ટી. માં સમાવેશ નહીં, અઢળક ૧૯ લાખ કરોડની લૂંટ ચલાવવામાં આવી છે. તો પણ દેશના દેવામાં વધારો થયો છે તે સરકારના ગેર વહીવટની સાબિતી આપે છે. ૮ લાખની આવક ધરાવતાં સવર્ણોને ૧૦% અનામતની સરકાર વાત કરતી હતી તો આવક મર્યાદા પાંચ લાખ કેમ નક્કી કરવામાં આવી? ખરેખર ૮ લાખની આવકવાળાને સરકાર ગરીબ ગણતી હોય તો આવક વેરામાં છૂટ પણ ૮ લાખ આવકવાળાને આપવી જોઈએ.

સરકારે પાંચ લાખની મર્યાદા નક્કી કરી છે. તે પણ એક જુમલો છે કારણકે, પાંચ લાખથી વધુ આવક કરદાતાઓને પાંચ લાખ બદલે ૨.૫ લાખનો સ્લેબ ગણી વેરો ભરવો પડશે.

ઉજ્જવલા યોજના અંતર્ગત ૮ કરોડ સુધી ગેસ કનેક્શન આપવાની વાત સરકાર કરે છે. પરંતુ અત્યાર સુધી ઉજ્જવલા યોજના અંતર્ગત ગેસ કનેક્શન આપવામાં આવ્યા છે. તેમાંથી ૮૦% લોકોને બીજી વખત ગેસ રીફીલીંગ કરાવતા આંખે અંધારા શા માટે આવે છે? ગેસ બોટલની કિંમત ૧૦૦૦ રૃપિયા છે તે શું આનું કારણ છે?

ખેડૂતોને અનેક રાહત-સહાય, પણ વેપારીઓની અપેક્ષાઓ સંતોષવામાં બજેટ ઉણું ઉતર્યુંઃ એડવોકેટ નિરવ વડોદરીયા

કેન્દ્રિય બજેટ રજુ કર્યું બજેટ જોતા એમ લાગે છે કે, નાણામંત્રી કિસાનો ઉપર ઓળઘોળ થઈ ગયા છે સારી વાત છે પરંતુ સાથેસાથે જો વેપારીની તરફેણમાં પણ થોડા ઘણાં સુધારા કર્યા હોત તો તે જરૃરી હતું. વેપારી આજે સૌથી વધુ જીએસટી ભરે છે. વેપારી રોજગારી આપે છે પરંતુ વેપારી માટે એકય અપેક્ષા પરિપૂર્ણ કરી નથી.

પગારદાર વ્યક્તિ માટે જોઈએ તો ૫,૦૦,૦૦૦ સુધીની આવક ઉપર કલમ ૮૭ (એ) મુજબ વધારાનું ૧૨,૫૦૦નું રીબેટ આપીને ૫,૦૦,૦૦૦ સુધીની આવક કરમુક્ત કરે, પરંતુ જો તમારી આવક ૫,૦૦,૦૦૦ કરતા વધુ હોય એટલે કે ફક્ત ૧૦૦ રૃા. ઉપરની આવક વધતા ૧૨,૫૦૦ના રીબેટનો લાભ ન મળે અને તે વ્યક્તિને પૂરેપૂરો ટેક્સ ભરવો પડે. પરંતુ ત્યારબાદની આવક ઉપર ટેક્સ સ્લેબ ૨૦% અને ૩૦%માં કોઈ ફેરફાર કર્યો નથી. તે સ્લેબ ઘટાડ્યો હોત તો પગારદાર વ્યક્તિને વધુ લાભ મળત, પગારદાર વ્યક્તિને સ્ટાન્ડર્ડ ડીડકશનમાં ૪૦,૦૦૦થી વધારીને ૫૦,૦૦૦ કરેલ છે એ સારી બાબત છે. વ્યાજની આવક ઉપર ટીડીએસની લિમિટ ૧૦,૦૦૦થી વધારીને સીધી ૪૦,૦૦૦ કરેલ છે જે નાના ડિપોઝિટરોને ફાયદામંદ રહેશે. ભાડાની આવક ઉપરની ટીડીએસની લિમિટ ૧,૮૦,૦૦૦થી વધારીને ૨,૪૦,૦૦૦ કરેલ છે. કલમ ૫૪ હેઠળ ૨ રેસીડન્સીયલ હાઉસનો કેપીટલ ગેઈન વરસ દરમ્યાન ૨ કરોડની લિમિટમાં એક વખત બાદ મળશે આ સારી બાબત છે ઘરનું ઘર બધા માટે સ્કીમ જે માર્ચ ૨૦૧૯માં પૂર્ણ થતી હતી તે એફોરડેબલ હાઉસની સ્કીમ માર્ચ ૨૦૨૦ સુધી લંબાવી છે જે નાની વ્યક્તિઓને ઘરનું ઘર લેવા માટે વધુ એક વરસનો લાભ મળશે. વેચાયા વગરના પડી રહેલ ફ્લેટ ઘરની નોશ્નલ આવક એક વરસ માટે કરમુક્ત હતી તે બે વરસ માટે કરેલ છે જે બિલ્ડરો માટે સારી બાબત છે.

હોમલોન માટે રૃા. ૨ લાખ સુધીના વ્યાજને માફી આપેલ છે. જીએસટી કાઉન્સીલને નાણામંત્રીએ ઘર ખરીદનાર ઉપર જીએસટીનો ભાર ઓછો આવે તેવી ભલામણ કરેલ છે અને તેના માટે મિનિસ્ટરોનું એક ગ્રુપ નીમવામાં આવશે જે ''જીએસટી ઓન હાઉસ'' માટે શું ઘટાડો થઈ શકે તે શક્યતા તપાસશે.

આ બજેટ દ્વારા નાણામંત્રીએ વેપારીઓને સંપૂર્ણ નિરાશ કર્યા છે. નાના વેપારીએ મહત્તમ ૩૦% ઈન્કમટેક્સ લાગે છે તથા મોટી કંપનીને ૨૫% ટેક્સ છે. વિસંગતતા તે દૂર કરવાની જરૃર હતી. તદ્દઉપરાંત હવે એમએટીની કોઈ જરૃર રહેતી નથી તે દૂર કરવાની જરૃર હતી. ૩૬ કેપિટલ વસ્તુ ઉપર કસ્ટમ ડ્યુટી નાબુદ કરેલ છે. ઈન્કમટેક્સના રિટર્ન ફક્ત ૨૪ કલાકમાં પ્રોસેસ થશે. બે વર્ષમાં ઈન્કમટેક્સની આકારણી પૂર્ણ થશે. ગ્રેચ્યુઈટીની મર્યાદા ૧૦ લાખથી વધારીને ૩૦ લાખ કરી અશંગઠીત ક્ષેત્રમાંથી નિવૃત્ત થતા કર્મચારીને ૬૦ વર્ષ પછી રૃા. ૩૦૦૦નું પેન્શન મળશે. કલમ ૫૪ હેઠળ કેપિટલ ટેક્સનો બેનીફીટનો લાભ એક ઘર સેલ્ફ ઓકયુપાઈ ઘરમાંથી બે ઘર સુધી વિસ્તારમાં આવેલ છે. ૧૦% અનામત આપેલ છે તેના માટે ૨ લાખ શીટોનો વધારો કરેલ છે. ફૂડ ફોર ઓલ સ્કીમ હેઠળ ૧.૭ લાખ કરોડની ફાળવણી નેચરલ કેલેમીટીથી જે કિશાન અસર પામેલ હોય તેને ૨% વ્યાજમાં રાહત જે વર્કર ૨૧,૦૦૦ માસિક કમાય છે તેના માટે બોનસ લાગુ પડશે. આવતા ૫ વૃષ દરમ્યાન ૧ લાખ ડિજિટલ ગામડા કરવા વિગેરે સારા પાસા ઉપરોક્ત બજેટના છે. આમ સર્વાંગીરૃપે આ બજેટ ફક્ત કિશાન અને સર્વિસ કરતી વ્યક્તિ માટેનું હોય તેવું ચિત્ર રજુ થાય છે.

