નર્મદા ડેમની જળ સપાટી ૧૨ કલાકમાં ૩ર સેન્ટિમીટર વધીને ૧૧૧.૩૦ સે.મી. થઈ / અમદાવાદમાં ચાર ઈંચ વરસાદઃ વેજલપુરમાં સૌથી વધુ સાડા પાંચ ઈંચ વરસાદ પડયોઃ રાજકોટ સહિત સમગ્ર સૌરાષ્ટ્રમાં ધીમીધારે મેઘરાજાનું આગમનઃ જસદણ-વિંછીયા પંથકમાં ત્રણ ઈંચ પાણી પડયું / કેરળમાં પુરનો પ્રકોપ યથાવતઃ ૧૬૭ લોકોએ ગુમાવ્યા જીવઃ હજુ પણ રેડ એલર્ટ જાહેર / બે મહાપુરૃષો વચ્ચે ગજબનો યોગાનુયોગઃ પ્રમુખ સ્વામી મહારાજ અને અટલજીના એક જ દિવસે અંતિમ સંસ્કાર /

વાહરે કુદરત... ક્યાંક મહેર... ક્યાંક કહેર...

ઈમરાનખાન પાકિસ્તાનના વડાપ્રધાન બન્યા પછી તેની પ્રાથમિક્તા કઈ હશે, તેવો અંદાજ તેના પ્રારંભિક ઉચ્ચારણો પરથી આવી જાય છે. તેમના માટે પાકિસ્તાનની ખાડે ગયેલી આર્થિક સ્થિતિ સુધારવી અને સેના, આઈ.એસ.આઈ. તથા આતંકવાદીઓના દબાણ હેઠળ આંતરરાષ્ટ્રીય ક્ષેત્રે ટકી રહેવું કે દેશમાં પાકિસ્તાનીઓની અપેક્ષાઓ સંતોષવી એ લોઢાના ચણા ચાવવા જેવું પૂરવાર થવાનું છે.

પીએમ મોદીએ તેમને પાક.ને આતંકમુક્ત કરવાની સુફિયાણી સલાહ આપી છે, પરંતુ ઈમરાનખાન માટે તેવી હિંમત દાખવવી કે કાશ્મીર મુદ્દે પાક.ની પરંપરાગત ભારત વિરોધી નીતિ છોડવી સરળ નથી. તેમના આમંત્રણથી શપથવિધિમાં હાજરી આપવા ગયેલા પંજાબના મંત્રી નવજોતસિંહ સિદ્ધુએ મુહોબ્બતનો પૈગામ લઈને આવ્યા હોવાની જે વાત કરી છે, તેને કેવો પ્રતિભાવ મળે છે, તે જોવું રહ્યું.

આવી સ્થિતિમાં ભારત અને પાક.માં કુદરત પણ ક્યાંક મહેર તો ક્યાંક કહેર વરસાવી રહી છે. ભારતીય ઉપખંડમાં ચોમાસાની સ્થિતિ લગભગ સરખી જ રહેતી હોય છે. ભારતમાં પણ મેઘરાજાએ રૌદ્ર સ્વરૃપ ધારણ કરતા અનેક સ્થળોએ ભારે તારાજી સર્જાઈ રહી છે. કેરળમાં તો ભારે વરસાદ અને પૂરના કારણે ૩ર૪ થી વધુ મૃત્યુ થયા છે અને બે લાખથી વધુ લોકો બેઘર થયા છે. કેન્દ્રિય ગૃહમંત્રીએ હવાઈ નિરીક્ષણ કર્યા પછી હવે પીએમ મોદીએ પણ માહિતી મેળવી છે. કેરળના પૂરગ્રસ્તોને તત્કાળ મદદની જરૃર છે, ત્યારે માત્ર હવાઈ નિરીક્ષણો કે પ્રવાસો કરવાના બદલે કેન્દ્ર સરકારે પ્રાથમિક તબક્કે તત્કાળ જરૃરી ફંડ ફાળવવું અને પહોંચાડવું જોઈએ.

કેરળના મુખ્યમંત્રી કાર્યાલયે જણાવ્યા મુજબ ૧૦૦ વર્ષની સૌથી મોટી કુદરતી આફત સામે રાજ્ય ઝઝુમી રહ્યું છે. આજે વડાપ્રધાન મોદી હવાઈ સર્વેક્ષણ પછી કેટલી ઝડપે કેન્દ્રિય મદદ અને વધુ ફંડ મોકલે છે, તેના પર પૂરગ્રસ્તોની નજર પણ મંડાયેલી છે. પંજાબ અને દિલ્હી જેવા કેટલાક રાજ્યોએ કરોડોની મદદ જાહેર કરી છે.

દેશભરમાં મેઘરાજા વરસી રહ્યા છે. ક્યાંક  શ્રીકાર વરસાદ ખેતી માટે સોનું વરસાવી રહ્યો છે, તો ક્યાંક વાદળો ફાટતા તારાજી સર્જાઈ રહી છે. કુદરતની મહેર અને કહેરથી પ્રભાવિત લોકોમાં કહીં ખુશી... કહીં ગમ... જેવી સ્થિતિ સર્જાઈ રહી છે, ત્યારે મેઘરાજા સાર્વત્રિક અને સમતોલ વર્ષા કરે, તેવી ઈશ્વરને પ્રાર્થના જ કરવી રહી.

