મહિસાગરમાં રાતોરાત તૈયાર કરાયેલા હેલિ૫ેડ પર હાર્દિક પટેલના હેલિકોપ્ટરને ખેડૂતોએ ન ઉતરવા દીધુ / જેટ એરવેઝ છેલ્લા ૭ વર્ષમાં બંધ થનારી ૬ઠ્ઠી એરલાયન્સઃ વીસ હજાર જેટલા કર્મચારીઓના ભવિષ્ય પર લટકતી તલવાર / સાબરમતી નદીમાંથી મળી આવી જુની ૧૩ લાખ રૃપિયાની ચલણી નોટો /

ચૂંટણીઓમાં 'નોટા' અને અપક્ષો અન્ય પક્ષોની હારજીત પર થતી અસરોઃ રસપ્રદ વિશ્લેષણ

લોકસભાની ચૂંટણી માટે ગુજરાતમાં ૨૩ મી એપ્રિલે મતદાન થવાનું છે. વર્ષ ૨૦૧૪ માં લોકસભાની ચૂંટણીમાં ૮.૪૯ લાખથી વધુ મતદારોએ મતદાન કર્યું હતું. તે પછી ગુજરાત વિધાનસભાની વર્ષ-૨૦૧૭ ની વિધાનસભાની ચૂંટણીમાં હાલારની સાત બેઠકમાં કુલ મળીને ૧૦.૦૬ લાખથી વધુ મતદારોએ મતદાન કર્યુ હતું. જેમાં પોસ્ટલ મતોનો સમાવેશ થઈ જાય છે.

વર્ષ-૨૦૧૪ માં વિજેતા થયેલા ભાજપના ઉમેદવાર પૂનમબેન માડમને ૪.૮૪ લાખથી વધુ મતો મળ્યા હતા, જ્યારે કોંગ્રેસના વિક્રમભાઈ માડમને ૩.૦૯ લાખથી વધુ મતો મળ્યા હતા, એટલેકે લગભગ પોણા બે લાખના તફાવત થી પૂનમબેન માડમ વિજેતા થયા હતા.

તે પછી વર્ષ-૨૦૧૭ માં થયેલી વિધાનસભા ચૂંટણીઓની સાતેય બેઠકોના પક્ષવાર સરવાળો કરીએ તો ભાજપને ગણાયેલા કુલ ૧૦.૦૬ લાખ જેટલા મતોમાંથી કુલ ૪.૬૯ લાખ મતો મળ્યા હતા, જ્યારે કોંગ્રેસને ૪.૫૯ લાખ મતો મળ્યા હતા. તે ઉપરથી ૧૪૫૫૦ નોટાને મળેલા મતો સહિત ૭૮ હજાર જેટલા મતો અપક્ષો, અને અન્ય પક્ષો લઈ ગયા હતા, તે સમયે કોંગ્રેસને હાલારની ચાર બેઠકો મળી હતી, અને ભાજ૫ને ત્રણ બેઠકો મળી હતી.

આ આંકડાઓ જોતા લોકસભાની વર્ષ-૨૦૧૪ ની ચૂંટણી માં ભાજપને મળેલા મતોમાં મોટો તફાવત હતો અને પૂનમબેન માડમ જંગી સરસાઈથી જીત્યા હતા, જ્યારે વર્ષ-૨૦૧૭ ની ચૂંટણીમાં ભાજપ અને કોંગ્રેસને મળેલી સાતેય બેઠકના એકંદરે મતો વચ્ચેનું અંતર ઘણું બધું ઘટી ગયું હતું. અને કોંગ્રેસને સાતમાંથી ચાર બેઠકો પર વિજય મળ્યો હતો.

વર્ષ-૨૦૧૪ ની ચૂંટણી કરતા વર્ષ-૨૦૧૭ની વિધાનસભાની ચૂંટણીમાં મતદારોની સંખ્યા વધી હતી અને બંને પક્ષોને મળેલા મતો વચ્ચેનું અંતર ઘટી ગયું હતું. એ જોતા લોકસભા અને વિધાનસભાની ચૂંટણીઓમાં મતદારો અલગ-અલગ રીતે મતદાન કરતા હોવાનું પૂરવાર થાય છે. મતદારો રાષ્ટ્રીય અને રાજ્યોની ચૂંટણીઓના મુદ્દા અલગ-અલગ રીતે વિચારતા હોય છે, દેશમાં ઘણી વખત એવું બન્યું છે કે લોકસભાની સાથે કોઈ વિધાનસભાની ચૂંટણી થઈ હોય અને બંને માટે મતદારોએ એક સાથે મતદાન કર્યું હોય, તેમ છતાં પરિણામોમાં લોકસભા માટે અલગ અને વિધાનસભા માટે અલગ જનાદેશ મળ્યો હોય.