"વોટ ઓન એકાઉન્ટ" નહીં પણ અંતિમ બજેટઃ ચૂંટણીલક્ષી જાહેરાતો વાંધાજનક ન ગણાય

બજેટથી મધ્યમ વર્ગને બહોળો ફાયદો, આવકાર્ય, પરંતુ ઉદ્યોગો-નિકાસને બુસ્ટીંગ નહીંઃ અક્ષત વ્યાસ

જામનગર તા. રઃ ર૦૧૯ નું વર્ષ ચૂંટણીનું વર્ષ છે અને આથી સરકાર ચૂંટણીલક્ષી કાર્યો જ કરે તે સ્વાભાવિક છે, અને જ્યાં સુધી પ્રજાને ફાયદો થતો હોય ત્યાં સુધી ચૂંટણીલક્ષી જાહેરાતોથી પણ કોઈને વાંધો પણ ન હોવો જોઈએ. અંદાજપત્રિય બાબત પર ચર્ચા કરતાં પહેલા શા માટે અંદાજપત્ર ચૂંટણીલક્ષી છે તે બાબતની તાર્કિકતા જોઈએ.

ભારતમાં બંધારણ જ સર્વોપરી છે અને બંધારણીય મર્યાદાને કારણે સરકાર કોઈ પણ ખર્ચ પોતાને મન ફાવે તેમ કરી શકે નહીં. ભારતના બંધારણમાં અનુચ્છેદ ર૬૬ મુજબ કોન્સોલિડેટેડ ફંડસમાંથી કોઈ રકમના ઉપાડ માટે લોકસભાની પરવાનગી મેળવવી જરૃરી છે. જે સામે અનુચ્છેદ ૧૧૪ ના ખંડ ૩ મુજબ કાયદા વગર કોન્સોલિટેડેટ ફંડસમાંથી કોઈપણ રકમનો ઉપાડ ગેરકાયદેસરનો છે અને આ કાયદો એટલે એપ્રોપ્રિએશન બિલ અને ફાઈનાન્સ બિલ કે જેને આપણે બીજા શબ્દોમાં બજેટ કે અંદાજપત્ર કહીએ છીએ.

બંધારણીય ખ્યાલ દરેક આવા ફાઈનાન્સ બિલ (અંદાજપત્ર) લોકસભામાં લાંબી ચર્ચાઓ પછી પસાર કરવામાં આવે છે. આ બાદ જે-તે ખરડો રાજયસભામાં ચર્ચા અર્થે જાય છે અને પછી રાષ્ટ્રપતિની મંજૂરી બાદ ખરડો, કાયદાનું સ્વરૃપ લે છે. આ દરેક પ્રક્રિયા સમય માંગી લે તેવી છે અને તેથી જ્યારે જ્યારે સરકાર પોતાનો કાર્યકાળ પૂર્ણ કરવા જઈ રહેલી હોય ત્યારે આટલો સમય નથી હોતો. ઘણી વખત જે-તે નાણાકીય વર્ષમાં પણ ૩૧ માર્ચ પહેલા ફાઈનાન્સ બિલ પાસ થતું નથી હોતું અને આથી સરકારોને ૧-એપ્રિલ પછી કોઈ પણ કાર્યો કરવા માટે કોન્સોલિડેટેડ ફંડમાંથી ઉપાડ શકય બનતો હોતો નથી. આથી સરકારના રોજિંદા કાર્યોને આગળ ધપાવવા માટે "વોટ ઓન એકાઉન્ટ" ની સગવડતા આપવામાં આવેલ છે.

"વોટ ઓન એકાઉન્ટ" એટલે કે "લેખાનુદાન" માત્ર ખર્ચનું સરવૈયું હોય છે અને જેમાં આવક સંબંધી કોઈ જોગવાઈ હોતી નથી અને "વોટ ઓન એકાઉન્ટ" સામાન્ય રીતે બે મહિનાનું જ હોય છે, અને ર૦૧૬ સુધીના વર્ષોમાં બિન ચૂંટણી વર્ષોમાં પણ જ્યારે જ્યારે ફાઈનાન્સ બિલ ૧-એપ્રિલ પછી પસાર થયા છે ત્યારે-ત્યારે એકાદ - બે મહિનાના સરકારી ખર્ચાને પહોંચી વળવા દરેક પક્ષની સરકારોએ "વોટ ઓન એકાઉન્ટ" લેખાનુદાન કરેલ જ છે.

લેખાનુદાનમાં આવકને લગતી કોઈ જોગવાઈ હોતી નથી અને તેના પર લોકસભામાં કોઈ ચર્ચાઓ પણ નથી થતી હોતી. લેખાનુદાનમાં જે-જે આવકની જોગવાઈ કરેલ હોય તે દરેકને સામાની બજેટ અંતર્ગત ફરીથી પસાર કરવાની થાય છે. લેખાનુદાન મારફતે કરવેરાના કાયદામાં કોઈ ફેરફાર થઈ શકતો નથી.

જે સમયે સરકાર પાસે પૂર્ણ વર્ષનો સમય ન હોય અને સરકાર લેખાનુદાન કરવા ઈચ્છતી ન હોય તે સમયે સરકાર પાસે બીજો વિકલ્પ અંતીમ બજેટ રજૂ કરવાનો હોય છે. અંતીમ બજેટમાં સરકાર ખર્ચ અને આવક એમ બન્ને બાબતો જાહેર કરે છે. સામાન્ય રીતે અંતીમ બજેટમાં કરવેરાની દરખાસ્તો અને નવી પોલિસીનું ડેક્લેરેશન નથી હોતું, પરંતુ આજની સરકાર બિનપરંપરાગત સરકાર છે અને આથી કરવેરાની દરખાસ્તો સાથેનું અંતરીમ બજેટ સરકારશ્રી દ્વારા ગઈકાલે રજૂ કરવામાં આવ્યું. આનું કારણ સ્પષ્ટ છે અને સરકાર કરવેરાના લાભો જનતાને આપી ચૂંટણીમાં લાભ લેવા માંગે છે. અને આથી કોઈ બીજી હકીકતમાં ગયા વગર જ પરિસ્થિતિ, બંધારણીય ખ્યાલો અને જૂની સરકારોના કાર્યોને ધ્યાને રાખીને ચાલુ બજેટ રજૂ કરવાની પદ્ધતિ, સ્થિતિ સમય અને સ્ટાઈલ જોઈને જ આ અંદાજપત્રને ચૂંટણીલક્ષી કહી શકાય અને અગાઉ કહ્યું તેમ પારદર્શી રીતે પ્રજાના ફાયદામાં જે જાહેરાતો થાય તેનાથી કોઈને કોઈ વાંધો ન હોવો જોઈએ.