હવામાન ખાતાની આગાહીઓ પરથી ભરસો ઊઠી જાય, તે પહેલા આ વખતે આગાહી મુજબનો વરસાદ ગુજરાતના ઘણાં વિસ્તારોમાં થયો છે. જામનગર સહિત કેટલાક સ્થળોએ જોરદાર વરસાદી ઝાપટાં ગઈકાલે પડ્યા પછી  સંતોષજનક મેઘકૃપા થઈ જાય, તેવી આશા સૌ રાખી રહ્યા છે.

આ વર્ષે કુદરતે એવી કરવટ લીધી છે, કે દેશના કેટલાક વિસ્તારોમાં ભારે વરસાદે તારાજી સર્જી છે, તો કેટલાક વિસ્તારોમાં હજુ પણ વરસાદની ખેંચ વર્તાઈ રહી છે. ગુજરાતમાં કેટલીક નદીઓમાં ભારે પૂર આવ્યા છે, તો નર્મદા નદીમાં પાણીની સારી આવક થતા સરદાર સરોવર ડેમની સપાટીમાં વધારો થયો છે, તે સમગ્ર ગુજરાત માટે રાહતરૃપ છે.

હવે વોટર મેનેજમેન્ટ માટે જનજાગૃતિનો સમય આવી ગયો છે. વોટર સપ્લાઈની પદ્ધતિઓ અને સંસાધનોને આધુનિક અને મજબૂત બનાવીને પાણીનો થતો વેડફાટ અટકાવવો જરૃરી છે. જેમ શરીરમાં લોહીની એક એક બૂંદ અમૂલ્ય હોય છે, તેમ જન-અસ્તિત્વ ટકાવી રાખવા પાણીનું ટીપેટીપું જરૃરી છે. આ અમૂલ્ય પાણીનો વેડફાટ અટકાવવા પ્રત્યેક નાગરિકે જાગૃત થવું પડશે. શરીરમાંથી લોહીનું ટીપું પણ નાની-સરખી ઈજા થવાથી નીકળે, ત્યારે જેવો જીવ બળે, તેવી જ અનુભૂતિ પાણીનો નિરર્થક વેડફાટ થતો નિહાળીને થવી જોઈએ, અન્યથા આપણી જ આવતી પેઢીનું અસ્તિત્વ જોખમાશે.

જેવી રીતે ટીપેટીપું પાણી બચાવવા જન-જન સુધી જાગૃતિ આવે, તે જરૃરી છે, તેવી જ રીતે શાસનો, સરકારો અને તંત્રોએ ચોમાસામાં આભમાંથી વરસતું અમૃત એકઠું  કરીને તેનો સદુપયોગ કરવા નવા નવા ઉપાયો શોધવા જોઈએ. આપણે જળાશયો-ચેકડેમો, તળાવો અને સરોવરોનું નિર્માણ કર્યું છે, તેમ છતાં અતિવૃષ્ટિ થતા તારાજી સર્જીને પાણી નિરર્થક વહી જાય છે, તો કેટલાક સ્થળે અલ્પવૃષ્ટિ કે અનાવૃષ્ટિના કારણે પીવાના પાણીની સમસ્યા ઊભી થતી જોવા મળે છે.

આ તમામ સ્થિતિમાં આકાશી ખેતી પર પણ માઠી અસર થાય છે. ભારત, પાક., બાંગ્લાદેશ, શ્રીલંકા સહિત ભારતીય ઉપખંડના દેશોમાં આ પ્રકારની સમાન સમસ્યા છે.

જ્યારે અતિવૃષ્ટિ થાય ત્યારે પણ તેના વહી જતા નીર ક્યાંક વાળીને તેનો સંગ્રહ ન કરી શકાય? જ્યાં વધુ વરસાદ થતો હોય, ત્યાં જળાશયો અને તળાવો ઊંડા કરવા તેમજ વરસાદી પાણીને સીધુ ભૂગર્ભમાં ઉતારવાના નવા ઈનોવેશન ન થઈ શકે? એવું શું કરી શકાય કે જેથી મહત્તમ વરસાદી પાણીનો સદુપયોગ થઈ શકે, અને ખાસ કરીને દુરૃપયોગ અટકી શકે? પાણીના વેડફાટ માટે કોઈ દંડ કે સજા કરવાની જોગવાઈ થઈ શકે ખરી? આ બધા સવાલો પર સડકથી સંસદ સુધી ગંભીર વિચાર-પરામર્શ થવો જોઈએ.

હવામાન

weather

શબ્દવ્યુહ

માર્કેટ યાર્ડ - હાપા, જામજોધપુર, જામનગર બ્રાસ સીટી:

માર્કેટ યાર્ડ - હાપા   ઘઉં ....242 ...383 । મગ ....800 ...1680 । લસણ ....160 ...805 । ચણા। ....160 ...805   માર્કેટ યાર્ડ - જામજોધપુર   કપાસ। ....780 ...937 । જીરૂ। ....2600 ...3125 । અરેંડા। ....650 ...729   જામનગર બ્રાસ સીટી   બ્રાસ હાની ઢાંળો ...315.00 । બ્રાસ હાની વાસંણ ...327.00 । બ્રાસ હાની પાઈપ ...329.00 । બ્રાસ વિલાયતી ....310.00