સેલવાસમાં વડાપ્રધાન બોલ્યા મહાગઠબંધન મોદી વિરૃધ્ધ નહીં દેશના લોકો વિરૃદ્ધ છે / મહારેલીમાં મમતા બેનર્જીના સ્ટેજ પરથી શત્રુધ્ન સિંહા બોલ્યા સાચુ બોલવું બળવાખોરી કહેવાય તો હું છું બળવાખોર /હાસ્ય લેખક તારક મહેતાના નિધન પછી તેમના પત્ની ઈન્દુ તારક મહેતાનું ૭પ વર્ષની વયે નિધન / યુએસમાં આવ્યું બ્લોક બસ્ટર વાવાઝોડુંઃ કેલિફોર્નીયામાં નિપજયાં પ વ્યક્તિના મૃત્યુઃ ૧૦ કરોડ લોકો પર જોખમ / ર૩૭ પેસેન્જર સાથે ગુમ થયેલા એમએચ- ૩૭૦ પ્લેનનો ભેદ ઉકેલાશે? પ્લેન ક્રેશ થયાનો વડિયો મળ્યો /

વાયબ્રન્ટ ગુજરાત... ડેટા સંસ્થાનવાદ સામે લડવા અંબાણીની ટકોર

ગાંધીનગરમાં વાયબ્રન્ટ સમિટ ચાલી રહી છે, અને લાખો કરોડ રૃપિયાના રોકાણોની જાહેરાતો થઈ રહી છે, પરંતુ મુકેશ અંબાણીએ ડેટા સંસ્થાનવાદ અટકાવવા માટે સહિયારી લડત આપવાની જે ટકોર કરી છે, તે સૌથી વધુ ચર્ચાનું કેન્દ્ર બની છે.

મુકેશ અંબાણીએ રિલાયન્સની જન્મભૂમિ ગુજરાત પ્રત્યે ગૌરવ વ્યક્ત કરીને તેમની કંપનીએ ગુજરાતમાં કરેલા રોકાણો, તેથી ઊભી થયેલી રોજગારી અને પ્રવર્તમાન તથા ભવિષ્યના આયોજનની વિગતો આપી અને નવમી વાયબ્રન્ટ સમિટમાં પણ જંગી રોકાણોની જાહેરાતો કરી, પરંતુ આ સાથે અંબાણીએ વિદેશી કંપનીઓના હાથમાં ડેટા જતો અટકાવવા અંગે જે અભિપ્રાય વ્યક્ત કર્યો, તે મહત્ત્વપૂર્ણ છે. બીજી રીતે આ દિશામાં કદમ ઊઠાવવા તેમણે અનુરોધના સ્વરૃપમાં  મોદી સરકારને ટકોર કરી છે, તેમ પણ કહી શકાય.

અંબાણીએ ઈન્ટરનેટ યુગમાં ડેટાને વેલ્થ એટલે કે સંપત્તિ ગણાવીને તેની સુરક્ષા પર ભાર મૂક્યો હતો. તેમણે કહ્યું કે ગાંધીજીએ રાજકીય ગુલામી સામે લડત ચલાવી હતી, તેવી જ રીતે હવે વિદેશી કોર્પોરેટ ક્ષેત્રોના સંરક્ષણવાદ સામે લડવાની જરૃર છે. તેમણે વડાપ્રધાનને વિદેશ કોર્રોરેટ ક્ષેત્રો પાસેથી ભારતીયોનો ડેટા પરત લાવવાની અપીલ કરી હતી, જેને ટકોર પણ ગણી શકાય.

ગઈકાલે વાયબ્રન્ટ ગુજરાત સમિટનો ધમધમાટ ચાલી રહ્યો હતો, ત્યારે અંબાણીએ ગાંધીજીના પોલિટિકલ કોલોનાઈઝેશન સામે આંદોલન આદર્યું હતું, તેવી રીતે હવે ડેટા કોલોનાઈઝેશન સામે નવું આંદોલન છેડવાની જરૃર જણાવી હતી. ભારતના ડેટા પર ભારતીયોનું નિયંત્રણ હોવું જોઈએ, અને ગ્લોબલ કોર્પોરેટ ક્ષેત્રના વર્ચસ્વને ખતમ કરવા નવી ડેટા ક્રાંતિ માટે ભારતે પોતાનો ડેટા પરત મેળવવો પડશે, તેમ જણાવીને પીએમ મોદી આ મુદ્દાને ડિજિટલ મિશનમાં આવરી લેશે  તેવી આશા વ્યક્ત કરી હતી.