અંદાજપત્રિય ખર્ચના અંદાજ કરેલ છે જે પૈકી અમુક ખર્ચા એવા છે જે આ સરકારે પ્રથમ વખત જ સૂચવેલ છે અને બીજા અંદાજો એવા છે જે પાછળ સરકાર જૂની સરકારો કરતાં અથવા પોતાના જ ગત વર્ષો કરતાં વધુ નાણાં વાપરવાની ઈચ્છા પ્રદર્શિત કરે છે. અહીં જે-જે ખર્ચના અંદાજો સરકારે રજૂ કર્યા છે તે પૈકી સાચું તારણ ત્યારે જ આવશે જ્યારે ખરેખર ખર્ચના અંદાજો પૂર્ણ થશે અને જે કાર્ય માટે ફાળવણી કરવામાં આવેલ છે તે કાર્ય સંપન્ન થશે. હાલની તકે આપણે સરકારની નિષ્ઠા અને તેના પ્રયત્નના વખાણ કરી શકીએ. મધ્યમ વર્ગને લક્ષમાં રાખી કરાયેલ અનેક ખર્ચના અંદાજો ભારતમાં પહેલી વખત કરાયેલ છે અને આથી આ બજેટથી મધ્યમવર્ગને બહોળો ફાયદો થશે. પરંતુ તેવી જ રીતે કોઈ ઉદ્યોગોને કે એક્ષપોર્ટ કે જે અત્યારે ડાઉન છે તેને બુસ્ટીંગ મળે તેવી કોઈ જાહેરાતો થઈ ન હોવાથી અમુકઅંશે અંદાજપત્ર નિરાશાજનક પણ કહી શકાય.

આવકવેરાના લાભો પહોંચવાની શકયતા કેટલી

આવકવેરાની જે જાહેરાતો વોટ્સ એપ - ટ્વિટર મારફતે ફરે છે તે દરેક સાચી છે અને ઈન્ચાર્જ નાણામંત્રી પીયુષ ગોયલ નિષ્ણાત એકાઉન્ટન્ટ છે, પરંતુ અત્યારે સરકારની આવકો સાચવવાની જવાબદારી પણ તેમની શીરે છે એટલે દરેક જાહેરાતો પછાળ નાની-નાની ફુદરડી રાખેલ છે અને જેટલી સરળ દેખાય છે તેટલી સરળ રીતે આવકવેરામાં કરેલ રાહતો દરેક લોકો સુધી પહોંચી શકવાની સંભાવનાઓ હકીકતે ઓછ જ છે. તેવી જ રીતે આ દરેક જોગવાઈઓ કઈ તારીખથી અમલમાં આવશે તે બાબતે પણ કર નિષ્ણાંત તથા બંધારણ નિષ્ણાત વચ્ચે ચર્ચાઓ ચાલી રહી છે. કારણ કે ફાઈનાન્સ બિલ-ર૦૧૯ નાણાકીય વર્ષ શરૃ થયાના ચાર-પાંચ મહિનાઓ પછી જ પાસ થઈ શકશે અને શું નવી સરકાર દ્વારા જુની સરકારની જાહેરાતો જૂની તારીખથી લાગુ કરાશે...?

કરવેરાના સુધારા કેવી    રીતે લાગુ થશે...?

સીધો વેરો (ઇનકમ ટેક્ષ) નથી પરંતુ આડકતરો વેરો છે તેથી તેની અમલી તારીખ વર્ષની વચ્ચેથી કોઈ પણ હોઈ શકે તેવું કહેનારા શું સીધા વેરાનાં સુધારા વર્ષમાં અધ્ધવચ્ચેથી લાગુ કરશે ? આવી વિસંગતતા રોકવા માટે સરકારશ્રી પાસે ત્રણ રસ્તા છે. બજેટ સત્રનાં બાકી રહેલ ૯ કામકાજનાં દિવસોમાં લોકસભા તથા રાજ્યસભામાં ફાઈનાન્સ બિલ પસાર કરવું પડે. નવી સરકારે વર્ષની કોઈ વચ્ચેની તારીખથી ઇનકમ ટેક્ષનાં સુધારા લાગુ કરવા પડે.  નવી સરકારે, જૂની સરકાર દ્વારા મુકેલ પ્રસ્તાવોને નાણાકીય વર્ષ ની પહેલી તારીખથી એટલે કે પાછલી તારીખથી અમલી બનાવતા જાહેરનામાં આપવા પડે.  ઇનકમ ટેક્ષ નાં સુધારા નાણાકીય વર્ષ ૨૦૨૦- ૨૧ થી થતી આવક  વ્યવહારને  લાગુ પડે.

જોકે ભારતનાં રાજકારણમાં એવું પણ બની શકે છે કે નવી સરકાર સમગ્ર સુધારાઓ નામંજૂર કરી પૂર્ણ બજેટ રજુ કરી નવું ફાઈનાન્સ બિલ લઇને આવે ! એવું પણ બને નવી સરકાર કોઈ પણ સુધારા વગર આ સુધારાઓ સ્વીકારી લે અને સુધારાઓ જેમ ને તેમ લાગુ પડે અને જ્યારે પણ આ સૂચિત જોગવાઇઓ લાગુ પડશે; સામાન્ય જનતા કે જેને મધ્યમ વર્ગ કે આમ આદમી કહેવાય છે તેને લાભ થશે અને તેનો યશ આપણે હાલની સરકારને જ આપવો પડશે. જોકે ભવિષ્યની બાબતો પર વધારે ચર્ચાઓ ન કરતાં, ગઈકાલે ઈ.ચા. નાણામંત્રીશ્રી પીયુષ ગોયલ દ્વારા માધ્યમ વર્ગ માટે પીરસવામાં આવેલ થાળી કેવી છે તે જોઈએ.

દેશ પ્રગતિ કરી રહ્યો છે, તેની પ્રતીતિ બજેટમાં થઈ રહી છેઃ ડો. કે. એસ. માહેશ્વરી

જામનગર તા. ૨ઃ જામનગરના જાણીતા ઓર્થોપેડીક સર્જન ડો. કે. એસ. માહેશ્વરીએ કેન્દ્રીય વચગાળાના બજેટની પ્રશંસા કરતા તેમની પ્રતિક્રિયામાં જણાવ્યું છે કે ખેડૂત અને મધ્યમવર્ગલક્ષી બજેટ આવકારદાયક છે. દેશ સતત પ્રગતિના પંથે આગેકૂચ કરી રહ્યો છે તેની પ્રતીતિ બજેટથી થઈ રહી છે.

આંતરમાળખાગત અને વિકાસના કાર્યો તથા દેશના અર્થતંત્રને ઈંધણ પૂરૃં પાડતું છેલ્લા ૩૫ વર્ષથી ટેક્ષ ભરૃં છું. પણ પહેલીવાર કોઈ ફાઈનાન્સ મિનિસ્ટરને ટેક્ષ પેયરનો આભાર માનતા સાંભળ્યા.

મેડિકલ ક્ષેત્રમાં આયુષ્માન વીમા યોજના એ એક મહત્ત્વની સેવા લક્ષી યોજના હાલમાં સક્રિય થયેલ છે અને દેશની ખ્યાતનામ એઈમ્સની બાવીસમી હોસ્પિટલ હરિયાણામાં કરવાની જાહેરાત કરી તે પણ આવકાર્ય છે. પરંતુ જેમ વિકસીત દેશો કે જેના વાર્ષિક બજેટના ૨૬% થી ૨૭% નું બજેટ મેડિકલ ક્ષેત્રને ફાળવવામાં આવે છે, જેની બરાબરીમાં આપણા દેશનું બજેટ હજુ ૪% સુધી માંડ પહોચ્યું છે. જેમાં હજી વધારો કરી શકવાની જગ્યા હતી.

'માત્ર ચૂંટણી લક્ષી બજેટ'ઃ ઝફરૃલ્લાખાન પઠાણ

જામનગર તા. ૨ઃ કેન્દ્રીય વચગાળાનું બજેટ તે માત્ર આગામી દિવસોમાં યોજાનાર લોકસભાની ચૂંટણીને લક્ષમાં રાખીને લોકસભાની ચૂંટણીને લક્ષમાં રાખીને ચૂંટણીલક્ષી બજેટ છે.

