'પ્રેમ'નો કોઈ દિવસ ન હોય કારણ કે પ્રેમ અમર લાગણી છે પ્રેમ એક દિવસનો ઉત્સવ નથી, પરંતુ જિંદગીને ઉત્સવ બનાવી દેતું તત્ત્વ છે. એટલે જ પ્રેમનો એકરાર કરવા માટે મુહૂર્ત કે ચોઘડિયા ન જોવાના હોય. પ્રેમ થાય એટલે જ ભાગ્ય બદલાઈ જતું હોય છે. પ્રેમમાં પડેલા માણસને નક્ષત્રો કરતા પ્રિયપાત્રના નેત્રો વધુ અસર કરે છે. પ્રિયપાત્રની આંખના ઈશારે પ્રેમીનું જીવન ધબકે છે. એટલે જ પ્રેમી સમક્ષ પહેલી વખત પ્રેમનો એકરાર જીવન-મરણના પ્રશ્ન જેવી સંવેદનશીલ ઘટના હોય છે. આ ઘટનાને પ્રસંગમાં પરિવર્તિત કરવા માટેનો અવસર એટલે જ 'વેલેન્ટાઈન-ડે' 'વેલેન્ટાઈન-ડે' એ પ્રેમના એકરાર દિવસનું આધુનિક નામ છે. આમ તો આવી પ્રથા સદીઓથી સમાજમાં પ્રવર્તે જ છે કારણ કે પ્રેમ પણ સદીઓથી છે અને રહેશે. ઘણી જ્ઞાતિઓમાં કોઈ ચોક્કસ દિવસે યુવક-યુવતીઓ પ્રિયપાત્રની પસંદગી કરે છે અને બન્નેને મંજુર હોય તો લગ્ન કરે છે. ઘણાં લોકમેળામાં યુવક-યુવતીઓ એકબીજાને પ્રેમનો પ્રસ્તાવ આપી બે અજાણ્યા વ્યક્તિમાંથી યુગલ બની જાય છે. આવી પ્રેમાળ પ્રથાનું વૈશ્વિક સ્વરૃપ એટલે 'વેલેન્ટાઈન-ડે'. જામનગરમાં 'વેલેન્ટાઈન-ડે'નો પૂરેપૂરો લાભ ઊઠાવવા માટે યુવા વર્ગ થનગની રહ્યો છે. ગીફ્ટની દુકાનોમાં દિવાળી જેવી રોનક જોવા મળી રહી છે.  નગરના ઈન્દ્રપ્રસ્થ કોમ્પલેક્ષમાં આવેલ ફૂલસ્ટોપ ગીફ્ટ શોપના રાજનભાઈ હિંડોચાના દાવાનુસાર તેમની પાસે ઉપલબ્ધ રપ૦ રૃપિયાથી ૪ હજાર સુધીની કિંમતના ટેડી-રોઝ બૂકેની સાથે ક્રીસ્ટલ પર લેસરથી પ્રિન્ટ કરેલા પ૦૦ રૃપિયાથી ૪ હજાર સુધીની કિંમતના એલ.ઈ.ડી. લાઈટવાળા ગીફ્ટ યુવા વર્ગને વિશેષ આકર્ષી રહ્યા છે. આ ઉપરાંત રૃપિયા ૭૦૦ થી ૪ હજાર સુધીની શ્રેણીમાં ઉપલબ્ધ મીરર ફોટો ફ્રેમ, રૃા. ર૦૦ થી અઢી હજાર સુધીની શ્રેણીમાં ઉપલબ્ધ રોમેન્ટિક ફોટો ફ્રેમ સાથે ર૪ કેરેટ ગોલ્ડ રોઝ પણ આ વર્ષે પોપ્યુલર ગીફ્ટ છે. પ૦ રૃપિયાથી ર હજાર સુધીની કિંમતમાં લવ કાર્ડ એવરગ્રીન છે. ૧૦૦ રૃપિયાથી પ હજાર સુધીની શ્રેણીમાં ઉપલબ્ધ ટેડીબીયર પણ લવર્સના હોટફેવરીટ છે. હાર્ટ શેપની ચોકલેટ, સુગંધવાળા આર્ટીફિશ્યલ ફ્લાવર, પરફ્યુમ, રીસ્ટ વોચ વગેરે પરંપરાગત ગીફ્ટ આઈટમ્સનું પ્રભૂત્વ પણ યથાવત્ છે. વેલેન્ટાઈન-વીકની ઉજવણી અંતર્ગત વિવિધ દિવસો ઉજવનાર યુવા વર્ગ ફાઈનલ-ડે (છેલ્લો દિવસ) સેલિબ્રેશન એટલેકે વેલેન્ટાઈન-ડે ઉજવવા તત્પર છે. તમે ગીફ્ટ લીધું કે નહીં?