ત્રિજા દિવસે તોગડિયાએ કર્યા પારણાઃ કહ્યું મારી લડાઈ ચાલુ જ રહેશેઃ / બીટકોઈન કેસ મામલે અડાલજ પાસે ક્રાઈમ બ્રાન્ચે પીઆઈ અનંત પટેલની કરી ધરપકડ /

પ્રસિદ્ધ ચરિત્ર અભિનેતા પદ્મશ્રી મનોજ જોષી 'નોબત'ના અતિથિઃ ગુજરાતી ફિલ્મ 'ફેરાફેરી-હેરાફેરી'ની ટીમ સાથે વાતોની હેરાફેરી

અભિનય કરવો એટલે ખુદને અતિક્રમી જવું. સ્વયંના પાત્રને આત્મસાત કરવાનું કાર્ય ધારીએ એટલું સહેલું નથી. કારણ કે અભિનેતા બનવા માટે મનને અરીસા જેવું નિર્મળ રાખવું પડે છે. અરીસો જેટલો સ્વચ્છ હોય પ્રતિબિંબ એટલું જ ઉજળું લાગે છે. માટે જ ઉત્તમ અભિનેતા બનવા માટે ઉત્તમ માણસ બનવું પણ અનિવાર્ય છે. માણસ તરીકે ખુદને સતત નિખારતા રહેવું એ જ અભિનેતા તરીકે સતત વિકસતા રહેવાનો ઉપાય છે. છેલ્લા ત્રણ દાયકાથી ગુજરાતી રંગભૂમિ પર અભિનયના ઓજસ પાથરતા તેમજ છેલ્લા બે દાયકાથી સિલ્વર સ્ક્રીન પર ઝળહળતા ચરિત્ર અભિનેતા મનોજ જોષીને તાજેતરમાં એનાયત થયેલો પદ્મશ્રી પુરસ્કાર તેમના અનેક પાત્રોમાં ઝીલાયેલ પ્રતિભાના પરચાઓને શ્રેષ્ઠ રીતે પ્રમાણિત કરે છે. મનોજ જોષીની આગામી ગુજરાતી ફિલ્મ 'ફેરા ફેરી-હેરા ફેરી' ૧૩ મી એપ્રિલે રીલીઝ થવાની છે, ત્યારે પદ્મશ્રી મનોજ જોષીએ ફિલ્મના મુખ્ય અભિનેતા કુલદિપ ગોર, મુખ્ય અભિનેત્રી બીજલ જોષી તથા પ્રોડ્યુસર પ્રીત પટેલ અને રાજ પટેલ સાથે 'નોબત'ની શુભેચ્છા મુલાકાત લઈ 'નોબત' પરિવારના ચેતનભાઈ માધવાણી અને પત્રકાર આદિત્ય સાથે વાતોની હેરાફેરી એટલે કે ગોષ્ઠી કરી હતી.

જીતેન્દ્ર પરમારની કલમે લખાયેલી અને ગિરીશ મોહિતે દિગ્દર્શીત 'ફેરા ફેરી-હેરા ફેરી'અર્બન ગુજરાતી ફિલ્મમાં મનોજ જોષી બે પત્ની ધરાવતા પુરુષનું પાત્ર ભજવે છે. બીજલ જોષી તેમની દીકરી સપના બને છે અને કુલદિપ ગોર સપનાના પ્રેમી આકાશની ભૂમિકા નિભાવે છે. પ્રસિદ્ધ હાસ્યકાર સાંઈરામ દવે ફિલ્મમાં ડાયરાના માધ્યમથી દર્શકો સમક્ષ તેમની આગવી શૈલીમાં કથાનકને પ્રસ્તુત કરે છે. સાંઈરામ દવેને નરેટર તરીકે પ્રસ્તુત કરવાથી કોમેડી ફિલ્મમાં સોનામાં સુગંધ ભળી છે. ફિલ્મમાં મનોજ જોષી, કુલદિપ ગોર અને બીજલ જોષી ઉપરાંત શિલ્પા તુલાસ્કર, આરતી નાગપાલ, હરેશ દાગિયા વગેરે કલાકારો મુખ્ય પાત્રો ભજવી રહ્યા છે.

અભિનેતા મનોજ જોષીના દાવાનુસાર ફિલ્મમાં સિચ્યુએશન કોમેડી છે. વોટ્સએપ જોક્સ કે વલ્ગર હ્યુમરથી દૂર રહી કથાનકના બળે અને પાત્રોના પ્રતાપે હાસ્ય ઉત્પન્ન કરવામાં આવ્યું છે. આવી ફિલ્મમાં જ અભિનેતાની ક્ષમતાની સાચી પરખ થતી હોય છે. કારણ કે સિચ્યુએશનલ કોમેડીમાં ટાઈમીંગનો કમાલ હોય છે. એક સિદ્ધહસ્ત અથવા પ્રતિભાવન અભિનેતા જ શ્રેષ્ઠ કોમેડી કરી શકે છે. એટલે જ વાર્તાલાપ દરમિયાન મનોજ જોષીએ ચાર્લી ચેપ્લીનને પોતાના આદર્શ ગણાવી ફિલ્મના નવોદિત કલાકારોના કામની પણ પ્રશંસા કરી હતી.