મધ્યવર્ગના લોકોને આકર્ષવા માટે આવકવેરાની મર્યાદા પાંચ લાખની કરવામાં આવી છે. પણ સાતમાં પગાર પંચના અમલ પછી ઘણાં કર્મચારીઓની આવક છ લાખ કરતા વધુ થઈ છે. અઢી લાખથી ગણત્રી કરીને તેમણે આવકવેરો ભરવો પડશે.

ખેડૂતોને વાર્ષિક માત્ર છ હજાર રૃપિયાની સહાય ખૂબ ઓછી છે. બજેટમાં રોજગારી સર્જન માટે કોઈ સ્પષ્ટતા નથી. યુપીએ સરકારની જુની યોજનાઓને જ નવા નામ આપી રજુ કરેલ છે. નાણાકીય જોગવાઈ માટે પણ કોઈ સ્પષ્ટતા નથી.

દરેક વર્ગને ખુશ કરવા ચૂંટણીલક્ષી બજેટઃ ચાર્ટર્ડ એકાઉન્ટન્ટ ઉમેશ રવાણી

કેન્દ્રીય નાણામંત્રીએ આગામી ચૂંટણીને જ નજરમાં રાખીને દરેક વર્ગને ખુશ કરવા માટેની કવાયત કરી હોવાનું જણાય છે. જામનગરના ચાર્ટર્ડ એકાઉન્ટન્ટ ઉમેશ રવાણીએ બજેટ અંગેની પ્રતિક્રિયામાં જણાવ્યું છે કે આવકવેરા માટે રૃપિયા પાંચ લાખ સુધીની મર્યાદા આવકારદાયક છે. જેથી નાના કરદાતાઓને રાહત મળશે.

બે મકાન ધરાવનારને કરમાં રાહત મળે છે. ટીડીએસ માટે વ્યાજની લિમિટ વધારી ૪૦ હજાર કરવાથી બેંકમાં એફડી તથા પોસ્ટ ઓફિસમાં બચત પર વ્યાજ મેળવનારને ફાયદો થશે.

રીયલ એસ્ટેટ પ્રોજેક્ટ પૂર્ણ કરનારે વેચાણ થયા વગરની ઈન્વેન્ટરી કંપ્લીશન સર્ટીફીકેટ પછી એક વર્ષ સુધી ટેક્ષ રાહત વધારીને બે વર્ષની કરવાથી બિલ્ડરોને રાહત મળશે. કિસાન ક્રેડીટ કાર્ડના લાખો માછીમારો તથા પશુપાલન કરનારને પણ આપવાની દરખાસ્ત સારી બાબત છે.

મજુરનું ચાલુ કામે મૃત્યુ થાય તો વળતર રૃા. બે લાખથી વધારી ને રૃા. છ લાખ કરવાની દરખાસ્ત આવકારદાયક છે. આમ એકંદરે બજેટ ચૂંટણીલક્ષી અને દરેક વર્ગને રાજી કરવા માટેનો પ્રયાસ છે.

નાના કરદાતાઓ માટે આવકવેરાની મુક્તિ મર્યાદા આશીર્વાદરૃપઃ અજય આર. શેઠ

જામનગર તા. ૨ઃ કેન્દ્ર સરકાના વચગાળાના બજેટ અંગે બેંકીગ ક્ષેત્ર સાથે જોડાયેલા અજય આર. શેઠે તેમની પ્રતિક્રિયામાં આ બજેટમાં નાના કરદાતાઓ માટે આવકવેરાની મુક્તિ મર્યાદા રૃા. પાંચ લાખ સુધીની કરવામાં આવી છે, તેમજ ગ્રેચ્યુઈટીથી મુક્તિ મર્યાદા ૧૦ લાખથી વધારી ૨૦ લાખ કરવામાં આવી છે. તેને આશીર્વાદરૃપ ગણાવેલ છે. જેના કારણે દેશના અંદાજે ત્રણ કરોડ નાના કરદાતાઓને વર્ષે રૃા. તેર હજાર જેવો ફાયદો થશે. એક મકાનના બદલે બે મકાનની લોંગ ટર્મ કેપીટલ ગેઈન મળશે જેનાથી આ ક્ષેત્રમાં રોકાણ વધશે. મકાન પરતો જીએસટી ઘટાડવા સરકાર જીએસટી કાઉન્સીલમાં દરખાસ્ત કરશે. તે બાબત પણ રાહતરૃપ બની રહેશે. ડિપોઝિટો પરના વ્યાજની મર્યાદા વધારીને ૪૦ હજાર કરવાથી નિવૃત્ત અને નાના કરદાતાઓને રાહત મળશે. ખેડૂતો અને મજુરોને સહાય તથા પેન્શનની જાહેરાતથી નાના મજુર તથા ખેડૂત વર્ગને રાહત મળશે.

જો બ્રાસપાર્ટ ઉદ્યોગને પણ જી.એસ.ટીમાં રાહત આપવાની માંગણી સ્વીકારવામાં આવે તો જામનગરના આ ઉદ્યોગને પણ મોટી રાહત મળશે.

નાના કરદાતાઓને રાહત આપાાતુ બજેટઃ ચાર્ટર્ડ એકાઉન્ટન્ટ કમલેશ રાઠોડ

જામનગરના જાણીતા ચાર્ટર્ડ એકાઉન્ટન્ટ કમલેશભાઈ રાઠોડે કેન્દ્ર સરકારના વચગાળાના બજેટને નાના કરદાતાઓને રાહત આપનારૃં બજેટ ગણાવ્યું છે.

દેશમાં કરદાતાઓની સંખ્યામાં નોંધપાત્ર વધારો થયો છે. તે માટે આવકવેરાની સરળતા, એસેસપેન્ટ અને રીફન્ડની પ્રણાલીને આભારી છે.

કોઈ પણ વ્યક્તિને બીજા ઘર માટે આવકવેરો નહીં ભરવો પડે તે એક મોટી પળોજણમાંથી મુક્તિ સમાન છે. વ્યાજની કપરી અને ભાડાની કપાત મર્યાદામાં વધારો આવકારદાયક છે. જેથી હાઉસીંગ સેક્ટરને ફાયદો થશે. બિલ્ડરને પણ વણવેચાયેલ મિલકત પર એક વર્ષના બદલે બે વર્ષ પછી જ આવકવેરો ભરવાનું પગલું ફાયદાકારક છે.

આવકવેરાના કાયદાની કલમ ૮૭-એ હેઠળ વ્યક્તિગત કરદાતાને મળતા રિબેટની રકમ રૃા. ૨૫૦૦માંથી રૃા. ૧૨,૫૦૦ કરી છે. રિબેટ ટેક્સમાંથી બાદ મળવાપાત્ર છે. એટલે કે આજ સુધી જે કરદાતાની આવક રૃા. ૩૫૦૦૦૦ હોય તેઓને આ રિબેટને લીધે કોઈ ટેક્ષ ભરવાનો થશે નહીં. કારણ કે કલમ ૮૭-એ માં કુલ કરપાત્ર આવક (ટોટલ ઈન્કમ) એવો શબ્દ પ્રયોગ થયેલો છે માટે કલમ ૧૬, કલમ ૨૪ કે કલમ ૮૦ માં મળતા ડિડ્કશન લીધા પછી પણ પોતાની કુલ આવક રૃા.૫૦૦૦૦૦ થી નીચે રહે તો પણ કરદાતાને કોઈ જ કર ભરવા પાત્ર થશે નહીં. અહીં એ સમજવું જરૃરી છે કે જો પ્રાથમિક કરમુક્ત આવક મર્યાદા (બેઝિક એક્સઝેમ્પશન) રૃા.૨,૫૦,૦૦૦ થી રૃા.૫,૦૦,૦૦૦ લાખ કરી હોત તો ઘણા કરદાતાઓ કરપત્ર (રિટર્ના ભરવાની જવાબદારીમાંથી જ છૂટી ગયા હોત પણ આવું ન કરતા સરકારશ્રીએ રૃા. ૫,૦૦,૦૦૦ થી નીચેની કુલ આવક ધરાવતા કરદાતાઓને ટેક્ષનું રિબેટ આપીને રાહત આપી છે.

