ડોનાલ્ડ ટ્રમ્પે આપી ચીનને ચેતવણીઃ જો પોતાનું વલણ નહીં સુધારે તો સામાન પર ૧૦ ટકા એકસ્ટ્રા ટેક્સ લગાવવામાં આવશે / અમેરીકાએ બનાવ્યું વિશ્વનું સૌથી પાવરફુલ કોમ્ય્યુટર એક સેકન્ડમાં ર લાખ ટ્રિલીયન ગણતરી કરી શકે છે / આખરે બીજેપી-પીડીપીનું કજોડું તૂટયુંઃ ભાજપે ફાડયો પીડીપીથી છેડો / અમેરીકન પ્રમુખે આપ્યો સ્પેસ ફોર્સ રચવાનો આદેશઃ આ સેના બનાવવાના અમેરીકા પ્રથમ દેશ

દેશભરમાં કલા ક્ષેત્રે નગરનું નામ ઝળહળાવનાર ચિત્રકાર-શિલ્પકાર હિમાંશુ જોષી સાથે ગોષ્ઠી

દરેક માણસ સુંદરતાનો ચાહક હોય છે જ્યારે માણસ સુંદરતાનો સર્જક બને છે ત્યારે કલાકારનું બિરૃદ પામે  છે. આ બિરૃદ મેળવવા પોતાની અંદર રહેલી કલાને સતત કંડારતા રહેવી પડે છે એટલે જ કલાકાર આજીવન પોતાનો વિદ્યાર્થી હોય છે. તેણે પોતાની કૃતિઓ વડે સતત પોતાની શોધ કરતા રહેવાની હોય છે. આ શોધમાંથી જે જે નીકળે એ દુનિયા માટે અણમોલ ભેટ બની જાય છે. વડોદરા, દિવ, જયપુર, દિલ્હી, મુંબઈ વગેરે મહાનગરોમાં પોતાની કૃતિઓ વડે નગરનું નામ ઝળહળાવનાર જામનગરના વતની અને વડોદરામાં સ્થાયી ચિત્રકાર-શિલ્પકાર હિમાંશુ હરકિસનભાઈ જોષીએ 'નોબત'ના પત્રકાર આદિત્ય સાથે વડોદરા અને જયપુરમાં તાજેતરમાં પૂર્ણ થયેલ પોતાના પ્રોજેક્ટ અંગે તેમજ પોતાની સમગ્ર કલાયાત્રા અંગે સંક્ષિપ્ત ગોષ્ઠી કરી હતી.

હિમાંશુભાઈ નગરના ઈતિહાસ લેખક અને સિદ્ધહસ્ત વરિષ્ઠ કવિ હરકિસનભાઈ જોષીના પુત્ર છે. બાળપણથી જ ચિત્રકલાનો શોખ ધરાવતા હિમાંશુભાઈએ નગરના કુમાર મંદિર અને ડી.સી.સી. હાઈસ્કૂલમાં અભ્યાસ પછી વડોદરાની એમ.એસ. યુનિવર્સિટીમાંથી ફાઈન આર્ટસમાં અભ્યાસ કર્યો અને અભ્યાસ પૂર્ણ કર્યા પછી શિલ્પકાર તરીકે અનેક યાદગાર પ્રોજેક્ટ કર્યા છે. દિવમાં વિવિધ ટ્રાફિક આઈલેન્ડના નિર્માણથી લઈ તાજેતરમાં વડોદરાના પ્રસિદ્ધ કમાટી બાગમાં સિટી બસ સ્ટેન્ડના જુના અને બેકાર લોખંડના પાઈપ્સનો ઉપયોગ કરી 'વડોદરા' શહેરના નામના અક્ષરવાળી કલાત્મક બેઠક વ્યવસ્થા નિર્માણ કરવા સુધીના તેમના પ્રોજેક્ટ ચોતરફી પ્રશંસા પામ્યા છે.

ઉલ્લેખનિય છે કે કવિ હરકિસનભાઈ જોષીએ પોતાના અભ્યાસકાળ દરમિયાન ચિત્રકલાથી જ કલાયાત્રાનો આરંભ કર્યો હતો, પરંતુ રંગો કરતા શબ્દો સાથે સંબંધો વધુ ઘનિષ્ઠ થઈ જતા પીંછીનું સ્થાન કલમે લઈ લીધું. જ્યારે હિમાંશુભાઈએ કાગળને બદલે કેનવાસ અને પથ્થરો પર શબ્દો વગરની કવિતાઓ કંડારવાનો માર્ગ અપનાવ્યો છે.