ગ્લોબલ માર્કેટમાં હવે ડિજિટલ ઈકોનોમીનો પ્રભાવ, વિસ્તરી રહ્યો છે. ગૂગલ, એમેઝોન, ટ્વિટર, ફેસબુક સહિતની વિદેશી કંપનીઓ પાસે ગ્રાહકોનો ડેટા હોય છે, અને તેની મદદથી આ કંપનીઓ ભારતીય ગ્રાહકોને પ્રભાવિત કરે છે. અંદાજે ૧પ કરોડ ભારતીયોનો ડેટા વિદેશી કંપનીઓ પાસે છે, જેને ડેટા સંસ્થાનવાદ અથવા ડેટા કોલોનાઈઝેશન કહેવાય છે, તેની સામે લડતની જરૃર જણાવીને મુકેશ અંબાણીએ દેશ સમક્ષ એક નવો જ મુદ્દો રજૂ કર્યો છે.એવી આશા રખાઈ રહી છે કે અંબાણીના આ અનુરોધ પછી મોદી સરકાર તેનો અભ્યાસ કરીને ભારતીયોના ડેટા પરથી વિદેશી કંપનીઓનો પ્રભાવ કેવી રીતે ખતમ અથવા નિયંત્રિત કરી શકાય તે અંગે કોઈ પોલિસી જાહેર કરશે, જો કે હવે મોદી સરકાર પાસે બે જ મહિના જેવો જ સમય છે અને માર્ચના પ્રથમ સપ્તાહમાં ચૂંટણીઓ જાહેર થાય, તો આચારસંહિતા લાગુ પડી શકે છે, પરંતુ આ મુદ્દો ભારતીયોના ડેટા અને ભારતીય બજાર તથા ગ્લોબલ માર્કેટ સાથે સંકળાયેલો હોવાથી તે પહેલાં જ મોદી સરકાર આ સૂચન અંગે કોઈ પોલિસી નક્કી કરશે, તેવી સંભાવના નકારી શકાય નહીં.

૦   ૦   ૦

રેશમા પટેલ વાયબ્રન્ટના તાફયા પર ખફા

પાટીદાર આંદોલન સમિતિના પૂર્વ મહિલા યુવા નેતા રેશમા પટેલ વિધાનસભાની ચૂંટણીમાં ભાજપમાં જોડાઈ ગયા હતાં, પરંતુ તેઓ હવે ભાજપથી ખફા હોય તેમ જણાય છે. સૂત્રોને ટાંકીને વહેતા થયેલા અહેવાલો મુજબ તેમણે વાયબ્રન્ટ ગુજરાતના તાયફાઓની ઝાટકણી કાઢી છે, અને કરોડોના ઊડાઉ ખર્ચાઓ પર આકરા શાબ્દિક પ્રહારો કર્યા છે. તેમણે પોલીસના જવાનોના ખાવાના ઠેકાણા નથી ને મહેમાનોને ચારથી છ હજારની થાળી પીરસાઈ રહી છે, તેમ કહીને રૃપાણી સરકારના આ આયોજનની ઝાટકણી કાઢતા વિપક્ષોથી ય વધુ તીખા પ્રહારો કર્યા હોય તો તે ભાજપ માટે બૂમરેંગ છે.

હવામાન

weather

શબ્દવ્યુહ

માર્કેટ યાર્ડ - હાપા, જામજોધપુર, જામનગર બ્રાસ સીટી:

માર્કેટ યાર્ડ - હાપા   ઘઉં ....242 ...383 । મગ ....800 ...1680 । લસણ ....160 ...805 । ચણા। ....160 ...805   માર્કેટ યાર્ડ - જામજોધપુર   કપાસ। ....780 ...937 । જીરૂ। ....2600 ...3125 । અરેંડા। ....650 ...729   જામનગર બ્રાસ સીટી   બ્રાસ હાની ઢાંળો ...315.00 । બ્રાસ હાની વાસંણ ...327.00 । બ્રાસ હાની પાઈપ ...329.00 । બ્રાસ વિલાયતી ....310.00