'ફેરા ફેરી-હેરા ફેરી'એ નવોદિત અભિનેતા કુલદિપ ગોરની પ્રથમ ફિલ્મ છે અલબત્ત તેઓ રંગમંચ પર અભિનયના ઓજસ પાથરી ચૂક્યા છે. એટલે કુલદિપને હીરો તરીકે નવોદિત કહી શકાય, પરંતુ અભિનેતા તરીકે તેની પ્રતિભા તેને ફિલ્મના અન્ય સિદ્ધહસ્ત અને વરિષ્ઠ કલાકારો સાથે ગૌરવપૂર્વક સ્થાન આપે છે. કુલદિપ ગોર મનોજ જોષીના ભાણેજ છે. મામાના વિશ્વાસપૂર્ણ આગ્રહને કારણે કુલદિપએ ફિલ્મી કારકિર્દીનો શુભારંભ 'હસતાં-હસતાં' કર્યો છે.

ફિલ્મની મુખ્ય અભિનેત્રી બીજલ જોષીએ આ ફિલ્મ પૂર્વે 'ગાંધીજી માય મેન્ટર' અને 'મોર બની થનગાટ કરે' નામની ગુજરાતી ફિલ્મમાં અભિનયના ઓજસ પાથર્યા છે.  મનોજભાઈની હીરા પારખુ દૃષ્ટિના પરિણામે જ બીજલને 'ફેરા ફેરી-હેરાફેરી'માં કાર્ય કરવાની તક મળી હોવાની કબુલાત કરી બીજલએ શૂટિંગ દરમિયાન અનુભવોને અમૂલ્ય ગણાવ્યા હતાં.

મનોજ જોષી અભિનીત નાટક 'ચાણક્ય'ના અત્યાર સુધીમાં ૧૦૪૧ પ્રયોગો થઈ ચૂક્યા છે. હિન્દી ફિલ્મ 'સરફરોશ'થી ફિલ્મી કારકિર્દીનો શુભારંભ કરનાર મનોજ જોષી અત્યાર સુધીમાં ૧રર ફિલ્મોમાં વિવિધ યાદગાર ભૂમિકાઓ નિભાવી ચૂક્યા છે, ત્યારે ગુજરાતી ફિલ્મ કરવા અંગે પૂછવામાં આવતા મનોજભાઈએ વતન ગુજરાત અને માતૃભાષા 'ગુજરાતી'ના ઋણ ચૂકવવાની લાગણી સાથે છેલ્લા ત્રણ વર્ષમાં ગુજરાતી ફિલ્મ ઈન્ડસ્ટ્રીની બદલાયેલી તાસીરની પ્રશંસા કરી, ભવિષ્યમાં ગુજરાતીમાં ગંભીર અને સમર્થ કથાનકવાળી ફિલ્મોમાં કામ કરવાની પ્રતિબદ્ધતા દર્શાવી હતી, પરંતુ એ પહેલા ગુજરાતી ફિલ્મોને એક એવો પ્રેક્ષક વર્ગ મળવો જરૃરી છે જે ગુજરાતી ફિલ્મસર્જકોને અને ગુજરાતી કલાકારોને બોલીવૂડની સમકક્ષ ફિલ્મો બનાવવા પ્રોત્સાહિત કરે. એ માટે ગુજરાતી ફિલ્મો નિહાળવા ગુજરાતીઓએ દિલ ખોલીને સિનેમાઘરોમાં જવું પડશે. મનોજ જોષીને આશા છે કે એ અવસર ખૂબ નજીકના ભવિષ્યમાં જ આવશે જ્યારે મલ્ટીપ્લેક્સના પ્રાઈમ ટાઈમ શો માં ગુજરાતી ફિલ્મો હાઉસફૂલ જતી હશે.

ગોષ્ઠી દરમિયાન મનોજ જોષીએ  તેમના આગામી ગુજરાતી ફિલ્મ પ્રોજેક્ટ 'ભવાઈ' અને 'સરદાર વલ્લભભાઈ પટેલ' અંગે પણ સંક્ષિપ્ત જાણકારી આપી ભવિષ્યમાં ગુજરાતી ફિલ્મ ઈન્ડસ્ટ્રીમાં વધુ સક્રિય થવાના સંકેત આપ્યા હતાં.

રૃદ્ર મુવીઝ ઈન્ટરનેશનલ તથા વ્રજ પ્રોડક્શન્સ દ્વારા નિર્મિત 'ફેરા ફેરી-હેરા ફેરી'ના પ્રોડ્યુસરની ભૂમિકા વિરલ એસ. પટેલ, દેવ પટેલ, દર્શન પટેલ અને ચારૃ જોષીએ નિભાવી છે. ફિલ્મના ટ્રેલર પરથી ખબર પડતી ફિલ્મ પર થયેલા ખર્ચની સાર્થક્તા ફિલ્મ જોવા માટેની ઉત્સુક્તા વધારી દે છે. તમે 'ફેરા ફેરી-હેરા ફેરી'નું ટ્રેલર નથી જોયું? તો હમણાં જ યુટ્યુબ પર શોધો અને હા ૧૩ એપ્રિલે સિનેમાઘરમાં ફિલ્મ જોવાનું ભૂલાય નહીં

હવામાન

weather

શબ્દવ્યુહ

માર્કેટ યાર્ડ - હાપા, જામજોધપુર, જામનગર બ્રાસ સીટી:

માર્કેટ યાર્ડ - હાપા   ઘઉં ....242 ...383 । મગ ....800 ...1680 । લસણ ....160 ...805 । ચણા। ....160 ...805   માર્કેટ યાર્ડ - જામજોધપુર   કપાસ। ....780 ...937 । જીરૂ। ....2600 ...3125 । અરેંડા। ....650 ...729   જામનગર બ્રાસ સીટી   બ્રાસ હાની ઢાંળો ...315.00 । બ્રાસ હાની વાસંણ ...327.00 । બ્રાસ હાની પાઈપ ...329.00 । બ્રાસ વિલાયતી ....310.00