કાયદાની કલમ-૮૦ આઈબીએ અંતર્ગત કોઈ પણ અફોર્ડેબલ હાઉસીંગ સ્કીમ પ્રોજેક્ટની આવક મજરે મળવા પાત્ર છે. આવા પ્રોજેક્ટની મંજૂરી મેળવવાની અંતિમ તારીખ ૩૧ માર્ચ ૨૦૧૯ હતી તે ૩૧ માર્ચ ૨૦૨૦ સુધી વધારવામાં આવી છે. એટલે કે પ્રોજેક્ટની મંજુરી ૩૧ માર્ચ ૨૦૨૦ સુધી મેળવી લેવામાં આવશે તેવા પ્રોજેક્ટની આવક પણ આ કલમ હેઠળ મજરે મળવા પાત્ર રહેશે.

પ્રધાનમંત્રી કિસાન સમ્માન નિધિ પીએમ-કિસાન યોજના અંતર્ગત ૨ હેક્ટરથી ઓછી ખેડાણપાત્ર જમીન ધરાવતા ખેડૂતોને પ્રતિવર્ષ રૃા. ૬૦૦૦ ની આવક સહાય પૂરી પાડવામાં આવશે, જેનો સરકારી તિજોરી પર વર્ષ ૨૦૧૯-૨૦ રૃા. ૭૫૦૦૦ કરોડ જેટલો બોજો રહેશે. અંદાજે ૧૨ કરોડ ખેડૂતોને તેનો સીધો લાભ મળશે.

રેલવેમાં વિકાસ કાર્યો માટે રૃા. ૧.૫૮ કરોડની જોગવાઈ કરવામાં આવી છે. ગયા વર્ષે સરકારે તે માટે ૧.૪૮ લાખ કરોડની ફાળવણી કરી હતી. બ્રોડગેજ નેટવર્ક પર દરેક માનવરહિત ક્રોસિંગ ખતમ કરી દેવામાં આવ્યા છે. દેશમાં વિકસીત થયેલી સેમી હાઈસ્પીડ ટ્રેન વંદે ભારત એક્સપ્રેસ લોકોને વિશ્વસ્તરીય સફરનો અહેસાસ કરાવશે. મેઘાલય, ત્રિપુરા અને મિઝોરમ પહેલીવાર રેલવેના નકશામાં આવશે.

શિક્ષણ, પોર્ટ, રોડ વગેરે ક્ષેત્રમાં વધુ ખર્ચની જોગવાઈ કરી છે. ભારતને વિકાસશીલ દેશ તરીકે આગળ વધારવાની ઈચ્છા શક્તિ દર્શાવે છે.

ચૂંટણીલક્ષી વાયદાની ભરમાર અને આંકડાની માયાજાળ

ખેડૂતોની વેદના કે ગ્રામ્ય આરોગ્યને લઈને મોદી સરકારના બજેટમાં કોઈ જોગવાઈ નથીઃ વિક્રમ માડમ

ખંભાળીયાના ધારાસભ્ય વિક્રમભાઈ માડમે કેન્દ્રિયમાં બજેટ અંગે પ્રતિક્રિયા આપતા જણાવ્યું છે કે નાના ખેડૂતોના ખાતામાં રૃા. ૬૦૦૦ ત્રણ હપ્તે ખેડૂતોના ખાતામાં જમા આપવાનો વાયદો આજે ૧ લી ફેબ્રુઆરી-૨૦૧૯ ના રજુ થયેલ આ કેન્દ્ર સરકારે ખેડૂતોને હથેળીમાં ચાંદ દેખાડ્યો છે. રૃા. ૧૫ લાખ લોકોના ખાતામાં સરકાર ક્યારે જમા કરાવશે? ખેડૂતોની આવક બમણી કરી આપવાનો અગાઉ કરેલ વાયદો તો હજુ આ સરકારને પેન્ડીંગ છે. ખેડૂતોની બાવીસ પ્રકારની પેદાશો ટેકાના ભાવે ખરીદ કરવાનો વાયદો કરેલ છે. ખેડૂતોની મગફળી રૃા. ૧૨૦૦ ના ભાવે અને કપાસ રૃા. ૧૫૦૦ ના ભાવે ખરીદ કરવાના વાયદા સામે આટલા ભાવે ક્યારેય સરકારશ્રીએ નથી ખરીદી મગફળી કે નથી ખરીદ કરવામાં આવેલ કપાસ. આ સરકાર બજેટમાં અને ખેડૂતોના મસીહા તરીકે મોટી મોટી માત્ર વાતો કરતી સરકાર છે. આ સરકાર જ્યારે ખેડૂતોનાં, માલધારીઓના પશુઓ માટે ઘાસની ગાંસડીઓ ખરીદતી અને અગાઉ સરકાર પશુપાલકો કે ખેડૂતો માટે કેટલા લાખ ગાંસડી ખરીદી તેમજ જાહેર કરતી હતી ત્યારે આ સરકાર ઘાસ કે ચારો કિલોની સંખ્યામાં ખરીદીને કેટલા લાખ કિલો કે ઘાસ કે ચારો ખરીદ્યો તેવી હાસ્યાસ્પદ જાહેરાતો કરે છે. નથી મળતો ખેડૂતોને પાક વીમો કે જેમનાં માટે ખેડૂતો હક્કદાર છે કે નથી મળતા ખેડૂતોને તેમની ખેત પેદાશો પોષણક્ષમ ભાવ. ખેડૂતો પોતે પ્રિમિયમ ભરે છે, પાક નિષ્ફળ ગયેલ છે છતાં પાક વીમો નથી મળતો કે સરકારે ખેડૂતો તથા ગ્રામ્ય પ્રજા માટે નથી કોઈ સિંચાઈ યોજના માટેની જાહેરાત કરી. આ છે લોકોની મનોવેદના, તે બાબત બજેટમાં ક્યાંય સરકારે દેખાડેલ નથી.

દેશની ગ્રામ્ય અને નાના નગરની પ્રજાને આજે એઈમ્સ હોસ્પિટલની જાહેરાત સાંભળવી નથી પરંતુ અંતરિયાળ વિસ્તારમાં ગામડાઓ તેમજ નગરોની પ્રજાને તેમની નજીકના દવાખાનામાં કે હોસ્પિટલમાં ડોક્ટરોની સુવિધા જોઈએ, સરકારી હોસ્પિટલમાં સામાન્ય માણસ જ્યારે બીમારી સબબ નિદાન માટે જાય છે ત્યારે તેમને અદ્યતન બિલ્ડીંગની જરૃરત નથી પણ આવી હોસ્પિટલોમાં તમામ પ્રકારના રોગના નિષ્ણાત ડોક્ટરોની જરૃર છે. આ સરકારમાં હોસ્પિટલમાં માત્ર દશ ટકા ડોક્ટરોની જગ્યા ભરાયેલા હોય છે તેની સામે નેવું ટકા ડોક્ટરોની જગ્યા ખાલી છે. જ્યાં ડોક્ટરોની પૂરતી સુવિધા પણ આ હોસ્પિટલોમાં આ સરકાર પૂરી પાડતી નથી. ત્યારે આવા મોટી મોટી વાતો અને મોટી મોટી જાહેરાતોથી દેશની જનતાનું કશું વળવાનું નથી. આ બજેટમાં સરકારે માત્ર મોટી મોટી લોલીપોપ લોકોને દેખાડવામાં આવેલ છે. ત્યારે કોઈ હોસ્પિટલ જે ગામડાના દવાખાનાઓમાં ડોક્ટરશ્રી કે પેરા મેડિકલ સ્ટાફ કે પૂરતા નર્સીંગ સ્ટાફ ભરવાની કે લોકોને આવી હોસ્પિટલ, દવાખાનાઓમાં દાખલ થતાં કોઈ પણ દર્દીને અપૂરતી મેડિકલ સુવિધાઓથી મુશ્કેલી નહીં પડવાની જાહેરાત કરેલ નથી. માત્ર મોટા વાયદા અને મોટી વાતો સાથેનું બજેટ હોવાનું કોંગ્રેસના ધારાસભ્ય વિક્રમભાઈ માડમે જણાવ્યું છે.