વડાપ્રધાન નરેન્દ્ર મોદીના સ્માર્ટ સિટી પ્રોજેક્ટ અંતર્ગત રાજસ્થાનની રાજધાની જયપુરમાં જુના જયપુર શહેરના ૭ કિ.મી. વિસ્તારને વિકસિત કરવાના પ્રોજેક્ટ અંતર્ગત જયપુરના અજમેરી ગેઈટ વિસ્તારમાં રાજસ્થાનની ઓળખ પ્રદર્શિત કરે તેવા વિવિધ શિલ્પ બનાવવાનો નિર્ણય કરવામાં આવ્યો અને એ માટે હિમાંશુ જોષીને જવાબદારી સોંપવામાં આવી. હિમાંશુભાઈએ વડોદરામાં અન્ય કલાકારો સાથે આ પ્રોજેક્ટના કોન્સેપ્ટ નક્કી કરવા કેમ્પ કર્યો અને કેમ્પના ક્યુરેટરની જવાબદારી નિભાવી 'ટ્રેડીશ્નલ અને કન્ટેમ્પરી' એટલે કે 'પરંપરા અને આધુનિક્તા'ના સમન્વયને થીમ તરીકે લઈ હિમાંશુ જોષી સહિત કુલ ૭ કલાકારોએ બનાવેલી પથ્થરની ૭ કલાકૃતિઓનું તાજેતરમાં રાજસ્થાનના મુખ્યમંત્રી વસુંધરા રાજેના હસ્તે લોકાર્પણ કરવામાં આવ્યું છે.

આ પ્રોજેક્ટમાં હિમાંશુ જોષીએ રાજસ્થાની પથ્થરોનો ઉપયોગ કરી 'ગઢ' નામની કૃતિ બનાવી છે જેમાં રાજસ્થાની તેમજ પાશ્ચાત્ય આર્કીટેક્ચરનું મોહક મિશ્રણ જોવા મળે છે.  જે કૃતિ પ્રસ્તુત તસ્વીરમાં નિહાળી શકાય છે. 'ગઢ' કૃતિએ રાજસ્થાનના મુખ્યમંત્રી વસુંધરા રાજે સહિત અનેક અગ્રણીઓની પ્રશંસા મેળવી છે.

ગોષ્ઠી દરમિયાન હિમાંશુ જોષી વડોદરા, દિલ્હી અને મુંબઈમાં યોજાયેલા તેમના સોલો પેઈન્ટીંગ એક્ઝિબિશન તેમજ યુ.કે. અને યુ.એસ.એ.ના પ્રતિષ્ઠિત પેઈન્ટીંગ એક્ઝિબિશનમાં સ્થાન પામેલ પોતાના પેઈન્ટીંગ અંગે પણ વાત કરે છે. વાતચીત દરમિયાન હિમાંશુભાઈ જામનગરમાં કલા માટે જોઈએ તેટલું પોષક વાતાવરણ ન હોવાનો અફસોસ વ્યક્ત કરી જામનગરી તરીકે તક મળે તો નગરને પોતાની કૃતિઓથી સુશોભિત કરવાની ઈચ્છા અભિવ્યક્ત કરી હતી. દેશભરમાં પોતાની કલા વડે નગરને ગૌરવ અપાવનાર હિમાંશુભાઈને વતનના વિવિધ સ્થળોને પોતાના હસ્તે શણગારવાનો અવસર મળે તેવી શુભેચ્છા સાથે ગોષ્ઠી પૂર્ણ કરીએ.

હવામાન

weather

શબ્દવ્યુહ

માર્કેટ યાર્ડ - હાપા, જામજોધપુર, જામનગર બ્રાસ સીટી:

માર્કેટ યાર્ડ - હાપા   ઘઉં ....242 ...383 । મગ ....800 ...1680 । લસણ ....160 ...805 । ચણા। ....160 ...805   માર્કેટ યાર્ડ - જામજોધપુર   કપાસ। ....780 ...937 । જીરૂ। ....2600 ...3125 । અરેંડા। ....650 ...729   જામનગર બ્રાસ સીટી   બ્રાસ હાની ઢાંળો ...315.00 । બ્રાસ હાની વાસંણ ...327.00 । બ્રાસ હાની પાઈપ ...329.00 । બ્રાસ વિલાયતી ....310.00