અમદાવાદ તા. ૧૩ઃ હવામાન ખાતાએ રાજ્યમાં ફરી એક વખત વરસાદી માહોલ સર્જાવાની આગાહી કરી છે. રાજ્યમાં આગામી ૭ર કલાકમાં ભારેથી અતિભારે વરસાદની આગાહી છે. હવામાન વિભગના જણાવ્યા પ્રમાણે નવસારી, વલસાડ, પંચમહાલ, દાહોદ, મહિસાગર જિલ્લામાં ભારે વરસાદની આગાહી કરવામાં આવી છે. એક દિવસના વિરામ પછી ફરી વરસાદની આગાહી કરાઈ છે. રાજ્યમાં અને દેશભરમાં છેલ્લા ૧પ દિવસથી ભારેથી અતિભારે વરસાદ પડ્યો છે. જેના કારણે નદી, નાળા અને ડેમ ઓવરફ્લો થઈ ગયા છે.