ગ્રામ્યલક્ષી-કૃષીલક્ષી-યુવા-મહિલા-મધ્યમવર્ગ-નોકરિયાત સર્વેને લાભકારી એવા

કેન્દ્ર સરકારના બજેટને હરખભેર વધાવતું જિલ્લા ભાજપ

જામનગર તા. ૨ઃ કેન્દ્રની નરેન્દ્રભાઈ મોદીના નેતૃત્વવાળી સબળ સરકારે પોતાની સરકારનું છેલ્લું અને સૌથી લોકપ્રિય બજેટ રજુ સમગ્ર ભારતવાસીઓના મન મોહી લીધેલ છે. જિલ્લા ભાજપ દ્વારા દેશને 'નયા ભારત' તરફ લઈ જનાર આ બજેટને આવકારી પ્રધાનમંત્રી નરેન્દ્રભાઈ મોદી અને કેન્દ્રીય વિત મંત્રી અરૃણ જેટલી તથા પીયુષ ગોયલને અભિનંદન આપ્યા છે.

જિલ્લા ભાજપ અધ્યક્ષ ચંદ્રેશભાઈ પટેલે આ બજેટને આવકારતા જણાવેલ કે, સ્પષ્ટ નિયત અને સાફ નીતિ તેમજ અટલ નિષ્ઠાના ધ્યેય સાથે દેશના આગવા વિકાસનું પથદર્શક બજેટ થકી એ સાબિત થયેલ કે મોદી સરકાર એ સર્વજનહિતાય, સર્વજન સુખાય, ખાસ કરીને ખેડૂતો, ગ્રામીણ વસ્તી, અસંગઠીત ક્ષેત્રના કામદારો, યુવાઓ, મહિલાઓ અને ઈમાનદાર કરદાતાઓ સહિત સૌને લાભ અને રાહતો આપ્યા છે. તે બદલ આ બજેટ ખરેખર આવકારને પાત્ર છે. વિશેષમાં નાના ખેડૂતોને ભારત દેશના ઈતિહાસમાં પ્રથમ વખત રોકડ સહાય સીધી જ તેના ખાતામાં જમા કરવાની જાહેરાત પણ આવકારદાયક છે. આ ઉપરાંત ઈન્કમટેક્ષની મુક્તિ મર્યાદા ૫ લાખ કરી હજારો પ્રમાણિક કરદાતાઓની વર્ષોની અપેક્ષા પૂર્ણ કરેલ છે. આ ઉપરાંત ગૌ-માતાના સન્માન માટે રાષ્ટ્રીય કામધેનુ આયોગની રચના, શ્રમયોગીઓ માટે પેન્શન યોજના, માતૃવંદના યોજના, કિસાન ક્રેડીટ કાર્ડ સ્કીમ સહિત અનેક યોજનાઓ લોકપ્રિય બની રહેશે.

આ ઉપરાંત સાંસદ પૂનમબેન માડમ, કેબીનેટ કૃષીમંત્રી આર. સી. ફળદુ, મહામંત્રી ડો. વિનોદ ભંડેરી, પ્રવિણસિંહ જાડેજા, ચેતનભાઈ કડીવાર, ગુજરાત ગ્રામ ગૃહ નિર્માણ બોર્ડના ચેરમેન મૂળુભાઈ બેરા પૂર્વ ધારાસભ્યો ચીમનભાઈ સાપરીયા, મેઘજીભાઈ ચાવડા, બ્રિજરાજસિંહ જાડેજા, રાઘવજીભાઈ પટેલ, જિલ્લા ભાજપના પૂર્વ પ્રમુખો સૂર્યકાંતભાઈ  મઢવી, ડો. પી. બી. વસોયા, રમેશભાઈ મુંગરા, જાડાના પૂર્વ ચેરમેન દિલીપસિંહ ચુડાસમા સહિતના જિલ્લા ભાજપના તમામ અગ્રણીઓએ આ પ્રજાલક્ષી બજેટને આવકારી કેન્દ્ર સરકારને અભિનંદન પાઠવ્યા છે.

ફોટો સમાચાર

રાશી પરથી ફળ

Sagittarius (ધન: ભ-ધ-ફ-ઢ)

આપે આવેશ-ઉતાવળમાં આવી જઈને કોઈ કાર્ય કરવું નહીં. કોર્ટ-કચેરીના કામમાં ધાર્યુ કામ થાય નહીં. શુભ રંગઃ મેંદી - શુભ અંકઃ ૪-૭

Capricorn (મકર: ખ-જ)

દિવસની શરૃઆતમાં બેચેની-વ્યાકૂળતા રહે, પરંતુ ધીરે-ધીરે રાહત થતી જણાય. આપના કાર્યમાં વ્યસ્ત રહી શકો. શુભ રંગઃ મોરપીંછ - શુભ અંકઃ ૩-૯

Aquarius (કુંભ: ગ-શ-સ)

સીઝનલ ધંધામાં આકસ્મિક ઘરાકી આવી જવાને લીધે લાભ-ફાયદો થતો જણાય. આવક થાય. શુભ રંગઃ લીલો - શુભ અંકઃ ૫-૮

Pisces (મીન: દ-ચ-ઝ-થ)

દિવસ જેમ-જેમ પસાર થાય તેમતેમ આપને સાનુકૂળતા થતી જાય. યાત્રા-પ્રવાસનું આયોજન થવા પામે. શુભ રંગઃ લાલ - શુભ અંકઃ ૨-૬

Aries (મેષ: અ-લ-ઈ)

આપે ધીરજ અને શાંતિથી કામ કરવું. સંયુક્ત ધંધામાં, ભાગીદારીવાળા ધંધામાં વિવાદથી સંભાળવું. શુભ રંગઃ ગુલાબી - શુભ અંકઃ ૧-૩

Taurus (વૃષભ: બ-વ-ઉ)

ધીરે-ધીરે આપના કામમાં આવેલી રૃકાવટ-વિલંબ દૂર થતા જાય. સંતાનના પ્રશ્નમાં ચિંતા ઓછી થાય. શુભ રંગઃ ગ્રે - શુભ અંકઃ ૨-૬

Gemini (મિથુન: ક-છ-ધ)

આપના કામમાં વ્યસ્ત રહેવાની સાથે અન્ય કામકાજ અંગે પણ આપને દોડધામ કરવી પડે. મિત્રથી લાભ થાય. શુભ રંગઃ જાંબલી - શુભ અંકઃ ૪-૩

Cancer (કર્ક: ડ-હ)

આપના અગત્યનાં કામમાં સાનુકૂળતા જણાય. જાહેર-સંસ્થાકીય કામમાં વ્યસ્ત રહેવાનું થાય. શુભ રંગઃ વાદળી - શુભ અંકઃ ૬-૫

Leo (સિંહ: મ-ટ)