વર્ષ-૨૦૧૭ ની વિધાનસભાની ચૂંટણી માટે જ્યારે મતદાન થયું હતું, ત્યારે ગુજરાત સરકાર સામે એન્ટી ઈન્કમબન્સી જોવા મળી હતી. તે ઉપરાંત પાટીદાર આંદોલન, અલ્પેશ ઠાકોરનું આંદોલન અને ખેડૂતો, કર્મચારીઓ સહિત વિવિધ વર્ગોનો ઉગ્ર અસંતોષ જોવા મળ્યો હતો. તે ઉપરાંત વડાપ્રધાન નરેન્દ્ર મોદી અને અમિત શાહના હોમસ્ટેટમાં સત્તા પરિવર્તન માટે કોંગ્રેસે આકાશ-પાતાળ એક કર્યા હતા અને અન્ય વિપક્ષોનો પણ પ્રત્યક્ષ કે પરોક્ષ સહયોગ પણ મળ્યો હતો. આ કારણે જ તે સમયે ૧૫૧ પ્લસનો લક્ષ્યાંક હોવા છતાં ભાજપ ૯૯ બેઠકો પર સમેટાઈ ગયું હતું. જે આ પહેલાની વિધાનસભા ભાજપની સીટો કરતા પણ ૧૭ બેઠકો ઓછી હતી.

તે પછી હવે સ્થિતિ એવી છે કે કોંગ્રેસના વલ્લભભાઈ ધારવીયાના રાજીનામાંથી ખાલી પડેલી જામનગર (ગ્રામ્ય)ની બેઠકની પેટા ચૂંટણી યોજાઈ રહી છે, જ્યારે દ્વારકાની બેઠક પર વિજેતા થયેલા ભાજપના પબુભા માણેકની ચૂંટણીને હાઈકોર્ટે ગેરલાયક ઠરાવી છે. આમ કોંગ્રેસ અને ભાજપની બંનેની એકએક બેઠક ઘટી ગઈ છે. અને કોંગ્રેસ પાસે ત્રણ અને ભાજપ પાસે બે બેઠકો રહી છે.

વિધાનસભાની વર્ષ-૨૦૧૭ ની ચૂંટણીના પરિણામોમાં ઉડીને આંખે વળગે તેવી વાત એ છે કે, તેમાં સાતેય બેઠકોમાં મળીને ૧૪ હજારથી વધુ મતો 'નોટા' માં પડ્યા છે અને તેના સહિત ૭૮ હજારથી વધુ મતો અન્ય પક્ષો-અપક્ષો લઈ ગયા હતા. આ મતોએ હારજીતમાં મહત્ત્વની ભૂમિકા ભજવી હતી.

અત્યારે લોકસભાની ચૂંટણીમાં ઘણાં મુદ્દાઓ બદલી ગયા છે, અને વર્ષ-૨૦૧૭ ની સરખામણીમાં રાજકીય ચિત્ર પણ બદલાયું છે. ઉભય પક્ષે અન્ય પક્ષો, અપક્ષો અને નોટાને જતા મતોને તેમના તરફ વાળવાની ચેલેન્જ પણ ઊભી થઈ છે. આહિર જ્ઞાતિના બે ઉમેદવારો વચ્ચે જામનગર લોકસભાની બેઠક પર રસપ્રદ ચૂંટણી જંગ જામ્યો છે.

હવામાન

weather

શબ્દવ્યુહ

MARKET

માર્કેટ યાર્ડ - હાપા, જામજોધપુર, જામનગર બ્રાસ સીટી:

માર્કેટ યાર્ડ - હાપા   ઘઉં ....242 ...383 । મગ ....800 ...1680 । લસણ ....160 ...805 । ચણા। ....160 ...805   માર્કેટ યાર્ડ - જામજોધપુર   કપાસ। ....780 ...937 । જીરૂ। ....2600 ...3125 । અરેંડા। ....650 ...729   જામનગર બ્રાસ સીટી   બ્રાસ હાની ઢાંળો ...315.00 । બ્રાસ હાની વાસંણ ...327.00 । બ્રાસ હાની પાઈપ ...329.00 । બ્રાસ વિલાયતી ....310.00
close
Nobat Subscription