આપના કામમાં રૃકાવટ-વિલંબ અનુભવાય. ઉતાવળ કરવી નહીં. નાણાકીય લેવડ-દેવડમાં સતર્કતા-સાવધાની રાખવી. શુભ રંગઃ સફેદ - શુભ અંકઃ ૫-૭

Virgo (કન્યા: પ-ઠ-ણ)

ચિંતા-ઉચાટમાં દિવસનો પ્રારંભ થાય, પરંતુ જેમ-જેમ દિવસ પસાર થતો જાય તેમ-તેમ શાંતિ-રાહત થતી જાય. શુભ રંગઃ બ્લુ - શુભ અંકઃ ૨-૬

Libra (તુલા: ર-ત)

આપના રોજિંદા કામમાં વ્યસ્ત રહેવાનો પ્રયાસ કરવો, પરંતુ સ્વાસ્થ્યના ભોગે આપે કામમાં દોડધામ કરવી નહીં. શુભ રંગઃ કેસરી - શુભ અંકઃ ૪-૮

Scorpio (વૃશ્ચિક: ન-ય)

આપના કામમાં સાનુકૂળતા જણાય. ધંધામાં આવક થાય. બદલી-બઢતીનાં કામમાં સાનુકૂળતા જણાય. શુભ રંગઃ ક્રીમ - શુભ અંકઃ ૨-૧

Sagittarius (ધન: ભ-ધ-ફ-ઢ)

તમારા માટે તડકા-છાંયા જેવી મિશ્ર પરિસ્થિતિનો અનુભવ કરાવતું સપ્તાહ શરૃ થવા જાય છે. આ સપ્તાહના દિવસો દરમિયાન આપને પ્રતિકૂળ પરિસ્થિતિનો સામનો કરવો પડે તેમ જણાય છે. વધુ પડતા કાર્યબોજને કારણે આપને વ્યસ્તતાનો અનુભવ થાય. આર્થિક સ્થિતિ મજબૂત બનતા ખર્ચાઓને નિવારવા સક્ષમ બનશો. સામાજિક ક્ષેત્રે પ્રતિષ્ઠા-આબરૃમાં વધારો થતો જોવા મળે. આપના કાર્યો તથા પ્રયાસોને વખાણવામાં આવે. તબિયત બાબતે કાળજી રાખવી જરૃરી બને. બહારના ખાન-પાન ઉપર નિયંત્રણ રાખવું સલાહભર્યું રહેશે. તા. ૧૮ થી ર૧ મિશ્ર. તા. રર થી ર૪ કાર્યબોજ વધે.

Capricorn (મકર: ખ-જ)

આપના માટે આનંદદાયી સમય સાથે લાવતું સપ્તાહ શરૃ થવા જાય છે. આ સપ્તાહના સમયગાળા દરમિયાન આપની માનસિક સ્થિતિ આનંદમય બની રહેવા પામે. ક્યાંકથી કોઈ શુભ સમાચાર પ્રાપ્ત થવાની સંભાવના જણાય છે. આકસ્મિક ખર્ચાઓના કારણે આપની નાણાકીય સ્થિતિ લથડતી જણાય. આરોગ્યમાં સુધાર આવતો જોવા મળે. સાંસારિક જીવનમાં પરિવારજનોનો સાથ-સહકાર પ્રાપ્ત થાય. નાની-મોટી યાત્રા-પ્રવાસનું આયોજન શક્ય બને. નોકરિયાત વર્ગને ઉપરી અધિકારી સાથેના સંબંધો સુધારવાનો અવસર મળે. તા. ૧૮ થી ર૧ સ્વાસ્થ્ય સુધરે. તા. રર થી ર૪ આનંદદાયી.

Aquarius (કુંભ: ગ-શ-સ)

તમારા માટે સફળતાદાયક સમય સાથે લાવતું સપ્તાહ શરૃ થવા જાય છે. આ સપ્તાહના દિવસો દરમિયાન આપને આપના કાર્યક્ષેત્રે કરેલી ભૂતકાળની મહેનતનું ફળ આ સમયમાં મળતું જણાય. સમય સાનુકૂળ અને સફળતાદાયક બની રહે. આર્થિક સ્થિતિ મધ્યમ રહે, છતાં નોંધપાત્ર આવક માટે હજુ યોગ્ય સમયની રાહ જોવી પડે. જાહેરજીવન ક્ષેત્ર સાથે સંકળાયેલા જાતકો માટે સમય શુભ જણાય છે. શત્રુ વિરોધીઓને પરાસ્ત કરી શકશો. સંતાનના સ્વાસ્થ્ય બાબતે ચિંતા થઈ શકે. મિત્ર સાથે અણબનાવ થઈ શકે. તા. ૧૮ થી ર૧ મધ્યમ. તા. રર થી ર૪ સફળતાદાયક.

Pisces (મીન: દ-ચ-ઝ-થ)

આપના માટે નવી કાર્યરચનાના યોગ સાથે લાવતું સપ્તાહ શરૃ થવા જાય છે. આ સપ્તાહના સમયગાળા દરમિયાન આપ આપના રોજિંદા કામ સિવાય અન્ય કોઈ નવી પ્રવૃત્તિ સાથે જોડાઈ શકો છો. વ્યાવસાયિક નવી યોજનાઓનું અમલિકરણ થાય. આકસ્મિક ધનલાભ થવાની શક્યતા જણાય છે. સ્વાસ્થ્ય નરમ-ગરમ રહ્યા કરે. વિદ્યાર્થીઓને અભ્યાસમાં રૃચિ વધતી જણાય. વડીલોપાર્જિત મિલકત અંગેના વિવાદનો સુખદ નિકાલ આવી શકે. નોકરિયાત વર્ગને કાર્યબોજ-જવાબદારીઓ વધતી જણાય. પ્રારબ્ધનું ફળ મળે. તા. ૧૮ થી ર૧ સામાન્ય. તા. રર થી ર૪ શુભ.

Aries (મેષ: અ-લ-ઈ)

આપના માટે નાણાભીડનો અનુભવ કરાવતું સપ્તાહ શરૃ થવા જાય છે. આ સપ્તાહના સમયગાળા દરમિયાન આકસ્મિક અને અણધાર્યા ખર્ચાઓ આવતા જણાય. આપનું આર્થિક બજેટ હાલક ડોલક થતું જણાય. શારીરિક તથા માનસિક બાબતે આપની માનસિક સ્થિતિ તંગ બની રહે. સામાજિક જીવનમાં વિરોધીઓથી સાવધ રહેવું, તેઓ આપને પછાડવા માટે કાવા-દાવાની નીતિ રચી શકે છે. ઘર-પરિવાર બાબતે વાતાવરણ એકંદરે શાંત રહે. પારિવારિક સંબંધો મજબૂત બનતા જણાય. યાત્રા-પ્રવાસ ખર્ચાળ પૂરવાર થાય. તા. ૧૮ થી ર૧ યાત્રા-પ્રવાસ. તા. રર થી ર૪ નાણાભીડ.

Taurus (વૃષભ: બ-વ-ઉ)

તમારા માટે યાત્રા-પ્રવાસના યોગ સાથે લાવતું સપ્તાહ શરૃ થવા જાય છે. આ સપ્તાહના દિવસો દરમિયાન આપને આપના ઘર-પરિવારના સભ્યો સાથે પ્રવાસ-પર્યટન પર જવાનો અવસર પ્રાપ્ત થાય, પરંતુ પ્રવાસ-મુસાફરી ખર્ચાળ સાબિત થાય. વ્યાપાર-ધંધામાં મહત્ત્વના નિર્ણયો લેવામાં સાવધાની રાખવી. કોર્ટ-કચેરી જેવા સરકારી કાર્યોમાં અન્ય વ્યક્તિની મધ્યસ્થી દ્વારા સારૃં પરિણામ આવી શકે. જાહેરજીવનમાં વરિષ્ઠ વ્યક્તિઓ સાથે મિલન-મુલાકાત થાય. ધાર્મિક બાબતોમાં આપનું મન ખેંચાતું જણાય. તા. ૧૮ થી ર૧ મિલન-મુલાકાત. તા. રર થી ર૪ યાત્રા-પ્રવાસ.

Gemini (મિથુન: ક-છ-ધ)

આપના માટે મહેનતનું મીઠું ફળ અપાવતું સપ્તાહ શરૃ થવા જઈ રહ્યું છે. આ સપ્તાહ દરમિયાન લાંબા સમયથી ચાલી આવતી મુશ્કેલી દૂર થતી જણાય. આપે કરેલ પરિશ્રમ ફળીભૂત થતા અટવાયેલા પ્રશ્નો પૂર્ણ થતા જણાવ. એક નવી ઊર્જા-ઉત્સાહનો સંચાર થતો જોવા મળે. નાણાકીય સ્થિતિ મજબૂત બનતી જણાય. ધંધા-વ્યાવસાયિક ક્ષેત્રે કોઈ નવું કાર્ય હાથમાં આવી શકે. આરોગ્ય બાબતે નાની-મોટી સમસ્યાઓનો સામનો કરવો પડે. પેટ સંબંધિત રોગોથી સાવધાન રહેવું. પારિવારિક ક્ષેત્રે કોઈ ધાર્મિક-શુભ પ્રસંગનું આયોજન થઈ શકે. તા. ૧૮ થી ર૧ શુભ ફળદાયી. તા. રર થી ર૪ આરોગ્ય સાચવવું.

Cancer (કર્ક: ડ-હ)

તમારા માટે પારિવારિક કાર્યો કરાવતું સપ્તાહ શરૃ થવા જાય છે. આ સપ્તાહના દિવસો દરમિયાન આપ આપના ઘર-પરિવારના કાર્યોમાં સહભાગી થતા જણાવ. નોકરી, ધંધા-વ્યવસાય ક્ષેત્રે સારો એવો લાભ પ્રાપ્ત કરી શકશો. આપના પ્રયત્નોને બિરદાવવામાં આવે. આર્થિક પ્રગતિ સાધવાની ઈચ્છા ફળતી જણાય. આરોગ્ય બાબતે સમય નબળો રહેવા પામે. પડવા-વાગવાથી સાચવવું. વાહન ચલાવવામાં તકેદારી દખાવી. દાંપત્યજીવનમાં સંબંધોમાં એકરૃપતા બની રહે. સંતાન અંગે ચિંતા હશે તો દૂર થાય. મોજશોખ પાછળ ખર્ચ થાય. તા. ૧૮ થી ર૧ ખર્ચ-વ્યય. તા. રર થી ર૪ પારિવારિક કાર્યો થાય.

Leo (સિંહ: મ-ટ)

આપના માટે વ્યાપાર-વ્યવસાય ક્ષેત્રે શુભ ફળ અપાવતું સપ્તાહ શરૃ થવા જાય છે. આ સમયગાળા દરમિયાન ધંધા-રોજગાર ક્ષેત્રે સમય મહત્ત્વનો રહે. નવી યોજનાઓ, નવું સાહસ અમલમાં લાવી શકો. નોકરિયાત વર્ગને ઉપરી અધિકારી સાથે સંબંધો સુધરે. આર્થિક સમસ્યાઓ દૂર થતાં રાહત અનુભવી શકો. સામાજિક જીવનમાં વ્યસ્તતા રહે. મિલન-મુલાકાત થાય, જો કે ગૃહસ્થ જીવનમાં વાતાવરણ ડહોળાઈ શકે છે. નાની-નાની વાતો મોટું સ્વરૃપ ધારણ ન કરે તે જોવું. વાણી-વર્તન ઉપર નિયંત્રણ રાખવું લાભદાયક રહે. તા. ૧૮ થી ર૧ આર્થિક લાભ. તા. રર થી ર૪ વિવાદ ટાળવા.

Virgo (કન્યા: પ-ઠ-ણ)

તમારા માટે સ્વાસ્થ્યની સંભાળ રાખવાની સલાહ આપતું સપ્તાહ શરૃ થવા જાય છે. આ સપ્તાહના સમયગાળા દરમિયાન આપને આપના સ્વાસ્થ્ય પ્રત્યે સાવધાની રાખવી જરૃરી જણાય છે. ઋતુગત બીમારીઓના કારણે આપને પરેશાની રહ્યા કરે. સ્નેહીજનો સાથે બગડેલા સંબંધો સુધરતા જણાય. ઘર-પરિવારમાં કોઈ શુભ કે માંગલિક પ્રસંગનું આયોજન થાય. સામાજિક ક્ષેત્રે ઈર્ષાળુ માણસોથી સાવધાન રહેવું પડે. કોર્ટ-કચેરીના કાર્યોમાં પીછેહઠ કરવી પડે. વિદ્યાર્થી વર્ગને શુભ ફળ પ્રાપ્ત થાય અને સફળતા મળે. તા. ૧૮ થી ર૧ મધ્યમ. તા. રર થી ર૪ સ્વાસ્થ્ય સાચવવું.

Libra (તુલા: ર-ત)

તમારા માટે આકસ્મિક લાભદાયી સમય સાથે લાવતું સપ્તાહ શરૃ થવા જઈ રહ્યું છે. આ સપ્તાહના સમયગાળા દરમિયાન આપને આપના કાર્ય ક્ષેત્રે નવિન અને લાભદાયી તકો પ્રાપ્ત થતી જણાય. આકસ્મિક નાણાકીય લાભની શક્યતા નકારી શકાય નહીં. આપની માનસિક સ્થિતિ આનંદમય રહે. કાર્યબોજ હળવો થતો જણાય. સ્નેહીજનો સાથે સુખની પળો માણી શકવાનો અવસર પ્રાપ્ત થાય. આરોગ્ય સુખાકારી ઉત્તમ રહેવા પામે. શારીરિક તથા માનસિક સ્વસ્થતાનો અનુભવ થાય. વિદ્યાર્થી વર્ગને અભ્યાસમાં એકાગ્રતા રાખવી. તા. ૧૮ થી ર૧ સુખદ. તા. રર થી ર૪ લાભદાયી.

Scorpio (વૃશ્ચિક: ન-ય)

આપના માટે માન-સન્માન અપાવતું સપ્તાહ શરૃ થવા જાય છે. આ સપ્તાહના સમયગાળા દરમિયાન આપને જાહેરજીવન-સામાજિક ક્ષેત્રે માન-સન્માનમાં વધારો થતો જોવા મળે. આપની ચાહનામાં વધારો થાય. વ્યાવસાયિક કાર્યો પાર પડતા જણાય. વેપાર-ધંધામાં વિકાસ સાધવામાં સફળતા મળે. નાણાકીય રીતે સમય બળવાન જણાય છે. આવકના સ્ત્રોતો ખૂલતા જણાય. ગૃહસ્થજીવનનું વાતાવરણ ડહોળાઈ શકે છે. ક્રોધ-આવેશ ઉપર નિયંત્રણ રાખવું જરૃરી બને અન્યથા સંબંધોમાં તીરાડ પડી શકે છે. નવી મુલાકાત આવનારા સમયમાં ફળદાયી સાબિત થાય. તા. ૧૮ થી ર૧ વિવાદ ટાળવા. તા. રર થી ર૪ માન-સન્માન.

Opinion Poll

ભારતીય ક્રિકેટમાં અત્યાર સુધીનો સર્વશ્રેષ્ઠ 'કપ્તાન' કોણ..?




કાર્ટૂન

ફોટો ગેલેરી